Génesis 9:16 - Li Santil hu

¹⁶ Nak tincuil li xo̱quikꞌab saꞌ li chok, junelic ta̱julticokꞌ cue li cꞌaꞌru quinyechiꞌi chak e̱re joꞌ ajcuiꞌ reheb li xul.

Q'eqchi Bible

¹⁶ Naq taak'utunq li kaqlaaq' sa'eb' li choql, laa'in tink'e reetal li Sumwank li xink'ojob' chi junajwa rik'in chixjunileb' li wank xyu'am sa' ruuchich'och'.

Génesis 9:16 ပူးပေါင်းရင်းမြစ်များ

Jeremías 32:40

La̱in tinba̱nu jun li contrato riqꞌuineb ut xakxo̱k xcuanquil chi junelic. Incꞌaꞌ tincanab xba̱nunquil li usilal reheb ut tinqꞌue saꞌ xchꞌo̱leb nak teꞌxxucua cuu re nak incꞌaꞌ chic tineꞌxtzꞌekta̱na.

2 Samuel 23:5

Usta ma̱cuaꞌ joꞌcaneb li cualal incꞌajol riqꞌuin li Dios, abanan li Dios quixba̱nu li contrato cuiqꞌuin ut xakxo̱k xcuanquil chi junelic. Aꞌan xyehoc re chixjunil li cꞌaꞌak re ru aꞌin, ut tento ta̱uxma̱nk usta toj ma̱jiꞌ nacꞌulman. Ninnau nak laj Colol cue tixba̱nu li cꞌaꞌru nacuaj.

Génesis 17:19

Li Dios quixye re laj Abraham: —Ac xinye a̱cue nak lix Sara ta̱cua̱nk lix cꞌulaꞌal. Aj Isaac ta̱qꞌue chokꞌ xcꞌabaꞌ. La̱in tinba̱nu ajcuiꞌ lin contrato chi junelic riqꞌuin aꞌan joꞌ ajcuiꞌ riqꞌuineb li ralal xcꞌajol, chan.

Génesis 17:13

Tento nak chixjunileb la̱ cualal a̱cꞌajol teꞌxcꞌul li circuncisión. Joꞌcan ajcuiꞌ eb la̱ mo̱s cui̱nk. Chi joꞌcaꞌin ta̱cana̱k jun retalil riqꞌuin le̱ tzꞌejcual. Aꞌan retalil li contrato li xkaba̱nu chi kibil kib.

Hebreos 13:20

Aꞌ li Ka̱cuaꞌ Dios aꞌan laj qꞌuehol tuktu̱quil usilal, li Dios li quicuaclesin cuiꞌchic re chi yoꞌyo li Jesucristo saꞌ xya̱nkeb li camenak. Riqꞌuin lix lokꞌlaj quiqꞌuel li Jesucristo xakabanbil xcuanquil li acꞌ contrato chi junelic. Li Jesucristo na-iloc ke joꞌ junak cui̱nk narileb lix carner.

Génesis 17:7

Junelic ta̱cua̱nk xcuanquil li contrato li xinba̱nu a̱cuiqꞌuin joꞌ ajcuiꞌ riqꞌuineb la̱ cualal a̱cꞌajol. La̱in la̱ Dios la̱at, ut la̱in ajcuiꞌ xDioseb la̱ cualal a̱cꞌajol.

Isaías 55:3

Cha̱lkex cuiqꞌuin. Cherabihak li cꞌaꞌru ninye. Cheba̱nuhak li cꞌaꞌru ninye ut ta̱cua̱nk e̱yuꞌam chi junelic. La̱in tinba̱nu jun li contrato e̱riqꞌuin. Texcuosobtesi chi junelic joꞌ xinyechiꞌi re laj David junxil.

Génesis 9:17

Li xo̱quikꞌab, aꞌan li retalil li contrato xinyechiꞌi chak e̱re joꞌ ajcuiꞌ reheb li xul, chan li Dios nak quia̱tinac riqꞌuin laj Noé.

Ezequiel 34:26

La̱in tincuosobtesiheb ut tebincanab chi cua̱nc chixjun sutam lin tzu̱l. Tincuosobtesiheb ut tintakla li hab saꞌ xkꞌehil.

Ezequiel 37:26

La̱in tinba̱nu jun li contrato riqꞌuineb chi junelic re nak teꞌcua̱nk saꞌ tuktu̱quil usilal. Tinxakabeb saꞌ xnaꞌajeb ut tebinqꞌue chi qꞌuia̱nc. Ut tinqꞌue lin templo chi cua̱nc saꞌ lix naꞌajeb chi junelic.