Génesis 7:8 - Li Santil hu

⁸ Queꞌoc li xul li natiꞌeꞌ xtibeleb. Ut queꞌoc ajcuiꞌ li xul incꞌaꞌ natiꞌeꞌ xtibeleb. Joꞌ ajcuiꞌ li xul li nequeꞌrupupic. Ut queꞌoc ajcuiꞌ li xul li nequeꞌxjucuqui rib saꞌ chꞌochꞌ.

Q'eqchi Bible

⁸ Chi sumalil rochb'een laj Noé ke'ok sa' li jukub' kab'l eb' li chaab'il xul ut eb' li ink'a' chaab'il, eb' li neke'rupupik ut eb' li neke'xjukuki rib' chiru ch'och',

Génesis 7:8 ပူးပေါင်းရင်းမြစ်များ

Génesis 6:19

Ut ta̱cuocsiheb saꞌ li jucub cab caꞌcabakeb li xul junju̱nk te̱lom ut junju̱nk ixk aꞌ yal cꞌaꞌru chi xulil. Teꞌoc re nak teꞌcolekꞌ a̱cuiqꞌuin.

Génesis 6:20

Teꞌoc li xul li nequeꞌrupupic chiru choxa, joꞌ eb ajcuiꞌ li nequeꞌbe̱c saꞌ chꞌochꞌ. Ut teꞌoc ajcuiꞌ li nequeꞌxjucuqui rib saꞌ chꞌochꞌ. Chi caꞌcab aꞌ yal cꞌaꞌru chi xulil teꞌoc saꞌ li jucub cab a̱cuiqꞌuin re nak teꞌcolekꞌ.

Génesis 7:2

Ta̱cuocsi saꞌ li jucub cab cuukutk sumal chi xul li natiꞌeꞌ xtibeleb, te̱lom ut ixk. Ut ta̱cuocsiheb ajcuiꞌ junju̱nk sumalak li xul, li incꞌaꞌ natiꞌeꞌ xtibeleb, te̱lom ut ixk.

Génesis 7:3

Ta̱cuocsi ajcuiꞌ cuukutk sumal li xul li nequeꞌrupupic, tzoꞌ ut tux, re nak cua̱nk riyajileb saꞌ ruchichꞌochꞌ.

Génesis 7:9

Chi caꞌcabil queꞌoc li xul saꞌ li jucub riqꞌuin laj Noé, te̱lom ut ixk, joꞌ quiyeheꞌ re laj Noé xban li Dios.

Génesis 7:14

Queꞌoc ajcuiꞌ saꞌ li jucub chixjunileb li xul aꞌ yal cꞌaꞌru chi xulil. Queꞌoc li xul li nequeꞌcuan saꞌ qꞌuicheꞌ joꞌ ajcuiꞌ li queto̱mk. Queꞌoc ajcuiꞌ li xul li nequeꞌrupupic chiru choxa joꞌ ajcuiꞌ li nequeꞌxjucuqui rib saꞌ chꞌochꞌ.

Hechos 10:12

Chi saꞌ li tꞌicr aꞌan cuanqueb chak nabal pa̱y ru li xul xcomoneb li nequeꞌcuan saꞌ ruchichꞌochꞌ. Cuanqueb cuan cuib rokeb ut cuib rukꞌ, cuanqueb xcomoneb li cꞌantiꞌ ut cuanqueb xcomoneb li xul li nequeꞌrupupic chiru choxa.