Génesis 8:8 - Li Santil hu

⁸ Mokon chic laj Noé quirachꞌab jun li paloma re nak tixnau ma yo̱ chi chakic li haꞌ saꞌ xbe̱n li chꞌochꞌ.

Q'eqchi Bible

⁸ Chirix chik a'an kirach'ab' jun mukuy re tixnaw ma ak xsaak li ha' sa' xb'een li ruuchich'och'.

Génesis 8:8 ပူးပေါင်းရင်းမြစ်များ

Cantares 2:14

La̱at chanchanat jun li mucuy li naxmuk rib saꞌ eb li sako̱nac ut saꞌ eb li naꞌajej chꞌaꞌaj xtaubal. China̱canab chirilbal la̱ cuu. China̱canab chirabinquil lix ya̱b la̱ cux. Cꞌajoꞌ xchꞌinaꞌusal la̱ cuu. Ut cꞌajoꞌ nak nacuulac chicuu rabinquil xya̱b la̱ cux.

San Mateo 10:16

Chenauhak nak la̱in tintakla̱nk e̱re saꞌ xya̱nkeb li xicꞌ nequeꞌiloc e̱re. Chanchanakex li carner saꞌ xya̱nkeb laj xoj. Se̱bak e̱chꞌo̱l joꞌcakex li cꞌantiꞌ ut ti̱cak e̱chꞌo̱l joꞌcakex li paloma.

Cantares 1:15

At ixk, nacatinra. Cꞌajoꞌ xchakꞌal a̱cuu. Kꞌaxal chꞌinaꞌus li xnakꞌ a̱cuu. Chanchan xchꞌinaꞌusal cuib li mucuy.

Génesis 8:7

Quirachꞌab jun li xul tzꞌok xcꞌabaꞌ. Li xul aꞌan yo̱ chi rupupic saꞌ xbe̱n li haꞌ toj retal nak quichakic li haꞌ saꞌ xbe̱n li chꞌochꞌ.

Génesis 8:9

Li paloma quisukꞌi cuiꞌchic saꞌ li jucub cab xban nak incꞌaꞌ quixtau bar tixcꞌochob rib xban nak toj cuan li haꞌ saꞌ xbe̱n li ruchichꞌochꞌ. Laj Noé quixyeꞌ li rukꞌ. Quixchap li paloma ut quirocsi cuiꞌchic saꞌ li jucub cab.