Génesis 6:9 - Li Santil hu

⁹ Laj Noé aꞌan jun cui̱nk ti̱c xchꞌo̱l. Tzꞌakal re ru lix yuꞌam nak cuan saꞌ xya̱nkeb li ras ri̱tzꞌin ut ti̱c lix yuꞌam chiru li Dios. Aꞌan aꞌin retalil li ralal xcꞌajol laj Noé.

Q'eqchi Bible

⁹ A'an a'in li resil xyu'am laj Noé. Laj Noé a'an jun li winq tiik xch'ool ut chaab'il li xyu'am sa' xyanqeb' li rech winqilal. Laj Noé kiwank sa' sum'aatin rik'in li Yos.

Génesis 6:9 ပူးပေါင်းရင်းမြစ်များ

San Lucas 1:6

Laj Zacarías ut li rixakil, aꞌan ti̱queb xchꞌo̱l chiru li Dios. Junelic nequeꞌxqꞌue xchꞌo̱leb chixba̱nunquil chi tzꞌakal lix chakꞌrabinquileb ut lix taklanquileb xban li Ka̱cuaꞌ Dios.

Hebreos 11:7

Xban lix pa̱ba̱l laj Noé, li Dios quixye re cꞌaꞌru talajcꞌulma̱nk. Ut laj Noé quixpa̱b li quixye li Dios usta toj ma̱jiꞌ nacꞌulman. Quixyi̱b li nimla jucub cab re xcolbal rib aꞌan, joꞌ eb ajcuiꞌ li ralal xcꞌajol. Ut lix pa̱ba̱l laj Noé quixcꞌutbesi nak li cuanqueb saꞌ ruchichꞌochꞌ incꞌaꞌ queꞌpa̱ban. Joꞌcan nak queꞌcam. Xban nak quipa̱ban, li Dios quixye nak ti̱c xchꞌo̱l laj Noé.

2 Pedro 2:5

Li Dios incꞌaꞌ quixcuy xma̱queb li queꞌcuan saꞌ ruchichꞌochꞌ najter. Quixtakla ban chak li butꞌi haꞌ saꞌ xbe̱n li ruchichꞌochꞌ re nak teꞌosokꞌ chixjunileb laj ma̱c. Caꞌaj cuiꞌ laj Noé laj yehol resil li ti̱quilal quicoleꞌ rochbeneb li cuukub chic lix comoneb.

Génesis 7:1

Li Ka̱cuaꞌ Dios quixye re laj Noé, —Anakcuan ocan saꞌ li jucub cab la̱at a̱cuochbeneb la̱ cualal a̱cꞌajol ut la̱ cuixakil, xban nak caꞌaj cuiꞌ la̱at ti̱c a̱chꞌo̱l chicuu saꞌ xya̱nkeb li cristian li cuanqueb saꞌ eb li cutan aꞌin.

Génesis 5:24

Tzꞌakal re ru lix yuꞌam, ut saꞌ jun li cutan ma̱ ani chic saꞌ ruchichꞌochꞌ xban nak quicꞌameꞌ chi yoꞌyo xban li Dios.

Gálatas 3:11

Ac chꞌolchꞌo nak ma̱ ani ta̱ti̱cobresi̱k xchꞌo̱l chiru li Dios yal riqꞌuin xba̱nunquil li naxye saꞌ li najter chakꞌrab xban nak tzꞌi̱banbil saꞌ li Santil Hu nak ani naxpa̱b li Dios, ta̱ti̱cobresi̱k xchꞌo̱l chiru li Dios ut ta̱cua̱nk xyuꞌam chi junelic. (Hab. 2:4)

Génesis 17:1

Nak ac bele̱laju roꞌcꞌa̱l (99) chihab cuan re laj Abram, li Ka̱cuaꞌ Dios quixcꞌutbesi rib chiru ut quixye re: —La̱in li Ka̱cuaꞌ Dios li kꞌaxal nim incuanquil. Chatcua̱nk saꞌ xya̱lal chicuu ut ti̱cak a̱chꞌo̱l.

Génesis 5:22

Chirix lix yoꞌlajic laj Matusalén, laj Enoc quicuan oxib ciento (300) chihab chic. Ut toj queꞌcuan chic ralal ut xrabin. Laj Enoc quicuan chi sum a̱tin riqꞌuin li Dios.

