Génesis 6:11 - Li Santil hu

¹¹ Saꞌ li ruchichꞌochꞌ numtajenak li raylal ut li ma̱usilal xban nak eb li cristian incꞌaꞌ chic nequeꞌxcꞌoxla li Dios ut cꞌajoꞌ xyibal ru lix naꞌlebeb.

Q'eqchi Bible

¹¹ Li Yos kixk'e reetal naq oso'jenaq sa' li maak li ruuchich'och' ut numtajenaq li xmaa'usilaleb'.

Génesis 6:11 ပူးပေါင်းရင်းမြစ်များ

Ezequiel 8:17

Ut li chanchan cui̱nk quixye cue: —At ralal cui̱nk, ¿ma xacuil chixjunil aꞌin? ¿Ma incꞌaꞌ nacꞌojla xchꞌo̱leb laj Judá nak nequeꞌxba̱nu li ma̱usilal aꞌin? ¿Ma incꞌaꞌ tzꞌakal nak nequeꞌrahobtesin yalak bar? Ut nequeꞌchal arin saꞌ lin templo chixba̱nunquil li ma̱usilal re nak teꞌxqꞌue injoskꞌil. Niquineꞌxmajecua nak nequeꞌxqꞌue li rukꞌ cheꞌ saꞌ ruꞌujeb.

Habacuc 2:8

Joꞌ nak xemakꞌ la̱ex li cꞌaꞌru eb re li nabal chi tenamit, joꞌcan ajcuiꞌ nak teꞌxmakꞌ che̱ru li cꞌaꞌru e̱re la̱ex, xban nak nabaleb li cristian xecamsi ut xban nak nabal li naꞌajej xerelkꞌa, joꞌ eb li tenamit ut joꞌ ajcuiꞌ chixjunileb li cuanqueb aran.

Romanos 3:19

Nakanau nak chixjunil li tzꞌi̱banbil saꞌ li chakꞌrab, aꞌan reheb li cuanqueb rubel xcuanquil li chakꞌrab. Aꞌan aj e nak cuan li chakꞌrab re nak chixjunileb teꞌxnau nak cuanqueb xma̱c ut ma̱cꞌaꞌ chic naru teꞌxye, re teꞌxcol cuiꞌ rib chiru li Dios nak ta̱rakekꞌ a̱tin saꞌ xbe̱neb.

Romanos 2:13

Chiru li Dios incꞌaꞌ ti̱c xchꞌo̱l junak yal riqꞌuin xnaubal li chakꞌrab. Aban li nequeꞌba̱nun re li naxye li chakꞌrab ti̱queb xchꞌo̱l chiru li Dios.

Ezequiel 28:16

Kꞌaxal latzꞌ a̱cuu chi cꞌayi̱nc ut chi lokꞌoc ut riqꞌuin aꞌan catiquib xba̱nunquil li ma̱usilal ut catma̱cob chicuu. Joꞌcan nak la̱in catcuisi saꞌ lin santil tzu̱l saꞌ xya̱nkeb li pec li nequeꞌlemtzꞌun.

Isaías 60:18

Incꞌaꞌ chic ta̱cua̱nk li raylal saꞌ le̱ naꞌaj, chi moco teꞌxpoꞌ le̱ tenamit chi moco teꞌxsach ru. Ut li tzꞌac li sutsu cuiꞌ le̱ tenamit ta̱colok e̱re. Ut saꞌ li oqueba̱l ta̱cua̱nk lokꞌoni̱nc.

San Lucas 1:6

Laj Zacarías ut li rixakil, aꞌan ti̱queb xchꞌo̱l chiru li Dios. Junelic nequeꞌxqꞌue xchꞌo̱leb chixba̱nunquil chi tzꞌakal lix chakꞌrabinquileb ut lix taklanquileb xban li Ka̱cuaꞌ Dios.

Habacuc 2:17

Li ma̱usilal li xeba̱nu reheb li cuanqueb saꞌ li naꞌajej Líbano ta̱sukꞌi̱k saꞌ e̱be̱n la̱ex, joꞌ ajcuiꞌ li raylal xeba̱nu nak xesacheb li xul li cuanqueb aran. Aꞌan ta̱tꞌanekꞌ saꞌ e̱be̱n la̱ex xban nak nabaleb li cristian xecamsi ut nabal li naꞌajej xerelkꞌa. Xepoꞌi li tenamit joꞌ ajcuiꞌ chixjunileb li cuanqueb aran.

Habacuc 1:2

¿Joꞌ najtil chic yo̱kin chixjapbal cue chixpatzꞌbal intenkꞌanquil, at Ka̱cuaꞌ, ut la̱at incꞌaꞌ tina̱cuabi? Ut, ¿jarub sut tinya̱ba la̱ cꞌabaꞌ xban li raylal li cuanco cuiꞌ ut la̱at incꞌaꞌ nocoa̱col?

