Génesis 8:1 - Li Santil hu

¹ Li Dios quixtokꞌoba ru laj Noé joꞌ ajcuiꞌ chixjunileb li xul li cuanqueb saꞌ li jucub cab. Quixtakla jun nimla ikꞌ saꞌ xbe̱n li ruchichꞌochꞌ ut qui-oc chi chakic li haꞌ.

Q'eqchi Bible

¹ Li Yos kixtoq'ob'a ru laj Noé jo'wi' chixjunileb' li xul re li k'iche' ut eb' li ketomq li wankeb' rochb'een sa' li jukub' kab'l. Ut kixtaqla jun li iq' sa' xb'een li ruuchich'och' ut kisaak li ha'.

Génesis 8:1 ပူးပေါင်းရင်းမြစ်များ

Génesis 30:22

Li Dios quiril xtokꞌoba̱l ru lix Raquel ut quirabi lix tij. Xban aꞌan, li Dios quixqꞌue chi cua̱nc xcocꞌal.

Génesis 19:29

Li Ka̱cuaꞌ Dios quixsach ruheb chi junaj cua chixjunil li tenamit li cuanqueb saꞌ li ru takꞌa. Abanan quijulticoꞌ re li cꞌaꞌru quixtzꞌa̱ma laj Abraham. Joꞌcan nak quixcol laj Lot.

Éxodo 2:24

Nak li Dios quirabi nak yo̱queb chi kꞌoko̱nc, quijulticoꞌ re li usilal li quixyechiꞌi chak reheb laj Abraham, laj Isaac ut laj Jacob junxil.

Salmos 136:23

Aꞌan li natenkꞌan ke nak cuanco saꞌ raylal xban nak kꞌaxal nim li ruxta̱n saꞌ kabe̱n junelic.

1 Samuel 1:19

Joꞌ cuulajak chic queꞌcuacli toj ekꞌela ut co̱eb chixlokꞌoninquil li Dios. Ut chirix aꞌan queꞌsukꞌi saꞌ li rochocheb aran Ramá. Ut laj Elcana quicuan riqꞌuin lix Ana li rixakil ut quicana chi yaj aj ixk. Joꞌcaꞌin nak li Dios quixsume lix tij lix Ana.

Éxodo 14:21

Tojoꞌnak laj Moisés quixqꞌue li rukꞌ saꞌ xbe̱n li palau. Li Ka̱cuaꞌ Dios quixtakla jun cacuil ikꞌ li nachal chak saꞌ releb li sakꞌe. Yo̱ li ikꞌ chixjunil li kꞌojyi̱n ut xban li ikꞌ li palau quixjach rib ut quixchakihobresi lix beheb laj Israel li teꞌnumekꞌ cuiꞌ saꞌ li palau.

Salmos 106:4

Chinjulticokꞌ taxak a̱cue, at Ka̱cuaꞌ, nak ta̱cuosobtesiheb la̱ tenamit, ut china̱col taxak nak ta̱coleb aꞌan.

Amós 8:7

Li Ka̱cuaꞌ li qui-osobtesin re laj Jacob quixba̱nu li juramento saꞌ xcꞌabaꞌ ajcuiꞌ aꞌan ut quixye: —Ma̱ jaruj ta̱sachk saꞌ inchꞌo̱l chixjunil lix yehom xba̱nuhomeb li tenamit aꞌin.

Habacuc 3:2

At nimajcual Dios, nak quicuabi resil li joꞌ qꞌuial xaba̱nu, quinxucua a̱cuu. At Ka̱cuaꞌ Dios, chacꞌutbesi ta cuiꞌchic chiku anakcuan li caba̱nu chak junxil. Chacuuxta̱na taxak ku usta yo̱ a̱joskꞌil saꞌ kabe̱n.

Salmos 137:7

At nimajcual Dios, ma̱canab ta yal chi joꞌcan li raylal li queꞌxba̱nu ke li ralal xcꞌajol laj Edom nak queꞌnumta li jalan tenamit saꞌ kabe̱n. Quisahoꞌ saꞌ xchꞌo̱leb ut queꞌxye: —Jucꞌumak li tenamit Jerusalén ut sachomak chi junaj cua, chanqueb.