Ezequiel 14:14

Cui ta cuanqueb saꞌ li tenamit aꞌan laj Noé, laj Daniel, ut laj Job, caꞌaj cuiꞌ raj li oxib chi cui̱nk aꞌan teꞌcolekꞌ xban nak ti̱queb xchꞌo̱l. La̱in li Ka̱cuaꞌ xinyehoc re aꞌin.

Li xHu LAJ JOB 1:1

Quicuan jun li cui̱nk aj Job xcꞌabaꞌ saꞌ li naꞌajej Uz. Li cui̱nk aꞌin tzꞌakal re ru lix yuꞌam ut ti̱c xchꞌo̱l. Naxxucua ru li Dios ut incꞌaꞌ naxba̱nu li ma̱usilal.

Génesis 2:4

Joꞌcaꞌin nak quiyi̱ba̱c chak li choxa ut li ruchichꞌochꞌ xban li Dios. Saꞌ li cutan nak li Ka̱cuaꞌ Dios quixyi̱b li choxa ut li ruchichꞌochꞌ,

1 Pedro 2:5

Ut la̱ex chanchanex li cocꞌ pec li na-oc saꞌ li tzꞌac. Xban li rusilal li Jesucristo, naru texcꞌanjelak chiru li Dios joꞌ eb laj tij li nequeꞌmayejac chiru li Dios. Li mayej li kꞌaxal lokꞌ, aꞌan nak te̱kꞌaxtesi e̱rib saꞌ rukꞌ li Dios. Ut le̱ mayej nacꞌuleꞌ xban li Dios saꞌ xcꞌabaꞌ li Jesucristo.

Eclesiastés 7:20

Relic chi ya̱l ma̱ jun cuan saꞌ ruchichꞌochꞌ li kꞌaxal ta ti̱c xchꞌo̱l chi incꞌaꞌ ta ta̱ma̱cobk.

Hechos 10:22

Eb aꞌan queꞌxye: —Laj Cornelio li capitán xtaklan chak ke. Aꞌan jun cui̱nk ti̱c xchꞌo̱l ut naxxucua ru li Dios. Chixjunileb laj judío nequeꞌxqꞌue saꞌ xnakꞌ ruheb. Jun x-ángel li Dios quixcꞌutbesi rib chiru ut quixye re nak tatxbok saꞌ rochoch re nak ta̱ru̱k ta̱rabi li cꞌaꞌru ta̱ye re, chanqueb re.

Ezequiel 14:20

Relic chi ya̱l la̱in li yoꞌyo̱quil Dios ninye nak usta cuanqueb raj li oxib chi cui̱nk, laj Noé, laj Daniel ut laj Job, eb aꞌan incꞌaꞌ raj teꞌru̱k chixcolbaleb li ralal xcꞌajoleb. Caꞌaj cuiꞌ raj li oxib chi cui̱nk teꞌcolekꞌ xban nak ti̱queb xchꞌo̱l.

Li xHu LAJ JOB 1:8

Ut li Ka̱cuaꞌ Dios quixye re laj tza: —¿Ma incꞌaꞌ nacacuil laj Job laj cꞌanjel chicuu? Ma̱ ani chic junak cui̱nk joꞌ aꞌan saꞌ ruchichꞌochꞌ. Aꞌan tzꞌakal re ru lix yuꞌam ut ti̱c xchꞌo̱l. Aꞌan naxxucua cuu ut incꞌaꞌ naxba̱nu ma̱usilal, chan.

Romanos 1:17

Lix ya̱lal li colba-ib naxcꞌut chiku nak caꞌaj cuiꞌ riqꞌuin xpa̱banquil li Dios ti̱c chic li kachꞌo̱l chiru ut cua̱nko chi sum a̱tin riqꞌuin, joꞌ naxye saꞌ li Santil Hu: Li ti̱c xchꞌo̱l riqꞌuin xpa̱banquil li Dios cuan xyuꞌam chi junelic. (Hab. 2:4)

San Lucas 23:50

Quicuan jun li cui̱nk aj José xcꞌabaꞌ. Arimatea xtenamit li cuan saꞌ xcue̱nt Judea. Laj José, aꞌan jun xcomoneb li nequeꞌtaklan saꞌ xbe̱neb laj judío. Ti̱c xchꞌo̱l ut cha̱bil.

