Génesis 7:21 - Li Santil hu

²¹ Ut quilajeꞌcam chixjunileb li cuanqueb saꞌ ruchichꞌochꞌ. Queꞌcam chixjunil li xul li nequeꞌrupupic, joꞌ ajcuiꞌ li nequeꞌxjucuqui rib saꞌ chꞌochꞌ. Queꞌcam li queto̱mk joꞌ eb ajcuiꞌ li nequeꞌcuan saꞌ qꞌuicheꞌ. Ut chixjunileb li cristian queꞌcam.

Q'eqchi Bible

²¹ Jo'kan naq kilaje'kamk chixjunileb' li wankeb' sa' ruuchich'och': eb' li xul li neke'xjukuki rib' chiru ch'och', eb' li neke'rupupik chiru choxa, li ketomq, chixjunileb' li xul ut chixjunil li na'eek'ank sa' ruuchich'och' ut chixjunileb' li tenamit.

Génesis 7:21 ပူးပေါင်းရင်းမြစ်များ

Génesis 6:13

Joꞌcan nak quixye re laj Noé: —Tinsach ruheb chixjunil li cristian xban nak xnumta li ma̱c xeꞌxba̱nu. La̱in tinsach ru li ruchichꞌochꞌ chi junaj cua, chan li Dios.

Génesis 7:4

Saꞌ cuukub cutan tintakla chak li hab. Ut chiru caꞌcꞌa̱l cutan ut caꞌcꞌa̱l kꞌojyi̱n yo̱k li hab. Chixjunil li cꞌaꞌak re ru quinyoꞌobtesi saꞌ ruchichꞌochꞌ tinsach ruheb, chan li Dios.

Génesis 6:17

Ut la̱in tinqꞌue li nimla butꞌi haꞌ saꞌ ruchichꞌochꞌ, re nak teꞌosokꞌ chixjunil li cuanqueb jun sut rubel choxa. Chixjunil li cuanqueb saꞌ ruchichꞌochꞌ talajeꞌca̱mk.

Romanos 8:20

Li ruchichꞌochꞌ tzꞌekta̱nanbil xban li Dios. Moco yal quiraj ta nak quitzꞌekta̱na̱c. Xban nak ac joꞌcan chak saꞌ xchꞌo̱l li Dios. Abanan li ruchichꞌochꞌ toj yo̱ chixyoꞌoninquil nak ta̱colekꞌ.

2 Pedro 2:5

Li Dios incꞌaꞌ quixcuy xma̱queb li queꞌcuan saꞌ ruchichꞌochꞌ najter. Quixtakla ban chak li butꞌi haꞌ saꞌ xbe̱n li ruchichꞌochꞌ re nak teꞌosokꞌ chixjunileb laj ma̱c. Caꞌaj cuiꞌ laj Noé laj yehol resil li ti̱quilal quicoleꞌ rochbeneb li cuukub chic lix comoneb.

Romanos 8:22

Nakanau nak li ruchichꞌochꞌ chalen anakcuan cuan saꞌ raylal ut yo̱ chiroybeninquil nak ta̱usa̱k. Li ruchichꞌochꞌ, aꞌan joꞌ jun li ixk yo̱ chixcꞌulbal li raylal nak ac qꞌuira̱c re.

San Lucas 17:27

Saꞌ eb li cutan aꞌan li tenamit yo̱queb chi cuaꞌac ut yo̱queb chi ucꞌac. Yo̱queb chi sumla̱c ut yo̱queb chi sumuba̱nc toj quicuulac xkꞌehil nak laj Noé qui-oc saꞌ li jucub cab. Nak ma̱cꞌaꞌ saꞌ xchꞌo̱leb quichal li butꞌi haꞌ ut quilajxsacheb chixjunileb li incꞌaꞌ queꞌoc saꞌ li jucub cab.

San Mateo 24:39

Ut incꞌaꞌ queꞌxtau xya̱lal toj quichal li butꞌi haꞌ ut quilajeꞌcꞌameꞌ chixjunileb xban li butꞌ. Chanchan ajcuiꞌ aꞌan nak toline̱lk cuiꞌchic la̱in li Cꞌajolbej.

Sofonías 1:3

Tinsacheb ru chixjunileb li cristian ut tinsach ajcuiꞌ ruheb chixjunileb li xul. Tinsach ruheb li xul li nequeꞌrupupic chiru choxa joꞌqueb ajcuiꞌ li car li cuanqueb saꞌ li nimaꞌ. Tinsach ruheb li incꞌaꞌ useb xnaꞌleb. Tinsacheb ru chixjunileb li cristian, chan li Ka̱cuaꞌ.

Joel 2:3

Nak teꞌcha̱lk laj sa̱cꞌ, chanchan nak ta̱numekꞌ li xam saꞌ xbe̱n li pim. Yal xban lix tikcual nachakic li pim usta toj ma̱jiꞌ nanumeꞌ li xam saꞌ xbe̱n. Joꞌcan ajcuiꞌ teꞌxba̱nu laj sa̱cꞌ. Nak ma̱jiꞌ nequeꞌnumeꞌ saꞌ li naꞌajej aꞌan, chanchan xchꞌinaꞌusal li naꞌajej Edén. Ut nak ac xeꞌnumeꞌ li xul, chanchan aj chic li chaki chꞌochꞌ li ma̱cꞌaꞌ na-el chiru teꞌxcanab. Ut ma̱cꞌaꞌ chic ta̱colekꞌ chiruheb.

Oseas 4:3

Xban li ma̱usilal li nequeꞌxba̱nu, li chꞌochꞌ ta̱chakik ut ma̱cꞌaꞌ chic ta̱e̱lk chiru. Chixjunil li cuan chiru ta̱ca̱mk. Chixjunil li xul saꞌ qꞌuicheꞌ joꞌqueb ajcuiꞌ li nequeꞌrupupic chiru choxa telajeꞌca̱mk ut telajeꞌca̱mk ajcuiꞌ li car li nequeꞌcuan saꞌ li palau.

Isaías 24:19

Ta̱osokꞌ li ruchichꞌochꞌ. Ta̱ecꞌasi̱k chi cau saꞌ xnaꞌaj ut ta̱jachekꞌ ru.

Isaías 24:6

Xban li ma̱usilal li queꞌxba̱nu quisacheꞌ ru li ruchichꞌochꞌ. Ut eb li cristian yo̱queb chixtojbal rix li ma̱c queꞌxba̱nu. Moco qꞌuiheb ta chic li teꞌcana̱k.

Génesis 1:25

Ut li Dios quixyoꞌobtesiheb chixjunil li xul li nequeꞌcuan saꞌ qꞌuicheꞌ aꞌ yal cꞌaꞌru chi xulil. Ut quixyoꞌobtesi chixjunileb li xul li nequeꞌcuaꞌac pim, aꞌ yal cꞌaꞌru chi xulil. Joꞌ ajcuiꞌ li xul li nequeꞌxjucuqui rib chiru chꞌochꞌ, aꞌ yal cꞌaꞌru chi xulil. Ut li Dios quiril nak us li quixba̱nu.

Li xHu LAJ JOB 34:15

chixjunileb raj teꞌca̱mk ut teꞌsukꞌi̱k raj cuiꞌchic chꞌochꞌ.