Génesis 7:4 - Li Santil hu

⁴ Saꞌ cuukub cutan tintakla chak li hab. Ut chiru caꞌcꞌa̱l cutan ut caꞌcꞌa̱l kꞌojyi̱n yo̱k li hab. Chixjunil li cꞌaꞌak re ru quinyoꞌobtesi saꞌ ruchichꞌochꞌ tinsach ruheb, chan li Dios.

Q'eqchi Bible

⁴ Sa' wuqub' li kutan chik tintaqla li hab' sa' xb'een li ruuchich'och' chiru ka'k'aal q'oqyink, ut talajinsacheb' sa' ruuchich'och' chixjunil linyoob'tesihom”, chan li Qaawa'.

Génesis 7:4 ပူးပေါင်းရင်းမြစ်များ

Génesis 7:17

Caꞌcꞌa̱l cutan quixqꞌue li hab. Quichamoꞌ li butꞌ ut li jucub quicuaclesi̱c xban li haꞌ ut napamamnac saꞌ xbe̱n li haꞌ.

Génesis 7:12

Ut quixqꞌue li hab chiru caꞌcꞌa̱l cutan ut caꞌcꞌa̱l kꞌojyi̱n.

Génesis 6:17

Ut la̱in tinqꞌue li nimla butꞌi haꞌ saꞌ ruchichꞌochꞌ, re nak teꞌosokꞌ chixjunil li cuanqueb jun sut rubel choxa. Chixjunil li cuanqueb saꞌ ruchichꞌochꞌ talajeꞌca̱mk.

Génesis 6:13

Joꞌcan nak quixye re laj Noé: —Tinsach ruheb chixjunil li cristian xban nak xnumta li ma̱c xeꞌxba̱nu. La̱in tinsach ru li ruchichꞌochꞌ chi junaj cua, chan li Dios.

Génesis 6:7

Li Ka̱cuaꞌ Dios quixye: —Tebinqꞌue chi osocꞌ li cristian li quinyoꞌobtesiheb, joꞌ ajcuiꞌ chixjunileb li xul li nequeꞌbe̱c ut teꞌosokꞌ li nequeꞌxjucuqui ribeb, joꞌ ajcuiꞌ li nequeꞌrupupic saꞌ choxa. Cꞌajoꞌ nak nayotꞌeꞌ inchꞌo̱l xbaneb. Incꞌaꞌ raj xebinyoꞌobtesi, chan li Dios.

Salmos 69:28

Chacuisiheb ta lix cꞌabaꞌeb saꞌ li Hu re li Yuꞌam. Ut ma̱qꞌue taxak lix cꞌabaꞌeb saꞌ xya̱nkeb lix cꞌabaꞌeb li ti̱queb xchꞌo̱l.

Apocalipsis 3:5

Li ani tixcuy xnumsinquil chixjunil li raylal aꞌin ut incꞌaꞌ nachꞌinan xchꞌo̱l saꞌ lix pa̱ba̱l, aꞌan ta̱tikiba̱k riqꞌuin saki akꞌej. Ut la̱in incꞌaꞌ tinsach lix cꞌabaꞌ saꞌ li hu tzꞌi̱banbil cuiꞌ xcꞌabaꞌeb li cuanqueb xyuꞌam chi junelic. Ut chiru lin Yucuaꞌ ut chiruheb ajcuiꞌ lix ángel, la̱in tinye nak aꞌan cualal incꞌajol.

Amós 4:7

—La̱in incꞌaꞌ chic xinqꞌue li hab nak oxib po chic ma̱ nacuulac xkꞌehil li kꞌoloc. Xinqꞌue li hab saꞌ jun li tenamit ut saꞌ li jun chic incꞌaꞌ xinqꞌue. Saꞌ jun li cꞌaleba̱l xinqꞌue li hab ut saꞌ li jun chic xchakic li acui̱mk xban nak incꞌaꞌ xinqꞌue li hab.

Li xHu LAJ JOB 28:25

Aꞌan quibisoc re xcacuil li ikꞌ. Ut aꞌan ajcuiꞌ quibisoc re li xcacuil rok li haꞌ.

Li xHu LAJ JOB 22:16

Eb aꞌan ticto queꞌcam chi toj ma̱jiꞌ nacuulac xkꞌehil. Chanchan nimaꞌ quicꞌamoc reheb nak queꞌosoꞌ.

Génesis 8:12

Quiroybeni cuukub cutan chic ut quirachꞌab cuiꞌchic li paloma. Co̱ li paloma ut incꞌaꞌ chic quisukꞌi chak riqꞌuin laj Noé.

Génesis 7:10

Chixjunileb queꞌoc saꞌ li jucub. Nak quinumeꞌ li cuukub cutan, quiticla li hab ut quichal li butꞌ saꞌ ruchichꞌochꞌ.

Génesis 8:10

Quiroybeni cuukub cutan chic ut quirachꞌab cuiꞌchic li paloma re nak tixnau ma yo̱ chi chakic li haꞌ.

Génesis 6:3

Li Ka̱cuaꞌ Dios quixye: —Lin musikꞌ incꞌaꞌ ta̱cua̱nk riqꞌuineb chi junelic xban nak yal cristianeb. Incꞌaꞌ najt rok lix yuꞌameb tinqꞌue. Jun ciento riqꞌuin junmay (120) chihab ajcuiꞌ teꞌcua̱nk li cristian junju̱nk saꞌ ruchichꞌochꞌ, chan li Dios.

Génesis 2:5

toj ma̱cꞌaꞌ li acui̱mk ut ma̱cꞌaꞌ li pim xban nak li Ka̱cuaꞌ Dios toj ma̱jiꞌ quixqꞌue li hab saꞌ xbe̱n li ruchichꞌochꞌ. Chi moco cuan ta cui̱nk ta̱trabaji̱nk re li chꞌochꞌ.

Génesis 7:3

Ta̱cuocsi ajcuiꞌ cuukutk sumal li xul li nequeꞌrupupic, tzoꞌ ut tux, re nak cua̱nk riyajileb saꞌ ruchichꞌochꞌ.

Génesis 8:2

Quixcanab e̱lc li haꞌ saꞌ li chꞌochꞌ ut incꞌaꞌ chic quixqꞌue li hab.

Jeremías 28:16

Joꞌcan nak li Ka̱cuaꞌ xye nak tatrisi saꞌ ruchichꞌochꞌ. Chiru ajcuiꞌ li chihab aꞌin tatca̱mk xban nak xacꞌam xbeheb li tenamit chixkꞌetkꞌetinquil ribeb chiru li Ka̱cuaꞌ, chan.