Génesis 49:6 - Li Santil hu

⁶ Mixjunaji taxak rib li cua̱m riqꞌuin li camsi̱nc li queba̱nu chak la̱ex nak numtajenak e̱joskꞌil. Joꞌcan nak xecamsiheb li cui̱nk ut quilajeꞌxyoqꞌui ajcuiꞌ li richꞌ mul li rokeb li bo̱yx re nak incꞌaꞌ chic teꞌxcuy be̱c.

Q'eqchi Bible

⁶ Sa' li xmolameb' ink'a' taxaq chat-ok, at waanm; maajunaji taxaq aawib' sa' li xch'utameb', at inch'ool, xb'aan naq sa' xjosq'ileb' ke'kamsink poyanam ut sa' li xq'etq'etileb' ke'xseti roqeb' li wakax.

Génesis 49:6 ပူးပေါင်းရင်းမြစ်များ

Génesis 34:30

Laj Jacob quixye re laj Simeón joꞌ ajcuiꞌ re laj Leví: —La̱ex xeqꞌue jun li nimla raylal saꞌ inbe̱n la̱in. Anakcuan chixjunileb li cristian saꞌ li naꞌajej aꞌin xicꞌ chic tineꞌril, eb laj cananeo ut eb laj ferezeo. Ma̱re teꞌxchꞌutub ribeb re teꞌpletik kiqꞌuin. Ut la̱o coꞌxibo ajcuiꞌ. ¿Cꞌaꞌru takaba̱nu? To-osokꞌ chikajunilo, chan laj Jacob.

Salmos 26:9

Mina̱sach rochbeneb laj ma̱c. La̱in incꞌaꞌ nacuaj xcꞌulbal li teꞌxcꞌul eb li nequeꞌcamsin.

Salmos 16:9

Numtajenak li saylal cuan saꞌ li cua̱m xban nak cꞌojcꞌo inchꞌo̱l riqꞌuin li Ka̱cuaꞌ.

2 Corintios 6:14

Me̱junaji e̱rib riqꞌuineb li toj ma̱jiꞌ nequeꞌpa̱ban. ¿Ma naru ta biꞌ ta̱cua̱nk saꞌ comonil li ti̱quilal riqꞌuin li ma̱usilal? ¿Ma naru ta biꞌ ta̱cua̱nk chi sum a̱tin li santilal riqꞌuin li ma̱c?

San Lucas 12:19

Ut tinye: “Us xak cue. Cuan nabal cꞌaꞌru cue xocxo inban re tinnumsi nabal chihab. Anakcuan tinhila̱nk, tincuaꞌak, tin-ucꞌak, ut ta̱sahokꞌ saꞌ inchꞌo̱l”, chan.

Jeremías 15:17

La̱in incꞌaꞌ nacuochbeniheb li nequeꞌhoboc, chi moco nasahoꞌ inchꞌo̱l riqꞌuineb. Chalen nak casicꞌ cuu chokꞌ a̱profeta, la̱in junelic injunes nincuan ut ninjoskꞌoꞌ chirilbal li incꞌaꞌ us.

Jeremías 4:19

Kꞌaxal ra cuanquin. Incꞌaꞌ chic nincuy. Cau na-ecꞌan li cua̱m. Chanchan e̱lc re saꞌ xnaꞌaj. Incꞌaꞌ naru tincana̱k chi incꞌaꞌ tina̱tinak xban nak yo̱quin chirabinquil xya̱b li trompetas retalil nak ticla̱c re li ple̱t.

Salmos 64:2

China̱col chiruheb li incꞌaꞌ useb xnaꞌleb li yo̱queb xcꞌu̱banquil chi mukmu chanru teꞌxba̱nu cue. China̱col chiru li cꞌaꞌru nequeꞌxcꞌoxla saꞌ inbe̱n li nequeꞌba̱nun ma̱usilal.

Salmos 57:8

Chi-ajk cuu toj ekꞌela re tinqꞌue xlokꞌal li Dios riqꞌuin lin cuajb. Tinlokꞌoni li Dios riqꞌuin lin arpa.

Proverbios 12:5

Eb li ti̱queb xchꞌo̱l junes li us nequeꞌxcꞌoxla. Abanan li incꞌaꞌ useb xnaꞌleb junes balakꞌic nequeꞌxcꞌoxla.

Proverbios 1:11

Usta teꞌxye e̱re, “Quimkex kiqꞌuin. Chex-oque̱nk saꞌ kaya̱nk. Toxic ut takaram saꞌ xbe li ma̱cꞌaꞌeb xma̱c ut takacamsiheb nak yo̱keb chi numecꞌ.

Salmos 139:19

At inDios, chasacheb taxak ruheb li incꞌaꞌ useb xnaꞌleb, ut cheꞌxcanabak ta inchꞌiꞌchꞌiꞌinquil eb laj camsinel.

Salmos 103:1

Tinqꞌue xlokꞌal li Ka̱cuaꞌ chi anchal inchꞌo̱l. Chi anchal li cua̱m tinqꞌue xlokꞌal. Tinnima lix santil cꞌabaꞌ.

