Génesis 6:8 - Li Santil hu

⁸ Abanan laj Noé quitokꞌoba̱c ru xban li Dios.

Q'eqchi Bible

⁸ Ab'anan laj Noé usilal kixtaw rik'in li Qaawa'.

Génesis 6:8 ပူးပေါင်းရင်းမြစ်များ

Génesis 19:19

La̱ex nabal li usilal xeba̱nu cue. Joꞌcan nak xincoleꞌ. La̱in incꞌaꞌ nacuaj xic saꞌ li tzu̱l. Ma̱re tinca̱mk ajcuiꞌ aran.

Hebreos 4:16

Chotijok chi anchal kachꞌo̱l chiru li nimajcual Dios. Aꞌan ta̱ril xtokꞌoba̱l ku ut riqꞌuin xnimal rusilal toxtenkꞌa nak cua̱nko saꞌ junak raylal.

San Lucas 1:30

Ut li ángel quixye re: —Matxucuac, María. Li Dios xsicꞌoc a̱cuu xban nak cha̱bil a̱naꞌleb.

Salmos 84:11

Li Ka̱cuaꞌ Dios, aꞌan li nacutanobresin re li kacꞌaꞌux ut aꞌan li nacoloc ke. Ut incꞌaꞌ narisi chiku li cꞌaꞌru us chokꞌ ke la̱o li nococuan saꞌ ti̱quilal.

Tito 2:11

Li Dios quixcꞌutbesi lix nimal ruxta̱n re xcolbaleb chixjunileb li cuanqueb jun sut rubel choxa.

1 Corintios 15:10

Abanan xban rusilal li Dios nak la̱in apóstol. Ut li rusilal li Dios incꞌaꞌ quicana chi ma̱cꞌaꞌ rajbal xban nak kꞌaxal cau cuiꞌchic nincꞌanjelac chiru chixjunileb li apóstol. Aban ma̱cuaꞌ injunes nincꞌanjelac. Li Dios natenkꞌan cue xban xnimal rusilal li xinma̱tani.

Proverbios 3:4

Cui te̱ba̱nu aꞌin, sahak xchꞌo̱l li Dios e̱riqꞌuin ut cha̱bilak e̱resilal chiruheb li cristian.

Salmos 145:20

Li Ka̱cuaꞌ naxcoleb chixjunileb li nequeꞌrahoc re. Abanan tixsach ruheb li incꞌaꞌ useb xnaꞌleb.

Romanos 4:4

Li ani natrabajic naxcꞌul xtojbal. Lix tojbal naxcꞌul aꞌan moco yal xma̱tan ta xban nak ac xtoj rix.

Hechos 7:46

Laj David quixba̱nu li cꞌaꞌru quiraj li Dios, ut li Dios quisahoꞌ xchꞌo̱l riqꞌuin. Quixtzꞌa̱ma chiru li Dios nak tixyi̱b li templo bar teꞌxlokꞌoni cuiꞌ li Dios li quixlokꞌoni laj Jacob.

Proverbios 12:2

Li ani cha̱bil xnaꞌleb na-uxta̱na̱c ru xban li Dios. Ut li ani se̱b xchꞌo̱l chixba̱nunquil li incꞌaꞌ us ta̱qꞌuehekꞌ chixtojbal xma̱c xban li Dios.

2 Pedro 2:5

Li Dios incꞌaꞌ quixcuy xma̱queb li queꞌcuan saꞌ ruchichꞌochꞌ najter. Quixtakla ban chak li butꞌi haꞌ saꞌ xbe̱n li ruchichꞌochꞌ re nak teꞌosokꞌ chixjunileb laj ma̱c. Caꞌaj cuiꞌ laj Noé laj yehol resil li ti̱quilal quicoleꞌ rochbeneb li cuukub chic lix comoneb.

Proverbios 8:35

Li ani nasicꞌoc re li cha̱bil naꞌleb naxtau li junelic yuꞌam. Ut li ani nasicꞌoc re naxtau li rusilal li Ka̱cuaꞌ.

Jeremías 31:2

Quixye ajcuiꞌ li Ka̱cuaꞌ: —Eb li incꞌaꞌ teꞌcamsi̱k saꞌ li ple̱t tincuil xtokꞌoba̱l ruheb nak cua̱nkeb saꞌ li chaki chꞌochꞌ. La̱in tinqꞌueheb laj Israel chi hila̱nc chiru li raylal li yo̱queb chixcꞌulbal.

2 Timoteo 1:18

La̱at nacanau chi tzꞌakal nak quixqꞌue xchꞌo̱l chi tenkꞌa̱nc aran Éfeso. Aꞌ taxak li Ka̱cuaꞌ Dios chi-uxta̱na̱nk ru saꞌ xkꞌehil xcꞌulunic li Ka̱cuaꞌ Jesucristo.

Gálatas 1:15

Nak toj ma̱jiꞌ ninyoꞌla, xban xnimal rusilal, li Dios ac xsicꞌ chak cuu re tincꞌanjelak chiru.

Romanos 11:6

Moco riqꞌuin ta xyehom xba̱nuhomeb nak quixsiqꞌueb ru. Yal riqꞌuin ban lix nimal ruxta̱n li Dios nak quixsiqꞌueb ru. Cui ta quixsiqꞌueb ru saꞌ xcꞌabaꞌ xyehom xba̱nuhomeb, aꞌan ma̱cuaꞌ raj chic xban xnimal ruxta̱n li Dios.

Tito 3:7

Joꞌcaꞌin quixba̱nu re nak ta̱ti̱cokꞌ li kachꞌo̱l xban xnimal rusilal li Dios ut take̱chani li junelic yuꞌam li yo̱co chiroybeninquil.

San Mateo 24:37

Joꞌ quicꞌulman saꞌ xcutan laj Noé, joꞌcan ajcuiꞌ ta̱cꞌulma̱nk nak toline̱lk cuiꞌchic la̱in li Cꞌajolbej.

San Lucas 17:26

Joꞌ quicꞌulman saꞌ eb li cutan nak toj cua̱nk laj Noé saꞌ ruchichꞌochꞌ, joꞌcan ajcuiꞌ ta̱cꞌulma̱nk nak ta̱cuulak xkꞌehil lin cꞌulunic la̱in li Cꞌajolbej.

1 Pedro 3:20

Aꞌan eb li incꞌaꞌ queꞌpa̱ban chak chiru li Dios junxil. Li Dios riqꞌuin xnimal xcuyum, quiroybeni nak teꞌpa̱ba̱nk. Abanan incꞌaꞌ queꞌpa̱ban. Aꞌan quicꞌulman saꞌ eb li cutan nak laj Noé yo̱ chixyi̱banquil li nimla jucub cab. Incꞌaꞌ qꞌui li queꞌpa̱ban ut queꞌoc chi saꞌ li jucub cab. Cuakxakibeb ajcuiꞌ queꞌcoleꞌ chiru li butꞌi haꞌ. Chixjunileb li jun chꞌol chic quilajeꞌcam.

Ezequiel 14:14

Cui ta cuanqueb saꞌ li tenamit aꞌan laj Noé, laj Daniel, ut laj Job, caꞌaj cuiꞌ raj li oxib chi cui̱nk aꞌan teꞌcolekꞌ xban nak ti̱queb xchꞌo̱l. La̱in li Ka̱cuaꞌ xinyehoc re aꞌin.