Génesis 6:14 - Li Santil hu

¹⁴ Li Dios quixye ajcuiꞌ re laj Noé: —Ta̱yi̱b junak li jucub cab riqꞌuin cha̱bil cheꞌ joꞌ li ciprés. Ut nabal tasal xsaꞌ ta̱qꞌue. Ta̱tzꞌap chirix ut chi saꞌ riqꞌuin xkꞌol li cheꞌ re nak incꞌaꞌ ta̱oc li haꞌ chi saꞌ.

Q'eqchi Bible

¹⁴ Taayiib' junaq aajukub' kab'l rik'in li che' wank xq'ol. Taayiib' li jukub' kab'l chi tz'ulb'il ut taab'on rik'in b'etuun chisa' ut chirix.

Génesis 6:14 ပူးပေါင်းရင်းမြစ်များ

1 Pedro 3:20

Aꞌan eb li incꞌaꞌ queꞌpa̱ban chak chiru li Dios junxil. Li Dios riqꞌuin xnimal xcuyum, quiroybeni nak teꞌpa̱ba̱nk. Abanan incꞌaꞌ queꞌpa̱ban. Aꞌan quicꞌulman saꞌ eb li cutan nak laj Noé yo̱ chixyi̱banquil li nimla jucub cab. Incꞌaꞌ qꞌui li queꞌpa̱ban ut queꞌoc chi saꞌ li jucub cab. Cuakxakibeb ajcuiꞌ queꞌcoleꞌ chiru li butꞌi haꞌ. Chixjunileb li jun chꞌol chic quilajeꞌcam.

San Lucas 17:27

Saꞌ eb li cutan aꞌan li tenamit yo̱queb chi cuaꞌac ut yo̱queb chi ucꞌac. Yo̱queb chi sumla̱c ut yo̱queb chi sumuba̱nc toj quicuulac xkꞌehil nak laj Noé qui-oc saꞌ li jucub cab. Nak ma̱cꞌaꞌ saꞌ xchꞌo̱leb quichal li butꞌi haꞌ ut quilajxsacheb chixjunileb li incꞌaꞌ queꞌoc saꞌ li jucub cab.

San Mateo 24:38

Saꞌ eb li cutan aꞌan nak toj ma̱jiꞌ quicuan li butꞌi haꞌ, eb li tenamit yo̱queb chak chi cuaꞌac ut yo̱queb chi ucꞌac, ut yo̱queb chi sumla̱c ut chi sumuba̱nc toj saꞌ li cutan nak qui-oc laj Noé saꞌ li jucub cab.

Éxodo 2:3

Nak incꞌaꞌ chic quiru xmukbal li cꞌulaꞌal, li naꞌbej quixyi̱b jun li chacach riqꞌuin li bayal. Quixtzꞌap ru li chacach riqꞌuin jun li ban asfalto xcꞌabaꞌ joꞌ ajcuiꞌ lix kꞌol li cheꞌ brea re nak incꞌaꞌ ta̱oc li haꞌ chi saꞌ. Quixqꞌue li cꞌulaꞌal saꞌ li chacach. Tojoꞌnak coxcanab chak saꞌ nimaꞌ bar cuiꞌ cuan li caxlan aj.

Génesis 6:13

Joꞌcan nak quixye re laj Noé: —Tinsach ruheb chixjunil li cristian xban nak xnumta li ma̱c xeꞌxba̱nu. La̱in tinsach ru li ruchichꞌochꞌ chi junaj cua, chan li Dios.

Génesis 6:15

Joꞌcaꞌin nak ta̱yi̱b, chan li Dios. —Li rok numenak jun ciento riqꞌuin caꞌcꞌa̱l (140) vara. Li ru numenak cuukub xcaꞌcꞌa̱l (27) vara. Lix teram numenak cuaklaju (16) vara.