Salmos 43:5

¿Cꞌaꞌut nak ta̱rahok saꞌ inchꞌo̱l? Ut, ¿cꞌaꞌut nak yo̱k incꞌaꞌux? ¿Ma incꞌaꞌ ta biꞌ a̱cuiqꞌuin ninyoꞌonin? ¿Ma incꞌaꞌ ta biꞌ ta̱ru̱k tatinlokꞌoni cuiꞌchic, at Ka̱cuaꞌ? Naru tatinlokꞌoni cuiꞌchic xban nak la̱at lin Dios ut la̱at aj Colol cue.

Salmos 42:11

¿Cꞌaꞌut nak ta̱rahok saꞌ inchꞌo̱l? Ut, ¿cꞌaꞌut nak yo̱k incꞌaꞌux? ¿Ma incꞌaꞌ ta biꞌ a̱cuiqꞌuin ninyoꞌonin? ¿Ma incꞌaꞌ ta biꞌ ta̱ru̱k tatinlokꞌoni cuiꞌchic, at Ka̱cuaꞌ? Naru tatinlokꞌoni cuiꞌchic, xban nak la̱at lin Dios ut la̱at aj Colol cue.—

Salmos 42:5

¿Cꞌaꞌut nak ta̱rahokꞌ saꞌ inchꞌo̱l? Ut, ¿cꞌaꞌut nak yo̱k incꞌaꞌux? ¿Ma incꞌaꞌ ta biꞌ a̱cuiqꞌuin ninyoꞌonin? ¿Ma incꞌaꞌ ta biꞌ ta̱ru̱k tatinlokꞌoni cuiꞌchic, at Ka̱cuaꞌ? Naru tatinlokꞌoni cuiꞌchic xban nak la̱at lin Dios, ut la̱at aj Colol cue.

Salmos 30:12

Joꞌcan nak tinbicha̱nk re a̱lokꞌoninquil, at Ka̱cuaꞌ Dios. Incꞌaꞌ naru nincana chi incꞌaꞌ tinqꞌue a̱lokꞌal. At Ka̱cuaꞌ Dios, tinqꞌue a̱lokꞌal chi junelic.

Salmos 28:3

Mina̱juntakꞌe̱ta riqꞌuineb li incꞌaꞌ useb xnaꞌleb ut li nequeꞌba̱nun ma̱usilal re nak incꞌaꞌ tincꞌul li teꞌxcꞌul eb aꞌan. Eb aꞌan nequeꞌxye nak nequeꞌraj cua̱nc saꞌ usilal riqꞌuineb li rech cabal abanan li ra̱meb nujenak chi ma̱usilal.

Salmos 5:10

Chaqꞌueheb chixtojbal lix ma̱queb, at inDios. Chitꞌanekꞌ saꞌ xbe̱neb li cꞌaꞌru incꞌaꞌ us nequeꞌxba̱nu. Ta̱tzꞌekta̱naheb xban nak numtajenak lix ma̱queb. Eb aꞌan xateꞌxtzꞌekta̱na. Joꞌcan nak ta̱tzꞌekta̱naheb.

Salmos 1:1

Us xak re li cui̱nk li incꞌaꞌ naxcꞌu̱luban xtacchiꞌ li incꞌaꞌ useb xnaꞌleb. Us xak re li cui̱nk li incꞌaꞌ naxjunaji rib riqꞌuineb laj ma̱c chi moco naxjunaji rib riqꞌuineb li nequeꞌhoboc re li Ka̱cuaꞌ Dios.

Jueces 5:21

Quilajeꞌcꞌameꞌ xban haꞌ nak quibutꞌir li nimaꞌ Cisón, li junelic cau rok. La̱in tinpletik. Incꞌaꞌ ta̱chꞌina̱nk inchꞌo̱l, chan lix Débora.

Deuteronomio 27:24

Tzꞌekta̱nanbil li ani tixcamsi ras ri̱tzꞌin usta chi mukmu naxba̱nu. Ut chixjunileb li tenamit teꞌxye: Joꞌcan taxak.

Josué 11:9

Laj Josué quixba̱nu joꞌ quiyeheꞌ re xban li Ka̱cuaꞌ. Quixtok rokeb lix cacua̱yeb ut quixcꞌateb lix carruaje.

2 Samuel 8:4

Laj David quixchapeb jun mil riqꞌuin cuukub ciento lix solda̱deb li nequeꞌxic chirix cacua̱y. Ut quixchapeb ajcuiꞌ junmay mil chi cui̱nk li nequeꞌxic chi rokeb. Quixtok li rokeb chixjunileb lix cacua̱yeb. Abanan incꞌaꞌ quixtok rokeb li cacua̱y li joꞌ qꞌuial li teꞌcꞌanjelak re xquelonquil li jun ciento chi carruaje.

1 Crónicas 18:4

Laj David quixchapeb jun mil li carruaje ut quixchapeb ajcuiꞌ cuukub mil (7,000) lix solda̱deb li nequeꞌxic chirix cacua̱y. Ut quixchapeb ajcuiꞌ junmay mil (20,000) li soldado li nequeