Génesis 5:22 - Li Santil hu

²² Chirix lix yoꞌlajic laj Matusalén, laj Enoc quicuan oxib ciento (300) chihab chic. Ut toj queꞌcuan chic ralal ut xrabin. Laj Enoc quicuan chi sum a̱tin riqꞌuin li Dios.

Q'eqchi Bible

²² Laj Enok kiwank sa' sum'aatin rik'in li Yos. Chirix xyo'lajik laj Matusalén toj o'lajuk'aal (300) chihab' chik kiyo'yook laj Enok sa' ruuchich'och', ut ke'wank ralal xk'ajol.

Génesis 5:22 ပူးပေါင်းရင်းမြစ်များ

1 Ts 2:12

Xkaqꞌue xcacuilal e̱chꞌo̱l ut xkatzꞌa̱ma ajcuiꞌ che̱ru nak texcua̱nk saꞌ xya̱lal joꞌ xcꞌulubeb li ralal xcꞌajol li Dios li quisicꞌoc e̱ru re nak textzꞌako̱nk ajcuiꞌ la̱ex riqꞌuin lix nimajcual cuanquilal ut lix lokꞌal.

Génesis 17:1

Nak ac bele̱laju roꞌcꞌa̱l (99) chihab cuan re laj Abram, li Ka̱cuaꞌ Dios quixcꞌutbesi rib chiru ut quixye re: —La̱in li Ka̱cuaꞌ Dios li kꞌaxal nim incuanquil. Chatcua̱nk saꞌ xya̱lal chicuu ut ti̱cak a̱chꞌo̱l.

San Lucas 1:6

Laj Zacarías ut li rixakil, aꞌan ti̱queb xchꞌo̱l chiru li Dios. Junelic nequeꞌxqꞌue xchꞌo̱leb chixba̱nunquil chi tzꞌakal lix chakꞌrabinquileb ut lix taklanquileb xban li Ka̱cuaꞌ Dios.

Malaquías 2:6

Laj Leví quixchꞌolob lix ya̱lal chiruheb li tenamit ut incꞌaꞌ quiticꞌtiꞌic. Quicuan chi sum a̱tin cuiqꞌuin ut saꞌ xcꞌabaꞌ aꞌan nabaleb queꞌxcanab xba̱nunquil li ma̱usilal.

Génesis 6:9

Laj Noé aꞌan jun cui̱nk ti̱c xchꞌo̱l. Tzꞌakal re ru lix yuꞌam nak cuan saꞌ xya̱nkeb li ras ri̱tzꞌin ut ti̱c lix yuꞌam chiru li Dios. Aꞌan aꞌin retalil li ralal xcꞌajol laj Noé.

1 Juan 1:7

Ut cui nakaba̱nu li cꞌaꞌru naraj li Dios, joꞌ naxcꞌutbesi chiku li Cristo, cuanco chic chi sum a̱tin chi kibil kib. Ut lix quiqꞌuel li Jesucristo li Ralal li Dios naxchꞌajobresi li ka̱m ut narisi chixjunil li kama̱c.

Miqueas 6:8

Li Ka̱cuaꞌ incꞌaꞌ naraj aꞌan. Ac chꞌolchꞌo chiku li cꞌaꞌru us. Ac yebil ke cꞌaꞌru naraj li Ka̱cuaꞌ. Li Ka̱cuaꞌ naraj nak tocua̱nk saꞌ ti̱quilal ut takaqꞌue kachꞌo̱l chi uxta̱na̱nc u, ut chikacubsi kib re nak tocua̱nk chi sum a̱tin riqꞌuin li Dios.

Salmos 116:9

Xban nak li Ka̱cuaꞌ quinixtenkꞌa, la̱in tincua̱nk chi sum a̱tin riqꞌuin nak toj cua̱nkin arin saꞌ ruchichꞌochꞌ saꞌ xya̱nkeb li toj yoꞌyo̱queb.

Levítico 26:12

La̱in junelic cua̱nkin e̱riqꞌuin. La̱inak le̱ Dios ut la̱exak lin tenamit.

Colosenses 1:10

Nocotijoc che̱rix re nak ti̱cak le̱ yuꞌam xban nak rehex chic li Ka̱cuaꞌ ut sahak saꞌ xchꞌo̱l li Dios e̱riqꞌuin. Junelic cheba̱nuhak li us ut chetauhak ru chi tzꞌakal lix lokꞌal li Dios.

1 Ts 4:1

Ut anakcuan ex inherma̱n, cuan cuiꞌchic cꞌaꞌru nacuaj xtzꞌa̱manquil che̱ru saꞌ xcꞌabaꞌ li Ka̱cuaꞌ Jesucristo. Aꞌan aꞌin: nak chexcua̱nk taxak saꞌ ti̱quilal joꞌ naraj li Dios ut rajlal yo̱kex chixba̱nunquil chi joꞌcan joꞌ xkacꞌut che̱ru la̱o. Ac yo̱quex chixba̱nunquil, abanan kꞌaxal cuiꞌchic te̱ba̱nu.

