Génesis 5:2 - Li Santil hu

² Cui̱nk ut ixk nak quixyoꞌobtesiheb ut quirosobtesiheb. Cristian quixqꞌue chokꞌ xcꞌabaꞌeb.

Q'eqchi Bible

² Teelom ut ixq naq ke'yoob'tesiik. Li Yos kirosob'tesiheb' ut “poyanam” kixk'e cho'q xk'ab'a'eb' sa' li kutan ke'yoob'tb'esiik wi'.

Génesis 5:2 ပူးပေါင်းရင်းမြစ်များ

San Marcos 10:6

Abanan ma̱cuaꞌ joꞌcan saꞌ xticlajic li ruchichꞌochꞌ. Nak quixyi̱b li ruchichꞌochꞌ li Dios, quixyoꞌobtesi li cui̱nk ut quixyoꞌobtesi li ixk.

San Mateo 19:4

Quichakꞌoc li Jesús ut quixye reheb: —¿Ma incꞌaꞌ e̱rilom li tzꞌi̱banbil saꞌ li Santil Hu nak li Dios quiyoꞌobtesin chak re li cristian saꞌ xticlajic, cui̱nk ut ixk nak quixyoꞌobtesiheb chak?

Génesis 2:23

Nak laj Adán quiril li ixk, quixye: —Li ixk aꞌin riqꞌuin lin bakel ut riqꞌuin lin tibel yi̱banbil. Ut lix cꞌabaꞌ ta̱qꞌuema̱nk, aꞌan ixk xban nak riqꞌuin li cui̱nk isinbil, chan.

Génesis 1:27

Ut li Dios quixyoꞌobtesi li cui̱nk ut li ixk joꞌ li riloba̱l aꞌan. Cui̱nk ut ixk nak quixyoꞌobtesiheb.

Hechos 17:26

Riqꞌuin jun chi cui̱nk quixyoꞌobtesi chixjunileb li cristian li cuanqueb saꞌ ruchichꞌochꞌ. Ut aꞌan yal re joꞌ najtil teꞌcua̱nk li junju̱nk saꞌ ruchichꞌochꞌ. Ut aꞌan ajcuiꞌ quiqꞌuehoc re lix naꞌajeb li junju̱nk chi tenamit.

Malaquías 2:15

¿Ma ma̱cuaꞌ ta biꞌ li Ka̱cuaꞌ xba̱nun re nak junajakeb chic ru li jun sumal chi cristian? ¿Cꞌaꞌut nak joꞌcan xba̱nu li Dios? ¿Ma ma̱cuaꞌ ta biꞌ re nak teꞌcua̱nk li ralal xcꞌajoleb ut ti̱cakeb xchꞌo̱l? Joꞌcan nak chenauhak xra̱bal le̱ yuꞌam ut canabomak xbalakꞌinquil le̱ rixakil li quexsumla cuiꞌ saꞌ e̱sa̱jilal.

Génesis 2:15

Li Ka̱cuaꞌ Dios quixqꞌue li cui̱nk saꞌ xnaꞌaj li acui̱mk aran Edén re nak aꞌan ta̱ilok re ut tixtrabaji li chꞌochꞌ.

Génesis 1:28

Li Dios quirosobtesiheb aꞌan ut quixye reheb: —Chicua̱nk le̱ cocꞌal ut chexqꞌuia̱nk toj retal nak ta̱nujak li ruchichꞌochꞌ. La̱ex textakla̱nk saꞌ xbe̱n chixjunil li cꞌaꞌru cuan. Textakla̱nk saꞌ xbe̱neb chixjunil li xul li cuanqueb saꞌ li haꞌ joꞌ ajcuiꞌ li cuanqueb chiru choxa ut li cuanqueb saꞌ ruchichꞌochꞌ, chan.

Génesis 5:3

Ac cuan jun ciento riqꞌuin laje̱b xcaꞌcꞌa̱l (130) chihab re laj Adán nak quiyoꞌla li rox ralal. Li ralal chanchan ajcuiꞌ na-iloc laj Adán. Aj Set quixqꞌue chokꞌ xcꞌabaꞌ.