Génesis 50:11 - Li Santil hu

¹¹ Nak eb laj cananeo queꞌril nak yo̱queb chi yoꞌlec cuukub cutan, queꞌxye, —Aꞌan jun nimla rahil chꞌo̱lejil chokꞌ reheb laj Egipto, chanqueb. Xban aꞌan queꞌxqꞌue Abel-mizraim chokꞌ xcꞌabaꞌ li naꞌajej aꞌan. Li naꞌajej aꞌan cuan jun pacꞌal li nimaꞌ Jordán.

Q'eqchi Bible

¹¹ Eb' laj Kanahán li wankeb' sa' li tenamit a'an ke'ril li xnimal rahil ch'oolejil aran Koren-Atad, ut ke'xye: “A'in xnimal rahil ch'oolejil cho'q reheb' laj Ejiipt”, chankeb'. Jo'kan naq li na'ajej a'an kixk'ab'a'in Abel-Misráhin: a'an wank junpak'al li nima' Jordán.

Génesis 50:11 ပူးပေါင်းရင်းမြစ်များ

Génesis 24:6

Ut laj Abraham quixye re lix mo̱s, —Qꞌue retal cꞌaꞌru ta̱ba̱nu. La̱in incꞌaꞌ nacuaj nak ta̱xic li cualal aran.

1 Samuel 6:18

Quitakla̱c ajcuiꞌ li chꞌo yi̱banbil riqꞌuin oro aꞌ yal chanru xqꞌuialeb lix tenamiteb laj filisteo li cuanqueb rubel xcuanquil li o̱b chi rey, ut eb li tenamit li sutsu riqꞌuin tzꞌac, joꞌ ajcuiꞌ li cocꞌ tenamit li ma̱cuaꞌ sutsu riqꞌuin tzꞌac. Li nimla pec li queꞌxqꞌue cuiꞌ li Lokꞌlaj Ca̱x toj cuan ajcuiꞌ anakcuan saꞌ lix naꞌaj li racui̱mk laj Josué aran Bet-semes.

Deuteronomio 11:30

Eb li tzu̱l aꞌin cuanqueb jun pacꞌal li nimaꞌ Jordán saꞌ xjayal li na-oc cuiꞌ li sakꞌe saꞌ li ru takꞌa Arabá li cuanqueb cuiꞌ eb laj cananeo. Nachꞌ cuanqueb riqꞌuineb li ni̱nki ji re More chiru li tenamit Gilgal.

Deuteronomio 3:27

Ayu saꞌ xbe̱n li tzu̱l Pisga ut tat-ilok saꞌ li ca̱hib pacꞌal. Tat-ilok saꞌ li oeste, saꞌ li norte, saꞌ li sur ut saꞌ li este. Ta̱cuil chi us li naꞌajej aꞌan xban nak la̱at incꞌaꞌ naru tatnumekꞌ jun pacꞌal li nimaꞌ Jordán.

Deuteronomio 3:25

Nintzꞌa̱ma cha̱cuu nak china̱canab chi xic jun pacꞌal li nimaꞌ Jordán chirilbal li cha̱bil naꞌajej. Tincuil taxak li cha̱bil naꞌajej li tzu̱l ru ut li naꞌajej Líbano, chanquin re.

Génesis 50:10

Queꞌcuulac jun pacꞌal li nimaꞌ Jordán saꞌ li naꞌajej li nequeꞌtenoc cuiꞌ trigo. Laj e̱chal re li naꞌajej aꞌan, aꞌan aj Atad xcꞌabaꞌ. Ut aran laj José queꞌxyoꞌle cuiꞌchic cuukub cutan lix yucuaꞌ camenak. Ut nequeꞌhuyhut chi ya̱bac xban xrahileb xchꞌo̱l.

Génesis 34:30

Laj Jacob quixye re laj Simeón joꞌ ajcuiꞌ re laj Leví: —La̱ex xeqꞌue jun li nimla raylal saꞌ inbe̱n la̱in. Anakcuan chixjunileb li cristian saꞌ li naꞌajej aꞌin xicꞌ chic tineꞌril, eb laj cananeo ut eb laj ferezeo. Ma̱re teꞌxchꞌutub ribeb re teꞌpletik kiqꞌuin. Ut la̱o coꞌxibo ajcuiꞌ. ¿Cꞌaꞌru takaba̱nu? To-osokꞌ chikajunilo, chan laj Jacob.

Génesis 13:7

Ut saꞌ li naꞌajej aꞌan cuanqueb laj cananeo joꞌ eb ajcuiꞌ laj ferezeo. Xban nak kꞌaxal latzꞌ li naꞌajej, queꞌxpleti rib chi ribileb rib laj ilol xqueto̱mk laj Abram riqꞌuineb laj ilol xqueto̱mk laj Lot.

Génesis 50:12

Queꞌxba̱nu li ralal laj Jacob joꞌ li quixtzꞌa̱ma chiruheb.