Efesios 5:15

Cheqꞌuehak retal chanru le̱ yuꞌam. Me̱ba̱nu joꞌ nequeꞌxba̱nu li incꞌaꞌ useb xnaꞌleb. Cheba̱nuhak ban joꞌ nequeꞌxba̱nu li cuanqueb xnaꞌleb.

Génesis 48:15

Ut laj Israel quirosobtesi laj José nak quixye re chi joꞌcaꞌin: —Li Ka̱cuaꞌ Dios li x-osobtesin chak reheb lin yucuaꞌ laj Abraham, joꞌ eb ajcuiꞌ laj Isaac, aꞌan ajcuiꞌ li Ka̱cuaꞌ Dios li yo̱ chi iloc chak cue chalen anakcuan;

Génesis 24:40

Ut aꞌan quixye cue, “Matcꞌoxlac. Li Ka̱cuaꞌ Dios li na-iloc cue, aꞌan tixtakla chak junak lix ángel cha̱cuochbeninquil. Li ángel aꞌan tatxtenkꞌa re nak us tat-e̱lk saꞌ la̱ viaje nak tatxic aran. Ta̱sicꞌ junak rixakil li cualal saꞌ xya̱nkeb lin comon,” chan cue.

Colosenses 4:5

Chexcua̱nk saꞌ xya̱lal riqꞌuineb li ma̱cuaꞌeb aj pa̱banel ut yalak bar cua̱nkex chi kꞌek chi cutan junelic te̱chꞌolob xya̱lal li colba-ib chiruheb.

2 Corintios 6:16

¿Ma xcꞌulubeb ta biꞌ li yi̱banbil dios nak teꞌcua̱nk saꞌ rochoch li yoꞌyo̱quil Dios? Ma̱min ta̱ru̱k. La̱in ninye e̱re nak la̱o aj pa̱banelo, la̱o li rochoch li yoꞌyo̱quil Dios. Li Dios, aꞌan li quixye chi joꞌcaꞌin: La̱in tincua̱nk riqꞌuineb ut tincuochbeniheb. La̱inak lix Dioseb aꞌan, ut aꞌanakeb li cualal incꞌajol, chan. (Lev. 26:12)

Romanos 8:1

Anakcuan ut ma̱cꞌaꞌ chic li tojba ma̱c saꞌ xbe̱neb li nequeꞌpa̱ban re li Cristo, li incꞌaꞌ chic nequeꞌxba̱nu li nequeꞌxrahi ru lix chꞌo̱leb. Nequeꞌxba̱nu ban li naraj li Santil Musikꞌej.

Hechos 9:31

Ut incꞌaꞌ chic queꞌrahobtesi̱c laj pa̱banel li cuanqueb Judea, Galilea, ut Samaria. Yo̱queb chi qꞌui̱c saꞌ xpa̱ba̱leb. Nequeꞌxxucua ru li Ka̱cuaꞌ. Ut li Santil Musikꞌej yo̱ chixqꞌuebal xcacuilal xchꞌo̱leb. Cꞌajoꞌ nak yo̱queb chi ta̱mc.

Miqueas 4:5

Usta chixjunileb li tenamit yo̱keb chixlokꞌoninquil lix yi̱banbil dios, abanan la̱o takalokꞌoni li Ka̱cuaꞌ li kaDios ut takaba̱nu li cꞌaꞌru naraj aꞌan chi junelic kꞌe cutan.

Amós 3:3

¿Ma ta̱ru̱k ta biꞌ teꞌcua̱nk chi sum a̱tin cuibak cui incꞌaꞌ junajak ru lix cꞌaꞌuxeb?

Oseas 14:9

Cui cuan junak saꞌ e̱ya̱nk cuan xnaꞌleb chixtaubal ru li tzꞌi̱banbil arin, chixqꞌuehak retal lix ya̱lal. Li cꞌaꞌru naxba̱nu li Ka̱cuaꞌ, aꞌan ti̱c ut cha̱bil. Ut eb li ti̱queb xchꞌo̱l nequeꞌxba̱nu li cꞌaꞌru naraj li Dios. Aꞌut li kꞌetkꞌeteb teꞌosokꞌ xban nak incꞌaꞌ nequeꞌxba̱nu li cꞌaꞌru naraj li Dios.

Cantares 1:4

China̱cꞌam cha̱cuix chi junpa̱t. La̱atak lin rey. China̱cꞌam saꞌ la̱ cuochoch. Chisahokꞌ taxak kachꞌo̱l saꞌ cuibal. Nacuaj nak tina̱ra. Aꞌan li kꞌaxal lokꞌ chiru li vino. Xban nak kꞌaxal nim la̱ rahom, joꞌcan nak cateꞌxra li tukꞌ ixk.

Salmos 128:1

Us xak reheb li nequeꞌxucuan ru li Dios ut nequeꞌxba̱nu li cꞌaꞌru naraj aꞌan.