Salmos 132:1

At nimajcual Dios, chijulticokꞌ taxak a̱cue li rey David. Ut cua̱nk taxak saꞌ a̱chꞌo̱l chixjunil li raylal li quixcꞌul.

Nehemías 13:31

Ut quinxakabeb ajcuiꞌ li ani teꞌcꞌamok chak li siꞌ saꞌ xkꞌehil. Ut quinye reheb li tenamit nak teꞌxkꞌaxtesi li xbe̱n ru li racui̱mkeb saꞌ xkꞌehil. —At inDios, chaqꞌue taxak retal chixjunil li us li xinba̱nu ut ta̱cuuxta̱na taxak cuu.—

Nehemías 13:22

Chirix aꞌan quinye ajcuiꞌ reheb laj levita nak teꞌxsantobresi ribeb joꞌ naxye saꞌ li chakꞌrab. Ut quinye ajcuiꞌ reheb nak teꞌxcꞌacꞌaleheb li oqueba̱l re li tenamit re nak ma̱ ani ta̱muxuk re li hiloba̱l cutan. —At inDios, riqꞌuin aꞌin chijulticokꞌ taxak a̱cue li joꞌ qꞌuial li us ninba̱nu ut chacuy taxak inma̱c xban xnimal la̱ cuuxta̱n.—

Nehemías 13:29

At inDios, chaqꞌue taxak retal eb laj tij li xeꞌxmux ru lix cꞌanjeleb ut queꞌxkꞌet li contrato li caba̱nu riqꞌuineb laj tij ut riqꞌuineb laj levita.

Nehemías 13:14

—At inDios, chijulticokꞌ taxak a̱cue li joꞌ qꞌuial li us ninba̱nu. Ut misach taxak saꞌ a̱chꞌo̱l chixjunil li us ninba̱nu chokꞌ re la̱ templo ut re la̱ cꞌanjel.—

Apocalipsis 18:5

Xnumta lix ma̱queb. Chanchan xcuulac toj saꞌ choxa lix qꞌuial. Li Dios yo̱ chak chixqꞌuebal retal lix ma̱usilaleb.

Apocalipsis 16:19

Li tenamit li kꞌaxal nim xcuanquil quijacheꞌ. Oxib jachal qui-el. Ut eb li jun chꞌol chic tenamit quilajeꞌtꞌaneꞌ. Ut quijulticoꞌ re li Dios li ma̱c queꞌxba̱nu li tenamit Babilonia. Joꞌcan nak quixqꞌueheb chixtojbal rix lix ma̱queb chi tzꞌakal xban nak yo̱ xjoskꞌil saꞌ xbe̱neb.

Proverbios 25:23

Li ikꞌ li nachal saꞌ li norte naxcꞌam chak li hab. Joꞌcan ajcuiꞌ nak li ani naa̱tinac saꞌ joskꞌil naxchikꞌ xjoskꞌil li yo̱ chi abi̱nc re.

Li xHu LAJ JOB 14:13

Us raj nak tina̱muk ta chak saꞌ lix naꞌajeb li camenak. Mukmukin raj chak aran toj ta̱numekꞌ la̱ joskꞌil. La̱at raj tatyehok re joꞌ najtil tincua̱nk chak aran nak tinjulticokꞌ a̱cue.

Números 22:32

Lix ángel li Ka̱cuaꞌ quixpatzꞌ re laj Balaam: —¿Cꞌaꞌut nak xasacꞌ la̱ bu̱r oxib sut? La̱in cuanquin arin chixrambal a̱be xban nak incꞌaꞌ us li xic a̱cue chixba̱nunquil.

Jonás 4:11

Cui ra xacuecꞌa nak xchakic li jun to̱n chi cꞌum, ¿ma tojaꞌ ta chic la̱in incꞌaꞌ tincuil xtokꞌoba̱l ruheb li tenamit Nínive? Saꞌ li tenamit aꞌan cuan numenak cuakcꞌa̱l mil (120,000) chi cristian ut eb aꞌan incꞌaꞌ nequeꞌxnau xqꞌuebal retal bar cuan li us ut bar cuan li incꞌaꞌ us. Ut cuanqueb ajcuiꞌ nabal li xul. ¿Ma incꞌaꞌ ta biꞌ us xtokꞌobanquil ru li tenamit aꞌan? chan li Dios.

