Génesis 7:11 - Li Santil hu

¹¹ Saꞌ eb li cutan aꞌan yalak bar quilajeꞌel chak li haꞌ saꞌ chꞌochꞌ. Ut nak quitehon li choxa, quichal li hab chi kꞌaxal cau. Aꞌin quicꞌulman saꞌ li cuuklaju xbe li xcab po re li chihab aꞌan. Cuakib ciento (600) chihab cuan re laj Noé nak quicꞌulman aꞌin.

Q'eqchi Bible

¹¹ Lajeek'aal xkab' o'q'ob' (600) chihab' wank re laj Noé naq kik'ulmank a'an: sa' li wuqlaju xb'e li xkab' po ke'puk'je'k chaq li ha' li wankeb' taq'a jo' ajwi' li wankeb' taqe'q.

Génesis 7:11 ပူးပေါင်းရင်းမြစ်များ

Génesis 8:2

Quixcanab e̱lc li haꞌ saꞌ li chꞌochꞌ ut incꞌaꞌ chic quixqꞌue li hab.

Malaquías 3:10

Joꞌcan ut nak cꞌamomak chak che̱junilex li junju̱nk saꞌ xlaje̱tkil saꞌ xnaꞌaj li mayej re nak ta̱cua̱nk li cꞌaꞌru ta̱cꞌanjelak saꞌ li cuochoch. Ut yalomakin anakcuan riqꞌuin aꞌin. ¿Ma incꞌaꞌ tana tinte chak re li choxa ut tinqꞌue chak chi numtajenak le̱ rosobtesinquil? chan li nimajcual Dios.

Jeremías 51:16

Yal riqꞌuin ra̱tin li Ka̱cuaꞌ naxtakla chak li hab. Ut naxqꞌue li chok saꞌ chixjunil li ruchichꞌochꞌ. Yal riqꞌuin ra̱tin naxqꞌue li ca̱k chi ecꞌa̱nc nak yo̱ li hab. Ut narisi chak li ikꞌ saꞌ li naꞌajej li xocxo cuiꞌ xban.

Jeremías 5:22

¿Ma incꞌaꞌ te̱xucua cuu? Ut, ¿ma incꞌaꞌ sicsotkex xban e̱xiu chicuu? La̱in xinqꞌuehoc re li samaib re xrambal li palau chi junelic. Usta nasaqꞌueꞌ xban li rok haꞌ, abanan li haꞌ incꞌaꞌ ta̱numekꞌ jun pacꞌal li samaib li quinqꞌue saꞌ xnaꞌaj.

2 Reyes 7:19

Li cui̱nk li natenkꞌan re li rey quixye: —Usta li Ka̱cuaꞌ Dios naxtakla chak saꞌ choxa li cebada chi nabal, ma̱ jaruj ta̱cꞌulma̱nk joꞌ xaye, chan. Ut laj Eliseo quixye re: —La̱at ta̱cuil nak ta̱cꞌulma̱nk, abanan la̱at incꞌaꞌ ta̱tzaca li tzacae̱mk aꞌan, chan.

Ezequiel 26:19

Aꞌan aꞌin li naxye li nimajcual Dios. —La̱in tincanaba̱nk re li tenamit chi ma̱cꞌaꞌak chic cua̱nk chi saꞌ joꞌ eb li tenamit li queꞌsacheꞌ ruheb ut ma̱ ani chic cuan aran. La̱in tinba̱nu̱nk re nak ta̱butꞌu̱nk li palau saꞌ li tenamit.

Salmos 33:7

Li Dios quixchꞌutub ru li haꞌ ut quixcanab saꞌ xnaꞌajeb. Ut aran queꞌcana li xni̱nkal ru palau.

2 Reyes 7:2

Li cui̱nk li natenkꞌan re li rey quixye re laj Eliseo: —Usta li Ka̱cuaꞌ Dios naxtakla chak saꞌ choxa li cebada chi nabal, ma̱ jaruj ta̱cꞌulma̱nk joꞌ xaye, chan. Ut laj Eliseo quixye re: —La̱at ta̱cuil nak ta̱cꞌulma̱nk joꞌ xinye. Abanan la̱at incꞌaꞌ ta̱tzaca li tzacae̱mk aꞌan, chan.

Génesis 1:7

Li Dios quixjach ru li haꞌ chi ribil. Cuan li haꞌ quixcanab takꞌa ut cuan quixcanab takecꞌ saꞌ li choxa. Ut joꞌcan quixba̱nu li Dios.

