Génesis 7:1 - Li Santil hu

¹ Li Ka̱cuaꞌ Dios quixye re laj Noé, —Anakcuan ocan saꞌ li jucub cab la̱at a̱cuochbeneb la̱ cualal a̱cꞌajol ut la̱ cuixakil, xban nak caꞌaj cuiꞌ la̱at ti̱c a̱chꞌo̱l chicuu saꞌ xya̱nkeb li cristian li cuanqueb saꞌ eb li cutan aꞌin.

Q'eqchi Bible

¹ Chirix chik a'an li Qaawa' kixye re laj Noé: “Okan sa' li jukub' kab'l laa'at ut chixjunileb' li wankeb' sa' laawochoch, xb'aan naq xwil naq ka'jat wi' laa'at tiik aach'ool sa' li tenamit a'in.

Génesis 7:1 ပူးပေါင်းရင်းမြစ်များ

Génesis 6:9

Laj Noé aꞌan jun cui̱nk ti̱c xchꞌo̱l. Tzꞌakal re ru lix yuꞌam nak cuan saꞌ xya̱nkeb li ras ri̱tzꞌin ut ti̱c lix yuꞌam chiru li Dios. Aꞌan aꞌin retalil li ralal xcꞌajol laj Noé.

Hebreos 11:7

Xban lix pa̱ba̱l laj Noé, li Dios quixye re cꞌaꞌru talajcꞌulma̱nk. Ut laj Noé quixpa̱b li quixye li Dios usta toj ma̱jiꞌ nacꞌulman. Quixyi̱b li nimla jucub cab re xcolbal rib aꞌan, joꞌ eb ajcuiꞌ li ralal xcꞌajol. Ut lix pa̱ba̱l laj Noé quixcꞌutbesi nak li cuanqueb saꞌ ruchichꞌochꞌ incꞌaꞌ queꞌpa̱ban. Joꞌcan nak queꞌcam. Xban nak quipa̱ban, li Dios quixye nak ti̱c xchꞌo̱l laj Noé.

Génesis 7:13

Nak toj ma̱jiꞌ naticla li butꞌi haꞌ, laj Noé qui-oc saꞌ li jucub cab rochben li oxib chi ralal, laj Sem, laj Cam, ut laj Jafet. Ut qui-oc ajcuiꞌ li rixakil laj Noé joꞌ eb ajcuiꞌ li rixakileb li oxib chi ralal.

1 Pedro 3:20

Aꞌan eb li incꞌaꞌ queꞌpa̱ban chak chiru li Dios junxil. Li Dios riqꞌuin xnimal xcuyum, quiroybeni nak teꞌpa̱ba̱nk. Abanan incꞌaꞌ queꞌpa̱ban. Aꞌan quicꞌulman saꞌ eb li cutan nak laj Noé yo̱ chixyi̱banquil li nimla jucub cab. Incꞌaꞌ qꞌui li queꞌpa̱ban ut queꞌoc chi saꞌ li jucub cab. Cuakxakibeb ajcuiꞌ queꞌcoleꞌ chiru li butꞌi haꞌ. Chixjunileb li jun chꞌol chic quilajeꞌcam.

Hechos 2:39

Yechiꞌinbil e̱re la̱ex li ma̱tan aꞌin, ut yechiꞌinbil ajcuiꞌ reheb le̱ ralal e̱cꞌajol ut reheb ajcuiꞌ li ma̱cuaꞌeb aj judío. Yechiꞌinbil reheb chixjunileb li joꞌ qꞌuialeb teꞌbokekꞌ xban li Ka̱cuaꞌ li kaDios, chan.

San Lucas 17:26

Joꞌ quicꞌulman saꞌ eb li cutan nak toj cua̱nk laj Noé saꞌ ruchichꞌochꞌ, joꞌcan ajcuiꞌ ta̱cꞌulma̱nk nak ta̱cuulak xkꞌehil lin cꞌulunic la̱in li Cꞌajolbej.

Sofonías 2:3

Sicꞌomak li Ka̱cuaꞌ che̱junilex la̱ex li tu̱lanex saꞌ ruchichꞌochꞌ. Sicꞌomak li Ka̱cuaꞌ la̱ex li nequeba̱nu li cꞌaꞌru naraj li Ka̱cuaꞌ. Ti̱cak le̱ chꞌo̱l ut cheba̱nu li cha̱bilal. Ma̱re chan nak texcolekꞌ chiru lix joskꞌil li Dios saꞌ eb li cutan aꞌan.

Proverbios 14:26

Li ani naxxucua ru li Ka̱cuaꞌ Dios cau xchꞌo̱l ut eb li ralal xcꞌajol cuan cꞌaꞌru nequeꞌroybeni.

Génesis 7:7

Laj Noé qui-oc saꞌ li jucub cab rochbeneb li ralal, li rixakil ut li rixakileb li ralal re xcolbaleb rib chiru li butꞌi haꞌ.

Proverbios 18:10

Kꞌaxal lokꞌ xcꞌabaꞌ li Ka̱cuaꞌ ut kꞌaxal nim xcuanquil. Caꞌaj cuiꞌ riqꞌuin aꞌan nequeꞌxic chixsicꞌbal lix colbaleb li ti̱queb xchꞌo̱l.

Proverbios 10:9

Li ani cuan saꞌ ti̱quilal ma̱cꞌaꞌ naxxucua. Ut li ani naxba̱nu li incꞌaꞌ us, incꞌaꞌ ajcuiꞌ us na-el.

San Lucas 1:6

Laj Zacarías ut li rixakil, aꞌan ti̱queb xchꞌo̱l chiru li Dios. Junelic nequeꞌxqꞌue xchꞌo̱leb chixba̱nunquil chi tzꞌakal lix chakꞌrabinquileb ut lix taklanquileb xban li Ka̱cuaꞌ Dios.

2 Samuel 22:24

La̱in incꞌaꞌ xinma̱cob chiru li Ka̱cuaꞌ. Ut incꞌaꞌ xinba̱nu li ma̱usilal.

Ezequiel 14:14

Cui ta cuanqueb saꞌ li tenamit aꞌan laj Noé, laj Daniel, ut laj Job, caꞌaj cuiꞌ raj li oxib chi cui̱nk aꞌan teꞌcolekꞌ xban nak ti̱queb xchꞌo̱l. La̱in li Ka̱cuaꞌ xinyehoc re aꞌin.

Génesis 6:18

La̱in tinba̱nu jun li contrato a̱cuiqꞌuin. Tat-oc saꞌ li jucub cab la̱at ut eb la̱ cualal ut la̱ cuixakil joꞌ eb ajcuiꞌ li rixakileb la̱ cualal teꞌoc saꞌ li jucub cab.