Génesis 50:19 - Li Santil hu

¹⁹ Ut laj José quixye reheb: —Mexxucuac. ¿Ma la̱in ta biꞌ li Ka̱cuaꞌ Dios chi rakoc a̱tin saꞌ e̱be̱n? chan.

Q'eqchi Bible

¹⁹ Ab'an laj José kixye: “Mexxiwak -chan-. Ma yosin tab'i' laa'in?

Génesis 50:19 ပူးပေါင်းရင်းမြစ်များ

Romanos 12:19

Ex herma̱n, ma̱cuaꞌ la̱ex texqꞌuehok re̱kaj li raylal na-ux e̱re. Checanabak ban chixjunil saꞌ rukꞌ li Dios. Caꞌaj cuiꞌ aꞌan laj rakol a̱tin xban nak joꞌcaꞌin tzꞌi̱banbil saꞌ li Santil Hu: Caꞌaj cuiꞌ la̱in naru tinqꞌuehok re̱kaj. Ut la̱in tinrahobtesiheb riqꞌuin li cꞌaꞌru quilajeꞌxba̱nu, chan li Dios. (Deut. 32:35)

Génesis 45:5

Anakcuan mirahoꞌ chic saꞌ e̱chꞌo̱l ut mexcꞌoxlac chic chirix nak la̱ex xexcꞌayin chak cue. Li Ka̱cuaꞌ Dios xtaklan chak cue arin re nak la̱ex texcolekꞌ inban.

Génesis 30:2

Laj Jacob quichal xjoskꞌil saꞌ xbe̱n lix Raquel ut quixye re: —¿Cꞌaꞌut nak nacaye chi joꞌcan? ¿Ma la̱in ta biꞌ Dios la̱in nak tinqꞌueheb a̱cocꞌal? chan.

Hebreos 10:30

La̱o nakanau nak li Dios quixye chi joꞌcaꞌin: Caꞌaj cuiꞌ la̱in naru tinqꞌuehok xtojbal rix lix ma̱queb ut la̱in tinrahobtesiheb riqꞌuin li cꞌaꞌru quilajeꞌxba̱nu. Ut quixye cuiꞌchic li Ka̱cuaꞌ: La̱in tinrakok a̱tin saꞌ xbe̱n lin tenamit. (Deut. 32:35-36)

2 Reyes 5:7

Nak lix reyeb laj Israel quiril xsaꞌ li hu, quisach xchꞌo̱l ut quixpej li rakꞌ xban xcꞌaꞌux ut quixye: —¿Ma la̱in ta biꞌ Dios nak tinqꞌuirtesi li cui̱nk aꞌin? ¿Cꞌaꞌut nak xtakla chak li cui̱nk aꞌin cuiqꞌuin re tinqꞌuirtesi? ¿Ma ta̱ru̱k ta biꞌ tincuisi xyuꞌam junak ut tinqꞌue cuiꞌchic? Qꞌuehomak retal. Li cui̱nk aꞌan yo̱ chixsicꞌbal xya̱lal chanru nak ta̱pletik cuiqꞌuin, chan.

San Mateo 14:27

Aꞌut li Jesús ticto quira̱tinaheb ut quixye reheb: —Mexxucuac. La̱in li yo̱quex chicuilbal. Cacuubresihomak e̱chꞌo̱l, chan reheb.

Deuteronomio 32:35

Cuulac re xkꞌehil nak li Ka̱cuaꞌ tixqꞌue re̱kaj reheb li incꞌaꞌ us queꞌxba̱nu ut telajeꞌtꞌanekꞌ. Cuulac re xkꞌehil nak teꞌsachekꞌ ruheb ut teꞌosokꞌ.

Génesis 50:18

Eb li ras laj José queꞌjiloc chixcꞌatk. Queꞌxcuikꞌib rib saꞌ chꞌochꞌ chiru ut queꞌxye re, —Anakcuan la̱o cuanco arin ut takaqꞌue kib rubel a̱takl, chanqueb re laj José.

Génesis 50:20

Relic chi ya̱l nak la̱ex xeya̱ba li incꞌaꞌ us saꞌ inbe̱n. Abanan li Ka̱cuaꞌ Dios xjal ru chokꞌ usilal. Xban nak cuanquin arin la̱in, nabaleb toj yoꞌyo̱queb inban. Nabal li tenamit xeꞌcoleꞌ saꞌ incꞌabaꞌ la̱in nak xcuan li cueꞌej.