San Mateo 24:38

Saꞌ eb li cutan aꞌan nak toj ma̱jiꞌ quicuan li butꞌi haꞌ, eb li tenamit yo̱queb chak chi cuaꞌac ut yo̱queb chi ucꞌac, ut yo̱queb chi sumla̱c ut chi sumuba̱nc toj saꞌ li cutan nak qui-oc laj Noé saꞌ li jucub cab.

Isaías 24:19

Ta̱osokꞌ li ruchichꞌochꞌ. Ta̱ecꞌasi̱k chi cau saꞌ xnaꞌaj ut ta̱jachekꞌ ru.

Salmos 74:15

Nak ma̱cꞌaꞌ rucꞌaheb laj Israel, la̱at caqꞌue xhaꞌeb. La̱at caqꞌue li yuꞌam haꞌ re nak teꞌucꞌak. Ut la̱at cajach chi ribil li nimaꞌ re nak chaki teꞌnumekꞌ cuiꞌ usta kꞌaxal cau rok li nimaꞌ.

Génesis 6:17

Ut la̱in tinqꞌue li nimla butꞌi haꞌ saꞌ ruchichꞌochꞌ, re nak teꞌosokꞌ chixjunil li cuanqueb jun sut rubel choxa. Chixjunil li cuanqueb saꞌ ruchichꞌochꞌ talajeꞌca̱mk.

Li xHu LAJ JOB 28:4

Nequeꞌxbec li xni̱nkal jul rubel chꞌochꞌ saꞌ li naꞌajej ma̱ ani naru nacuan. Nequeꞌcube riqꞌuin cꞌa̱m saꞌ li naꞌajej aꞌan. Ut aran nequeꞌtrabajic xjuneseb.

1 Ts 5:3

Nak eb li tenamit yo̱keb chixyebal, “Cuanco saꞌ tuktu̱quil usilal ut ma̱cꞌaꞌ cꞌoxlac”, tojoꞌnak ta̱cha̱lk rosoꞌjiqueb saꞌ junpa̱t chi ma̱cꞌaꞌak saꞌ xchꞌo̱leb joꞌ nak nachal xraylal li yaj aj ixk chi ma̱cꞌaꞌ saꞌ xchꞌo̱l. Ut eb aꞌan incꞌaꞌ teꞌcolekꞌ chiru li raylal ta̱cha̱lk saꞌ xbe̱neb.

2 Pedro 3:6

Joꞌcan ajcuiꞌ li ruchichꞌochꞌ li quicuan. Yal riqꞌuin ra̱tin li Dios, quibutꞌhaꞌin ut qui-osoꞌ.

Génesis 7:6

Cuakib ciento (600) chihab cuan re laj Noé nak quicuan li butꞌi haꞌ saꞌ ruchichꞌochꞌ.

Li xHu LAJ JOB 12:15

Cui aꞌan ta̱raj nak incꞌaꞌ tixqꞌue li hab, incꞌaꞌ ajcuiꞌ tixqꞌue. Chakihak chixjunil. Ut cui aꞌan ta̱raj nak ta̱butꞌi̱nk li ruchichꞌochꞌ, ta̱butꞌi̱nk ajcuiꞌ.

Li xHu LAJ JOB 38:16

¿Ma ac xatcuulac chak toj bar nayoꞌla cuiꞌ chak li palau? Ut, ¿ma xatcuulac toj saꞌ lix chamal?

Proverbios 3:20

Xban nak cuan xnaꞌleb quixjach li haꞌ riqꞌuin li chꞌochꞌ. Ut quixyi̱b ajcuiꞌ li chok re nak tixqꞌue li hab saꞌ ruchichꞌochꞌ.

Isaías 24:18

Nabal li raylal ta̱cha̱lk saꞌ e̱be̱n. Chanchan nak nachal li cacuil hab ut li ruchichꞌochꞌ ta̱ecꞌa̱nk saꞌ xnaꞌaj. Li ani nae̱lelic chiru li raꞌal ta̱chapekꞌ xban jun chic li raꞌal. Li ani tixcol rib chiru li raylal ta̱tꞌanekꞌ saꞌ jun chic li raylal.

Génesis 8:14

Saꞌ li cuukub xcaꞌcꞌa̱l (27) xbe li xcab po ac xchakic chi us li ruchichꞌochꞌ.

Li xHu LAJ JOB 38:37

¿Ma cuan ta biꞌ junak ta̱ru̱k ta̱ajla̱nk re li chok? Ut, ¿ma cuan ta biꞌ junak ta̱ru̱k ta̱yehok re li chok nak tixqꞌue chak li hab,