Salmos 36:6

At Ka̱cuaꞌ, lix ti̱quilal la̱ chꞌo̱l cuan chi junelic joꞌ eb li ni̱nki tzu̱l cuanqueb chi junelic. Kꞌaxal numtajenak la̱ naꞌleb chi rakoc a̱tin. Chanchan xchamal li nimla palau li incꞌaꞌ naru xbisbal. At Ka̱cuaꞌ, la̱at nacat-iloc reheb li cristian saꞌ ruchichꞌochꞌ joꞌ ajcuiꞌ eb li xul.

Éxodo 15:10

Xatakla li cacuil ikꞌ ut quixjunaji rib li haꞌ saꞌ xbe̱neb. Joꞌ li chꞌi̱chꞌ li kꞌaxal a̱l, nak quilajeꞌsubeꞌ rubel haꞌ.

Números 10:9

Te̱ya̱basiheb li trompetas nak texxic chi pletic saꞌ le̱ chꞌochꞌ riqꞌuineb li xicꞌ nequeꞌiloc e̱re li yo̱queb chi rahobtesi̱nc e̱re. Cui te̱ba̱nu chi joꞌcan, texjulticokꞌ re li Dios ut aꞌan ta̱colok e̱re chiruheb.

Li xHu LAJ JOB 12:15

Cui aꞌan ta̱raj nak incꞌaꞌ tixqꞌue li hab, incꞌaꞌ ajcuiꞌ tixqꞌue. Chakihak chixjunil. Ut cui aꞌan ta̱raj nak ta̱butꞌi̱nk li ruchichꞌochꞌ, ta̱butꞌi̱nk ajcuiꞌ.

Salmos 29:10

Li Ka̱cuaꞌ aꞌan li cuan xcuanquil saꞌ xbe̱n li butꞌi haꞌ, ut aꞌan li tzꞌakal rey li nataklan chi junelic.

Salmos 105:42

Li Dios quixba̱nu chi joꞌcan riqꞌuineb laj Israel xban nak jultic re li contrato li quixba̱nu riqꞌuin laj Abraham laj cꞌanjel chiru.

Isaías 44:27

Cui la̱in tinye nak ta̱chakik li palau, ta̱chakik. Ut cui tinye nak teꞌchakik li nimaꞌ, teꞌchakik ajcuiꞌ.

Nahum 1:4

Nak naxye aꞌan nak ta̱chakik li palau, nachakic ajcuiꞌ. Ut naxqꞌueheb ajcuiꞌ chi chakic li nimaꞌ. Quixsach ru li cha̱bil pim li cuan aran Basán ut quixsach ru li acui̱mk li cuan saꞌ li tzu̱l Carmelo. Ut quixsach ajcuiꞌ ru li cha̱bil cheꞌ li cuan aran Líbano.

Génesis 9:10

Ut tinba̱nu ajcuiꞌ li contrato riqꞌuineb chixjunileb li xul. Tinba̱nu riqꞌuineb li xul li nequeꞌrupupic ut li queto̱mk joꞌ ajcuiꞌ li cuanqueb saꞌ qꞌuicheꞌ. Tinba̱nu li contrato riqꞌuineb chixjunileb li xul li queꞌel saꞌ li jucub cab.—

Salmos 115:12

Li Ka̱cuaꞌ junelic nocojulticoꞌ re. Aꞌan ta̱osobtesi̱nk ke la̱o aj Israel. Ut aꞌan ajcuiꞌ li ta̱osobtesi̱nk reheb laj tij.

Jeremías 50:38

Telajeꞌchakik chixjunil li haꞌ li cuan aran xban nak li tenamit aꞌan xnaꞌajeb li jalanil dios. Xban lix dioseb xeꞌtontoꞌ xjolomeb laj Babilonia.

Zacarías 10:11

La̱in tintenkꞌaheb chixcuybal xnumsinquil li raylal joꞌ nak quintenkꞌaheb chak nak queꞌnumeꞌ chak saꞌ li Caki Palau aran Egipto. La̱in quintenkꞌaheb nak quinqꞌue chi chakic li nimaꞌ ut queꞌnumeꞌ jun pacꞌal. La̱in tincuisi xcuanquileb laj Asiria re nak incꞌaꞌ chic teꞌxnimobresi ribeb ut tinsach ajcuiꞌ xcuanquileb laj Egipto.