Génesis 6:5 - Li Santil hu

⁵ Li Ka̱cuaꞌ Dios quiril nak yo̱ chi numta̱c lix ma̱queb li cristian saꞌ ruchichꞌochꞌ. Caꞌaj cuiꞌ li ma̱usilal nequeꞌxcꞌoxla.

Q'eqchi Bible

⁵ Kiril li Qaawa' naq li xmaa'usilaleb' li winq yo chi numtaak sa' ruuchich'och' ut junes tz'i'b'eetalil na'leb' neke'xk'oxla sa' xch'ooleb';

Génesis 6:5 ပူးပေါင်းရင်းမြစ်များ

San Mateo 15:19

Saꞌ lix chꞌo̱l junak nachal chak li ma̱us aj naꞌleb, li camsi̱nc ras ri̱tzꞌin, li muxuc caxa̱r, li coꞌbe̱tac yumbe̱tac, li elkꞌac, li kꞌaba̱nc ut li majecua̱nc.

Jeremías 4:14

La̱ex aj Jerusalén, canabomak xba̱nunquil li ma̱usilal re nak naru texcolekꞌ. ¿Joꞌ najtil chic toj yo̱kex xcꞌoxlanquil xba̱nunquil li ma̱usilal?

Jeremías 17:9

Numtajenak li balakꞌ saꞌ xchꞌo̱leb li cristian ut numtajenak li ma̱usilal. ¿Ma cuan ta biꞌ junak naru ta̱naꞌok re lix cꞌaꞌuxeb?

Eclesiastés 9:3

Li cꞌaꞌru incꞌaꞌ us ninqꞌue retal, aꞌan nak juntakꞌe̱t nequeꞌxcꞌul chixjunileb li cuanqueb saꞌ ruchichꞌochꞌ. Junes ma̱usilal ut to̱ntil naꞌleb nequeꞌxcꞌoxla xba̱nunquil joꞌ najtil nequeꞌcuan saꞌ ruchichꞌochꞌ. Ut chirix aꞌan nequeꞌcam.

Eclesiastés 7:29

Nak yo̱quin xtzꞌilinquil rix li cꞌaꞌak re ru aꞌin, quinqꞌue retal nak li Dios quixyi̱b li cui̱nk chi cha̱bil ut chi tzꞌakal re ru. Abanan, eb aꞌan aꞌ chic li ma̱usilal queꞌraj xba̱nunquil.

Génesis 8:21

Lix bo̱c li cꞌatbil mayej quicuulac riqꞌuin li Dios ut quicuulac chiru lix sununquil. Li Dios quixye saꞌ xchꞌo̱l: —Ma̱ jun cua chic tintzꞌekta̱na li ruchichꞌochꞌ xbaneb li cristian. Ac reheb li cristian nak aj ma̱queb. Ma̱ jun sut chic tinsach ruheb chixjunileb li cuanqueb saꞌ ruchichꞌochꞌ riqꞌuin butꞌi haꞌ.

Salmos 53:2

Toj saꞌ choxa li Dios yo̱ chak chirilbaleb li cuanqueb saꞌ ruchichꞌochꞌ ma cuan ta na ju̱nkak li cuanqueb xnaꞌleb re teꞌxcꞌoxla li Dios.

Tito 3:3

La̱o junxil incꞌaꞌ us li kanaꞌleb nak xocuan chak. Xkakꞌet ra̱tin li Dios ut incꞌaꞌ xo-abin chiruheb li cuanqueb xcuanquil. Xkaqꞌue kib chi balakꞌi̱c. Xkaba̱nu chak li ma̱usilal li naxrahi ru li kachꞌo̱l. Xkanumsi li cutan xba̱nunquil li ma̱usilal. Xocakalin ut xicꞌ nakil kib chi kibil kib.

Ezequiel 8:9

Ut quixye cue: —Ocan ut ta̱cuil li ma̱usilal ut li yibru naꞌleb yo̱queb chixba̱nunquil saꞌ li naꞌajej aꞌan, chan cue.

Génesis 13:13

Eb li cristian li cuanqueb aran saꞌ li tenamit Sodoma numtajenak xma̱queb chiru li Ka̱cuaꞌ Dios.

Ezequiel 8:12

Li chanchan cui̱nk quixye cue: —At ralal cui̱nk, ¿ma xaqꞌue retal li cꞌaꞌru yo̱queb chixba̱nunquil eb li nequeꞌcꞌamoc be saꞌ xya̱nkeb laj Israel? Chixjunileb yo̱queb chixlokꞌoninquileb li yi̱banbil dios chi mukmu. Ut nequeꞌxye nak la̱in incꞌaꞌ nacuil li cꞌaꞌru nequeꞌxba̱nu. Nequeꞌxye nak la̱in xintzꞌekta̱na lix naꞌajeb.

Proverbios 6:18

li ani naxcꞌoxla chanru nak tixba̱nu li ma̱usilal, ut li ani nacuulac chiru xba̱nunquil li incꞌaꞌ us,

Deuteronomio 29:19

Cui cuan junak saꞌ kaya̱nk ta̱rabi chixjunil li tenebanbil saꞌ kabe̱n ut incꞌaꞌ tixqꞌue xcuanquil ut tixcꞌoxla “us tine̱lk usta tinba̱nu li cꞌaꞌru nacuaj injunes” chaꞌak, xban li jun aꞌan ta̱sachekꞌ e̱ru che̱junilex, li cha̱bil xnaꞌleb joꞌ ajcuiꞌ li incꞌaꞌ us xnaꞌleb.

Li xHu LAJ JOB 15:16

¿Ma tojaꞌ ta chic saꞌ xbe̱n li cristian tixcꞌojob xchꞌo̱l? Eb aꞌan ma̱cꞌaꞌeb xnaꞌleb. Nequeꞌxba̱nu li ma̱usilal rajlal joꞌ nak na-uqꞌueꞌ li haꞌ.

San Mateo 24:37

Joꞌ quicꞌulman saꞌ xcutan laj Noé, joꞌcan ajcuiꞌ ta̱cꞌulma̱nk nak toline̱lk cuiꞌchic la̱in li Cꞌajolbej.

San Lucas 17:26

Joꞌ quicꞌulman saꞌ eb li cutan nak toj cua̱nk laj Noé saꞌ ruchichꞌochꞌ, joꞌcan ajcuiꞌ ta̱cꞌulma̱nk nak ta̱cuulak xkꞌehil lin cꞌulunic la̱in li Cꞌajolbej.

1 Pedro 3:20

Aꞌan eb li incꞌaꞌ queꞌpa̱ban chak chiru li Dios junxil. Li Dios riqꞌuin xnimal xcuyum, quiroybeni nak teꞌpa̱ba̱nk. Abanan incꞌaꞌ queꞌpa̱ban. Aꞌan quicꞌulman saꞌ eb li cutan nak laj Noé yo̱ chixyi̱banquil li nimla jucub cab. Incꞌaꞌ qꞌui li queꞌpa̱ban ut queꞌoc chi saꞌ li jucub cab. Cuakxakibeb ajcuiꞌ queꞌcoleꞌ chiru li butꞌi haꞌ. Chixjunileb li jun chꞌol chic quilajeꞌcam.

Li xHu LAJ JOB 22:15

¿Ma toj ta̱cuaj xba̱nunquil li incꞌaꞌ us li queꞌxba̱nu chak li incꞌaꞌ useb xnaꞌleb?