Génesis 7:14 - Li Santil hu

¹⁴ Queꞌoc ajcuiꞌ saꞌ li jucub chixjunileb li xul aꞌ yal cꞌaꞌru chi xulil. Queꞌoc li xul li nequeꞌcuan saꞌ qꞌuicheꞌ joꞌ ajcuiꞌ li queto̱mk. Queꞌoc ajcuiꞌ li xul li nequeꞌrupupic chiru choxa joꞌ ajcuiꞌ li nequeꞌxjucuqui rib saꞌ chꞌochꞌ.

Q'eqchi Bible

¹⁴ rochb'eenatqeb' li jar paay chi xulil, chixjunileb' li ketomq, li jar paay chi xul li neke'xjukuki rib' chiru ch'och' ut eb' li neke'rupupik chiru choxa, chixjunileb' li jar paay chi aj xik'anel xul.

Génesis 7:14 ပူးပေါင်းရင်းမြစ်များ

Génesis 1:21

Ut li Dios quixyoꞌobtesiheb li ni̱nki car ut chixjunileb li xul li cuanqueb saꞌ haꞌ, aꞌ yal cꞌaꞌru chi xulil. Ut quixyoꞌobtesi ajcuiꞌ li xul li nequeꞌrupupic, aꞌ yal cꞌaꞌru chi xulil. Li Dios quiril nak us li quixba̱nu.

Génesis 1:24

Ut quixye ajcuiꞌ li Dios: —Cheꞌcua̱nk yalak cꞌaꞌru chi xulil saꞌ ruchichꞌochꞌ. Cheꞌcua̱nk chixjunileb li xul li nequeꞌcuaꞌac pim. Cheꞌcua̱nk eb li xul li nequeꞌxjucuqui rib chiru chꞌochꞌ. Joꞌ ajcuiꞌ li xul li nequeꞌcuan saꞌ qꞌuicheꞌ. Ut quicꞌulman joꞌ quixye li Dios.

Génesis 6:19

Ut ta̱cuocsiheb saꞌ li jucub cab caꞌcabakeb li xul junju̱nk te̱lom ut junju̱nk ixk aꞌ yal cꞌaꞌru chi xulil. Teꞌoc re nak teꞌcolekꞌ a̱cuiqꞌuin.

Génesis 7:13

Nak toj ma̱jiꞌ naticla li butꞌi haꞌ, laj Noé qui-oc saꞌ li jucub cab rochben li oxib chi ralal, laj Sem, laj Cam, ut laj Jafet. Ut qui-oc ajcuiꞌ li rixakil laj Noé joꞌ eb ajcuiꞌ li rixakileb li oxib chi ralal.

Génesis 7:15

Chixjunil li xul queꞌoc saꞌ li jucub riqꞌuin laj Noé chi ju̱nk sumal.