Salmos 86:11

At nimajcual Dios, chacꞌut chicuu li cꞌaꞌru ta̱cuaj la̱at tinba̱nu re nak tincua̱nk saꞌ xya̱lal. Ut china̱tenkꞌa chi cꞌanjelac cha̱cuu chi anchal inchꞌo̱l.

Salmos 56:13

Tinqꞌue a̱lokꞌal xban nak la̱at xatcoloc cue chiru li ca̱mc. Incꞌaꞌ xina̱canab chi tꞌanecꞌ saꞌ rukꞌeb li xicꞌ nequeꞌiloc cue. La̱at ban xatqꞌuehoc inyuꞌam. Joꞌcan nak china̱tenkꞌa re nak tincua̱nk chi sum a̱tin a̱cuiqꞌuin.

Salmos 26:11

Abanan la̱in junelic cua̱nkin saꞌ xya̱lal cha̱cuu. Chacuuxta̱na cuu ut china̱col.

Salmos 16:8

La̱in junelic nincꞌoxla li Dios ut aꞌan cuan cuiqꞌuin. Ma̱cꞌaꞌ cꞌaꞌru ta̱isi̱nk cue riqꞌuin li Dios.

2 Reyes 20:3

—La̱in nintzꞌa̱ma cha̱cuu, at Ka̱cuaꞌ Dios, chijulticokꞌ taxak a̱cue nak la̱in xincꞌanjelac cha̱cuu chi anchal inchꞌo̱l ut xinba̱nu li us joꞌ nacuulac cha̱cuu, chan. Ut quiya̱bac chi kꞌaxal ra saꞌ xchꞌo̱l.

1 Reyes 2:4

Cui tatcua̱nk saꞌ ti̱quilal chiru li Dios, li Dios tixba̱nu chixjunil li cꞌaꞌru quixyechiꞌi cue. Aꞌan quixye cue, “Cui eb la̱ cualal a̱cꞌajol teꞌcua̱nk saꞌ ti̱quilal chicuu ut cui teꞌxba̱nu li cꞌaꞌru ninye chi anchaleb xchꞌo̱l ut chi anchaleb li ra̱m, junelic eb la̱ cualal a̱cꞌajol teꞌoc chokꞌ xreyeb laj Israel.”

Deuteronomio 28:9

Cui la̱ex te̱ba̱nu li cꞌaꞌru naxye li Ka̱cuaꞌ le̱ Dios ut incꞌaꞌ te̱kꞌet lix chakꞌrab, li Ka̱cuaꞌ texxakab chokꞌ jun xsantil tenamit joꞌ quixye e̱re.

Deuteronomio 13:4

Aꞌ li Ka̱cuaꞌ le̱ Dios, aꞌan li te̱pa̱b ut aꞌan li te̱lokꞌoni. Cheba̱nuhak li chakꞌrab li quixqꞌue e̱re ut te̱ba̱nu le̱ taklanquil xban. Chexcꞌanjelak chiru ut chepa̱b chi anchal e̱chꞌo̱l.

Deuteronomio 5:33

Cheba̱nu chixjunil li naxye e̱re li Ka̱cuaꞌ le̱ Dios re nak cua̱nk le̱ yuꞌam ut us tex-e̱lk riqꞌuin li cꞌaꞌru te̱ba̱nu ut re ajcuiꞌ nak najt texcua̱nk saꞌ li naꞌajej li quixqꞌue e̱re li Ka̱cuaꞌ re te̱re̱chani.

Éxodo 16:4

Li Ka̱cuaꞌ Dios quixye re laj Moisés: —Anakcuan ta̱cuil cꞌaꞌru tinba̱nu. La̱in tintakla chak le̱ cua saꞌ choxa. Rajlal cutan eb li cristian teꞌxxoc li joꞌ qꞌuial teꞌxcuaꞌ chiru li jun cutan. Tincuil ma yo̱queb chixpa̱banquil lin chakꞌrab.

Génesis 5:24

Tzꞌakal re ru lix yuꞌam, ut saꞌ jun li cutan ma̱ ani chic saꞌ ruchichꞌochꞌ xban nak quicꞌameꞌ chi yoꞌyo xban li Dios.

1 Corintios 7:17

Li junju̱nk chicua̱nk joꞌ naraj li Dios. Us cui cuan a̱cuixakil nak xapa̱b li Cristo. Cui ma̱cꞌaꞌ a̱cuixakil, us ajcuiꞌ. Tatcana̱k joꞌ nak cuancat nak xatpa̱ban. Aꞌan aꞌin li nequebinchakꞌrabi cuiꞌ chixjunileb laj pa̱banel yalak bar.

Génesis 5:21

O̱b xca̱cꞌa̱l chihab (65) cuan re laj Enoc nak quiyoꞌla laj Matusalén li ralal.

Génesis 5:23

Oxib ciento riqꞌuin o̱b xca̱cꞌa̱l (365) chihab cuan re laj Enoc.