San Lucas 2:25

Aran Jerusalén cuan jun li cui̱nk aj Simeón xcꞌabaꞌ. Li cui̱nk aꞌan ti̱c xchꞌo̱l ut naxqꞌue xlokꞌal li Dios. Yo̱ chiroybeninquil nak li Dios ta̱risiheb saꞌ raylal laj Israel. Ut cuan li Santil Musikꞌej riqꞌuin.

Habacuc 2:4

Aꞌan aꞌin li ta̱tzꞌi̱ba. Li incꞌaꞌ useb xnaꞌleb nequeꞌxnimobresi rib. Abanan li ti̱queb xchꞌo̱l ta̱cua̱nk xyuꞌameb xban lix pa̱ba̱leb.

Proverbios 4:18

Lix yuꞌameb li ti̱queb xchꞌo̱l, aꞌan cutan saken. Chanchan nak nasake̱u li cutan ekꞌela. Rajlal cutan yo̱queb chixtaubal xya̱lal toj retal ta̱tzꞌaklok re ru lix yuꞌameb.

Salmos 37:37

Cheqꞌuehak retal li ti̱queb xchꞌo̱l ut li cha̱bileb xnaꞌleb. Li nacuan saꞌ tuktu̱quil usilal ta̱cua̱nk ralal xcꞌajol.

2 Crónicas 15:17

Usta incꞌaꞌ queꞌisi̱c chixjunileb li naꞌajej li queꞌxlokꞌoni cuiꞌ li jalanil dios aran Israel, abanan laj Asa junelic cuan saꞌ ti̱quilal chiru li Dios joꞌ najtil quicuan chi yoꞌyo.

Génesis 48:15

Ut laj Israel quirosobtesi laj José nak quixye re chi joꞌcaꞌin: —Li Ka̱cuaꞌ Dios li x-osobtesin chak reheb lin yucuaꞌ laj Abraham, joꞌ eb ajcuiꞌ laj Isaac, aꞌan ajcuiꞌ li Ka̱cuaꞌ Dios li yo̱ chi iloc chak cue chalen anakcuan;

Li xHu LAJ JOB 12:4

Junxil nak nintijoc chiru li Dios, aꞌan narabi lin tij. Usta la̱in ti̱c inchꞌo̱l ut ma̱cꞌaꞌ inma̱c, eb li cuami̱g niquineꞌxseꞌe.

1 Reyes 3:6

Laj Salomón quixye re: —Junelic cacuuxta̱na ru laj David lin yucuaꞌ, laj cꞌanjel cha̱cuu xban nak junelic quixqꞌue xchꞌo̱l chi cua̱nc saꞌ xya̱lal cha̱cuu. Aꞌan ti̱c xchꞌo̱l ut quixba̱nu li us. Joꞌcan nak catenkꞌa ut caqꞌue li ralal chokꞌ rey chokꞌ re̱kaj aꞌan.

2 Crónicas 25:2

Laj Amasías quixba̱nu li us chiru li Ka̱cuaꞌ. Abanan moco anchal ta xchꞌo̱l nak quixba̱nu.

Génesis 10:1

Aꞌaneb aꞌin lix cꞌabaꞌeb li oxib chi ralal laj Noé: laj Sem, laj Cam ut laj Jafet. Aꞌaneb li queꞌcuan ralal xcꞌajol nak ac xnumeꞌ li butꞌi haꞌ.

Génesis 5:1

Aꞌan aꞌin li hu li tzꞌi̱banbil cuiꞌ li retalileb li ralal xcꞌajol laj Adán. Nak li Dios quixyoꞌobtesi li cui̱nk, quixyi̱b joꞌ riloba̱l aꞌan.

Génesis 6:10

Laj Noé quicuan oxibeb li ralal ut aꞌaneb aꞌin lix cꞌabaꞌeb: laj Sem, laj Cam ut laj Jafet.

Deuteronomio 18:13

Tzꞌakalak re ru le̱ yuꞌam la̱ex chiru li Ka̱cuaꞌ le̱ Dios.

2 Samuel 22:24

La̱in incꞌaꞌ xinma̱cob chiru li Ka̱cuaꞌ. Ut incꞌaꞌ xinba̱nu li ma̱usilal.

Salmos 37:39

Li Ka̱cuaꞌ aꞌan nacoloc reheb li ti̱queb xchꞌo̱l ut aꞌan ajcuiꞌ naqꞌuehoc xcacuilal xchꞌo̱leb saꞌ xkꞌehil li raylal.