Génesis 50:13 - Li Santil hu

¹³ Queꞌxpako lix caxonil lix yucuaꞌ saꞌ xbe̱neb lix tel ut queꞌxcꞌam aran Canaán. Ut queꞌxmuk aꞌan saꞌ li ochoch pec li cuan Macpela, li cuan jun pacꞌal Mamre. Aꞌan li mukleba̱l li quixlokꞌ laj Abraham junxil riqꞌuin laj Efrón laj hitita.

Q'eqchi Bible

¹³ ke'xk'am li xyuwa'ilqeb' aran Kanahán ut koxe'xmuq sa' li ochoch pek li wank sa' li na'ajej Makpelá xk'ab'a', a' li ch'och' kixloq' laj Abrahán cho'q xmuqleb'aal rik'in laj Efrón aj Hit, sa' xjayal Mambré.

Génesis 50:13 ပူးပေါင်းရင်းမြစ်များ

Hechos 7:16

Lix bakeleb queꞌcꞌameꞌ Siquem ut queꞌmukeꞌ saꞌ li naꞌajej li quixlokꞌ laj Abraham riqꞌuineb li ralal xcꞌajol laj Hamor.

2 Reyes 21:18

Laj Manasés quicam ut quimukeꞌ saꞌ lix naꞌaj li utzꞌuꞌuj re laj Uza nachꞌ riqꞌuin li palacio. Ut aꞌ chic laj Amón li ralal qui-oc chokꞌ rey chokꞌ re̱kaj.

Génesis 35:29

Nak ac ti̱x chic chi us, laj Isaac quicam ut coxtauheb lix xeꞌto̱nil yucuaꞌ. Laj Esaú ut laj Jacob queꞌxmuk lix yucuaꞌeb nak quicam.

Génesis 35:27

Laj Jacob co̱ saꞌ li tenamit Mamre chirilbal laj Isaac lix yucuaꞌ. Arba ut Hebrón nequeꞌxye re li tenamit aꞌan. Saꞌ ajcuiꞌ li naꞌajej aꞌan quicuan laj Abraham nak toj yoꞌyo̱k.

Génesis 25:9

Laj Isaac ut laj Ismael queꞌxmuk lix yucuaꞌeb saꞌ li ochoch pec li cuan saꞌ li naꞌajej Macpela. Li mukleba̱l aꞌan cuan chixcꞌatk lix chꞌochꞌ laj Efrón li ralal laj Zohar laj hitita. Li naꞌajej aꞌan cuan chak jun pacꞌal li naꞌajej Mamre.

Génesis 23:20

Li chꞌochꞌ ut li ochoch pec ac kꞌaxtesinbil chic saꞌ rukꞌ laj Abraham xbaneb laj hititas. Li naꞌajej aꞌan re chic laj Abraham ut ta̱cꞌanjelak chiru re xmukbaleb lix camenak.

Génesis 47:30

Nak tinca̱mk, tine̱risi Egipto ut tine̱cꞌam aran Canaán ut tine̱muk chixcꞌatk li naꞌajej li queꞌmukeꞌ cuiꞌ lin yucuaꞌ camenak joꞌ ajcuiꞌ lin yucuaꞌchin, chan laj Jacob. Ut laj José quixye re: —Us. Matcꞌoxlac. Tinba̱nu li cꞌaꞌru yo̱cat chixyebal cue, chan.

Génesis 50:12

Queꞌxba̱nu li ralal laj Jacob joꞌ li quixtzꞌa̱ma chiruheb.

Génesis 50:14

Nak quirakeꞌ li mukuc, laj José quisukꞌi cuiꞌchic Egipto rochbeneb li ras ut li ri̱tzꞌin. Queꞌsukꞌi ajcuiꞌ chak chixjunileb li joꞌ qꞌuial li queꞌcuulac chirix chixmukbal lix yucuaꞌ.

Génesis 23:9

Te̱tzꞌa̱ma chiru nak tixcꞌayi chokꞌ cue li ochoch pec, Macpela xcꞌabaꞌ, li cuan saꞌ xnuba̱l lix chꞌochꞌ. Tintoj chi tzꞌakal li joꞌ nimal naraj chirix lix chꞌochꞌ. Aꞌan tixkꞌaxtesi cue li chꞌochꞌ che̱ru la̱ex. Chi joꞌcan ta̱cua̱nk li naꞌajej re xmukbaleb lin camenak, chan laj Abraham.

Génesis 25:8

Nak ac ti̱x chic chi us laj Abraham quicam ut co̱ chixtaubaleb lix xeꞌto̱nil yucuaꞌ li ac camenakeb.

Génesis 46:4

Anakcuan la̱in tin-ochbeni̱nk a̱cue toj saꞌ li tenamit Egipto. Relic chi ya̱l la̱in texinsukꞌisi cuiꞌchic arin saꞌ li naꞌajej Canaán. Ut laj José, aꞌan li ta̱tzꞌapok re la̱ cuu nak tatca̱mk, chan li Dios re laj Israel.