Génesis 50:20 - Li Santil hu

²⁰ Relic chi ya̱l nak la̱ex xeya̱ba li incꞌaꞌ us saꞌ inbe̱n. Abanan li Ka̱cuaꞌ Dios xjal ru chokꞌ usilal. Xban nak cuanquin arin la̱in, nabaleb toj yoꞌyo̱queb inban. Nabal li tenamit xeꞌcoleꞌ saꞌ incꞌabaꞌ la̱in nak xcuan li cueꞌej.

Q'eqchi Bible

²⁰ Us ta laa'ex xek'oxla xb'aanunkil rahilal we, ab'an li Yos xsutq'isi a'an cho'q usilal re xb'aanunkil li yooko chi rilb'al anaqwan: xkolb'aleb' xyu'am jun xnimal ru tenamit.

Génesis 50:20 ပူးပေါင်းရင်းမြစ်များ

Romanos 8:28

Li Dios naxsukꞌisi chokꞌ usilal chixjunil li cꞌaꞌak re ru nequeꞌxcꞌul li nequeꞌrahoc re li Dios, aꞌ li bokbileb chixba̱nunquil li cꞌaꞌru naraj li Dios.

Salmos 119:71

Kꞌaxal us chokꞌ cue nak xincꞌul li raylal xban nak riqꞌuin li raylal li xincꞌul, xinqꞌue inchꞌo̱l chixtzolbal la̱ chakꞌrab.

Hechos 2:23

Li Jesús quikꞌaxtesi̱c saꞌ e̱rukꞌ la̱ex xban nak ac joꞌcan chak saꞌ xchꞌo̱l li Dios nak joꞌcan tixcꞌul. Ut la̱ex quechap ut quekꞌaxtesi saꞌ rukꞌeb li cui̱nk li incꞌaꞌ useb xnaꞌleb. Ut eb aꞌan queꞌxcamsi chiru cruz.

Hechos 3:26

Nak li Dios quixtakla chak li ralal, quixtakla xbe̱n cua e̱riqꞌuin la̱ex aj judío re e̱rosobtesinquil re nak che̱junju̱nkalex te̱yotꞌ e̱chꞌo̱l ut te̱jal e̱cꞌaꞌux ut te̱canab xba̱nunquil li ma̱usilal.—

Génesis 37:4

Eb li asbej queꞌril nak laj José, aꞌan li kꞌaxal raro xban li yucuaꞌbej. Joꞌcan nak xicꞌ nequeꞌril laj José ut incꞌaꞌ chic nequeꞌa̱tinac saꞌ xya̱lal riqꞌuin.

Salmos 56:5

Rajlal cutan nequeꞌxnimobresi ru lin raylal li xicꞌ nequeꞌiloc cue. Junes incꞌaꞌ us nequeꞌxcꞌoxla saꞌ inbe̱n.

Isaías 10:7

Abanan ma̱cuaꞌ aꞌan li naxcꞌoxla lix reyeb laj Asiria. Li cuan saꞌ xcꞌaꞌux li rey, aꞌan xsachbal nabaleb li tenamit.

Salmos 76:10

Relic chi ya̱l lix joskꞌil li cui̱nk ta̱sukꞌi̱k chokꞌ re xqꞌuebal a̱lokꞌal. Li joꞌ qꞌuialeb chic li incꞌaꞌ teꞌca̱mk saꞌ li ple̱t teꞌxqꞌue retal nak nim a̱cuanquil ut teꞌxqꞌue a̱lokꞌal.

Génesis 37:26

Laj Judá quixye reheb li ras ut li ri̱tzꞌin: —¿Cꞌaꞌru aj e nak takacamsi li ki̱tzꞌin saꞌ mukmu?

Génesis 37:27

Kacꞌayihak reheb laj ismaelita. Kꞌaxal us nak ti̱c takacꞌayi ut incꞌaꞌ takacamsi xban nak aꞌan ki̱tzꞌin ut kaquiqꞌuel kib chi kibil kib, chan laj Judá. Ut eb li ras ut eb li ri̱tzꞌin queꞌxcꞌul xchꞌo̱l li quixye.

Génesis 50:19

Ut laj José quixye reheb: —Mexxucuac. ¿Ma la̱in ta biꞌ li Ka̱cuaꞌ Dios chi rakoc a̱tin saꞌ e̱be̱n? chan.