Génesis 50:10 - Li Santil hu

¹⁰ Queꞌcuulac jun pacꞌal li nimaꞌ Jordán saꞌ li naꞌajej li nequeꞌtenoc cuiꞌ trigo. Laj e̱chal re li naꞌajej aꞌan, aꞌan aj Atad xcꞌabaꞌ. Ut aran laj José queꞌxyoꞌle cuiꞌchic cuukub cutan lix yucuaꞌ camenak. Ut nequeꞌhuyhut chi ya̱bac xban xrahileb xchꞌo̱l.

Q'eqchi Bible

¹⁰ Naq ke'wulak Koren-Atad, li wank junpak'al li nima' Jordán, aran ke'xyo'le li kamenaq chi q'axal raheb' xch'ool, ut laj José kixyaab'a li xyuwa'ilq chiru wuqub' kutan.

Génesis 50:10 ပူးပေါင်းရင်းမြစ်များ

Hechos 8:2

Cuib oxib laj pa̱banel queꞌmukuc re laj Esteban ut cꞌajoꞌ nak queꞌrahoꞌ xchꞌo̱leb xban lix camic.

Li xHu LAJ JOB 2:13

Ut chirix aꞌan queꞌchunla saꞌ chꞌochꞌ chixcꞌatk chiru cuukub cutan ut cuukub kꞌojyi̱n. Ut ma̱ jun a̱tin queꞌxye xban nak queꞌxqꞌue retal nak kꞌaxal ra yo̱ chixcꞌulbal laj Job.

2 Samuel 1:17

Laj David quixbicha jun li bich re rahil chꞌo̱lej chirix lix camiqueb laj Saúl ut laj Jonatán, li ralal.

1 Samuel 31:13

Queꞌxxoc lix bakel ut queꞌxmuk aran Jabes rubel jun li nimla cheꞌ. Ut queꞌayunic chiru cuukub cutan.

Deuteronomio 34:8

Laje̱b xcaꞌcꞌa̱l cutan queꞌrahoꞌ saꞌ xchꞌo̱leb laj Israel ut queꞌxya̱ba lix camic laj Moisés saꞌ li naꞌajej Moab. Joꞌcaꞌin nak queꞌxnumsiheb li cutan re rahil chꞌo̱lejil ut ya̱bac xban lix camic.

Deuteronomio 1:1

Aꞌan aꞌin li a̱tin li quixye laj Moisés reheb chixjunileb laj Israel nak cuanqueb saꞌ li chaki chꞌochꞌ nachꞌ riqꞌuin li nimaꞌ Jordán saꞌ li este. Cuanqueb saꞌ li naꞌajej Arabá saꞌ xcaꞌyaba̱l li Caki Palau saꞌ xya̱nkeb li naꞌajej Parán, Tofel, Labán, Hazerot ut Dizahab.

Números 19:11

Li ani tixchꞌeꞌ junak camenak muxbil ru ta̱cana̱k chiru cuukub cutan.

Génesis 50:11

Nak eb laj cananeo queꞌril nak yo̱queb chi yoꞌlec cuukub cutan, queꞌxye, —Aꞌan jun nimla rahil chꞌo̱lejil chokꞌ reheb laj Egipto, chanqueb. Xban aꞌan queꞌxqꞌue Abel-mizraim chokꞌ xcꞌabaꞌ li naꞌajej aꞌan. Li naꞌajej aꞌan cuan jun pacꞌal li nimaꞌ Jordán.

Génesis 50:4

Ut nak quirakeꞌ li laje̱b xca̱cꞌa̱l (70) cutan nak raheb saꞌ xchꞌo̱l xban xcamic lix yucuaꞌeb, laj José quia̱tinac riqꞌuineb li cuanqueb saꞌ rochoch laj faraón. Quixye reheb, —Cui niquine̱ra, te̱ba̱nu li usilal aꞌin cue. Tex-a̱tinak chicuix riqꞌuin laj faraón.

Génesis 27:41

Cꞌajoꞌ nak quijoskꞌoꞌ laj Esaú saꞌ xbe̱n laj Jacob xban nak qui-osobtesi̱c xban lix yucuaꞌ. Quixye saꞌ xchꞌo̱l: —Chi se̱b nacuulac xkꞌehil nak ta̱ca̱mk lin yucuaꞌ. Chirix aꞌan tincamsi li cui̱tzꞌin, chan laj Esaú.

Génesis 50:3

Caꞌcꞌa̱l cutan tzꞌakal queꞌxban cuiꞌ li camenak. Ut eb laj Egipto laje̱b xca̱cꞌa̱l (70) cutan queꞌrahoꞌ saꞌ xchꞌo̱l xban xcamic laj Jacob.

Génesis 50:9

Queꞌco̱eb ajcuiꞌ nabal li soldados saꞌ eb li carre̱t ut nabaleb ajcuiꞌ queꞌco̱eb chirix cacua̱y. Chi joꞌcaꞌin numtajenak xqꞌuialeb laj mukunel li queꞌco̱eb.

Números 20:29

Nak queꞌrabi resil lix camic laj Aarón, chixjunileb laj Israel queꞌrahoꞌ saꞌ xchꞌo̱leb. Chiruheb laje̱b xcaꞌcꞌa̱l cutan queꞌrahoꞌ xchꞌo̱leb xban nak quicam laj Aarón.

2 Samuel 11:26

Nak lix Betsabé quirabi resil nak quicamsi̱c lix be̱lom saꞌ li ple̱t, quirahoꞌ saꞌ xchꞌo̱l ut quiya̱bac chirix.

Eclesiastés 12:5

Tatxucuak chi cubec saꞌ junak naꞌajej najt xteram. Yo̱k a̱xiu nak tatbe̱k ut sakak chic la̱ cuismal, chanchanak xsakal li ratzꞌum li almendro. Incꞌaꞌ chic ta̱cuy xban nak ti̱xakat chic chi us. Incꞌaꞌ chic tatcuaꞌak ut ma̱cꞌaꞌ chic ta̱ra ru. Chi se̱b tatca̱mk ut tatxic chi hila̱nc saꞌ la̱ naꞌaj chi junaj cua. Ut nak eb laj mukunel yo̱keb chi xic cha̱mukbal, yo̱keb chi ya̱bac xban nak ac xatcam.

1 Crónicas 10:12

Joꞌcan nak queꞌxchꞌutub ribeb chixjunileb li cui̱nk aj Jabes li cauheb xchꞌo̱l chi pletic ut queꞌco̱eb. Queꞌxchap li camenak Saúl joꞌ eb ajcuiꞌ li ralal oxib ut queꞌxcꞌameb toj Jabes. Aran queꞌxmukeb rubel jun to̱n li cheꞌ ji. Ut queꞌxba̱nu x-ayu̱n chiru cuukub cutan.