Jeremías 6:7

Incꞌaꞌ nequeꞌxcanab xba̱nunquil li ma̱usilal. Chanchaneb jun li jul haꞌ li incꞌaꞌ nachakic. Caꞌaj cuiꞌ li rahobtesi̱nc ut li elkꞌa̱c na-abi̱c resil. Junes raylal ut yajel nacuan saꞌ li tenamit aꞌan.

Salmos 140:11

Incꞌaꞌ ta najt teꞌcua̱nk saꞌ ruchichꞌochꞌ li nequeꞌyoꞌoban a̱tin. Aꞌ ta li raylal li nequeꞌxba̱nu chisachok ruheb li nequeꞌxrahobtesi ras ri̱tzꞌin.

Salmos 55:9

At Ka̱cuaꞌ, chasacheb taxak ruheb ut incꞌaꞌ ta chic teꞌxtau ru li cꞌaꞌru nequeꞌxye chi ribileb rib xban nak ac xinqꞌue retal nak junes pletic nequeꞌraj. Kꞌaxal nabal li raylal yo̱queb chixba̱nunquil saꞌ li tenamit.

Salmos 11:5

Li Dios naxnau ani li ti̱c xchꞌo̱l ut ani incꞌaꞌ ti̱c xchꞌo̱l. Ut xicꞌ narileb li nequeꞌba̱nun re li ra xi̱cꞌ.

Génesis 13:13

Eb li cristian li cuanqueb aran saꞌ li tenamit Sodoma numtajenak xma̱queb chiru li Ka̱cuaꞌ Dios.

Génesis 10:9

Laj Nimrod cau rib chi yohoc xban nak natenkꞌa̱c xban li Ka̱cuaꞌ Dios. Joꞌcan nak nayeman nak junak cristian cau rib, aꞌan chanchan laj Nimrod li cau rib chi yohoc xban nak natenkꞌa̱c xban li Ka̱cuaꞌ Dios.

2 Crónicas 34:27

xyotꞌeꞌ a̱chꞌo̱l ut xacubsi a̱cuib chiru li Ka̱cuaꞌ. Xapej la̱ cuakꞌ ut xatya̱bac nak xacuabi li raylal li tixcꞌul li tenamit aꞌin ut eb li cristian li cuanqueb arin. Xban nak xaba̱nu chi joꞌcan, la̱in li Ka̱cuaꞌ xcuabi li cꞌaꞌru xaye.

Génesis 7:1

Li Ka̱cuaꞌ Dios quixye re laj Noé, —Anakcuan ocan saꞌ li jucub cab la̱at a̱cuochbeneb la̱ cualal a̱cꞌajol ut la̱ cuixakil, xban nak caꞌaj cuiꞌ la̱at ti̱c a̱chꞌo̱l chicuu saꞌ xya̱nkeb li cristian li cuanqueb saꞌ eb li cutan aꞌin.

Génesis 6:10

Laj Noé quicuan oxibeb li ralal ut aꞌaneb aꞌin lix cꞌabaꞌeb: laj Sem, laj Cam ut laj Jafet.

Éxodo 32:7

Ut li Dios quixye re laj Moisés: —Ayu, cuben. Tatxic riqꞌuineb li cristian. Cꞌajoꞌ xyibal ru yo̱queb la̱ tenamit li xacuisiheb chak saꞌ li tenamit Egipto.

Deuteronomio 31:29

La̱in ninnau nak chirix lin camic eb li tenamit teꞌxba̱nu li ma̱usilal ut teꞌxtzꞌekta̱na li cꞌaꞌru xinye reheb. Raylal ta̱cha̱lk saꞌ xbe̱neb chiruheb li cutan cha̱lel xban nak teꞌxba̱nu li ma̱usilal chiru li Ka̱cuaꞌ. Teꞌxqꞌue xjoskꞌil li Ka̱cuaꞌ riqꞌuin li cꞌaꞌru teꞌxyi̱b riqꞌuin li rukꞌeb.—

Jueces 2:19

Ut nak nacam laj rakol a̱tin, nequeꞌoc cuiꞌchic xba̱nunquil li ma̱usilal eb laj Israel ut kꞌaxal cuiꞌchic yibru li nequeꞌxba̱nu chiru li queꞌxba̱nu chak lix naꞌ xyucuaꞌeb. Nequeꞌxlokꞌoni li jalanil dios ut nequeꞌcꞌanjelac chiruheb. Ut incꞌaꞌ nequeꞌxcanab xba̱nunquil li ma̱usilal xban nak kꞌaxal cauheb xchꞌo̱l.