Génesis 5:29 - Li Santil hu

²⁹ Ut aj Noé quixqꞌue chokꞌ xcꞌabaꞌ. Laj Lamec quixye: —Xban nak li Ka̱cuaꞌ Dios xtzꞌekta̱na li chꞌochꞌ, tento nak totrabajik chi cau riqꞌuin kukꞌ. Ut li al aꞌin toxqꞌue chi hila̱nc caꞌchꞌinak, chan.

Q'eqchi Bible

²⁹ aj Noé kixk'e cho'q xk'ab'a', xb'aan naq kixye: “Li Qaawa' kixtz'eqtaana li ch'och'. Ab'an li k'uula'al a'in tixk'ojob' qach'ool chirix li kawil k'anjel naqab'aanu”, chan laj Lámek.

Génesis 5:29 ပူးပေါင်းရင်းမြစ်များ

2 Pedro 2:5

Li Dios incꞌaꞌ quixcuy xma̱queb li queꞌcuan saꞌ ruchichꞌochꞌ najter. Quixtakla ban chak li butꞌi haꞌ saꞌ xbe̱n li ruchichꞌochꞌ re nak teꞌosokꞌ chixjunileb laj ma̱c. Caꞌaj cuiꞌ laj Noé laj yehol resil li ti̱quilal quicoleꞌ rochbeneb li cuukub chic lix comoneb.

Hebreos 11:7

Xban lix pa̱ba̱l laj Noé, li Dios quixye re cꞌaꞌru talajcꞌulma̱nk. Ut laj Noé quixpa̱b li quixye li Dios usta toj ma̱jiꞌ nacꞌulman. Quixyi̱b li nimla jucub cab re xcolbal rib aꞌan, joꞌ eb ajcuiꞌ li ralal xcꞌajol. Ut lix pa̱ba̱l laj Noé quixcꞌutbesi nak li cuanqueb saꞌ ruchichꞌochꞌ incꞌaꞌ queꞌpa̱ban. Joꞌcan nak queꞌcam. Xban nak quipa̱ban, li Dios quixye nak ti̱c xchꞌo̱l laj Noé.

San Mateo 24:37

Joꞌ quicꞌulman saꞌ xcutan laj Noé, joꞌcan ajcuiꞌ ta̱cꞌulma̱nk nak toline̱lk cuiꞌchic la̱in li Cꞌajolbej.

Ezequiel 14:20

Relic chi ya̱l la̱in li yoꞌyo̱quil Dios ninye nak usta cuanqueb raj li oxib chi cui̱nk, laj Noé, laj Daniel ut laj Job, eb aꞌan incꞌaꞌ raj teꞌru̱k chixcolbaleb li ralal xcꞌajoleb. Caꞌaj cuiꞌ raj li oxib chi cui̱nk teꞌcolekꞌ xban nak ti̱queb xchꞌo̱l.

Ezequiel 14:14

Cui ta cuanqueb saꞌ li tenamit aꞌan laj Noé, laj Daniel, ut laj Job, caꞌaj cuiꞌ raj li oxib chi cui̱nk aꞌan teꞌcolekꞌ xban nak ti̱queb xchꞌo̱l. La̱in li Ka̱cuaꞌ xinyehoc re aꞌin.

Isaías 54:9

—Saꞌ eb li cutan nak toj yoꞌyo laj Noé la̱in xinye riqꞌuin juramento nak incꞌaꞌ chic tinsach li ruchichꞌochꞌ riqꞌuin butꞌi haꞌ. Joꞌcan ajcuiꞌ anakcuan. Riqꞌuin juramento xinye e̱re nak incꞌaꞌ chic tinjoskꞌokꞌ e̱riqꞌuin. Incꞌaꞌ chic texinqꞌue chi rahobtesi̱c.

Génesis 9:24

Laj Noé qui-aj ru ut quinumeꞌ lix calajic. Ut quixqꞌue retal li cꞌaꞌru qui-ux re xban laj Cam li i̱tzꞌinbej.

1 Pedro 3:20

Aꞌan eb li incꞌaꞌ queꞌpa̱ban chak chiru li Dios junxil. Li Dios riqꞌuin xnimal xcuyum, quiroybeni nak teꞌpa̱ba̱nk. Abanan incꞌaꞌ queꞌpa̱ban. Aꞌan quicꞌulman saꞌ eb li cutan nak laj Noé yo̱ chixyi̱banquil li nimla jucub cab. Incꞌaꞌ qꞌui li queꞌpa̱ban ut queꞌoc chi saꞌ li jucub cab. Cuakxakibeb ajcuiꞌ queꞌcoleꞌ chiru li butꞌi haꞌ. Chixjunileb li jun chꞌol chic quilajeꞌcam.

San Lucas 3:36

Ut laj Sala, aꞌan li ralal laj Cainán. Ut laj Cainán, aꞌan li ralal laj Arfaxad. Ut laj Arfaxad, aꞌan li ralal laj Sem. Ut laj Sem, aꞌan li ralal laj Noé. Ut laj Noé, aꞌan li ralal laj Lamec.

Génesis 7:23

Joꞌcaꞌin nak li Dios quixsach ruheb chixjunileb li cuanqueb saꞌ ruchichꞌochꞌ. Queꞌosoꞌ li cristian joꞌ ajcuiꞌ chixjunileb li xul li nequeꞌbe̱c. Joꞌ ajcuiꞌ li nequeꞌxjucuqui rib ut li nequeꞌrupupic chiru choxa. Caꞌaj chic laj Noé quicoleꞌ rochbeneb chixjunileb li cuanqueb saꞌ li jucub cab.

Romanos 8:20

Li ruchichꞌochꞌ tzꞌekta̱nanbil xban li Dios. Moco yal quiraj ta nak quitzꞌekta̱na̱c. Xban nak ac joꞌcan chak saꞌ xchꞌo̱l li Dios. Abanan li ruchichꞌochꞌ toj yo̱ chixyoꞌoninquil nak ta̱colekꞌ.

Génesis 5:28

Jun ciento riqꞌuin cuib roꞌcꞌa̱l (182) chihab cuan re laj Lamec nak quiyoꞌla jun li ralal.

Génesis 5:30

Chirix lix yoꞌlajic laj Noé, laj Lamec quicuan o̱b ciento riqꞌuin oꞌlaju roꞌcꞌa̱l (595) chihab chic. Ut toj queꞌcuan chic ralal ut xrabin.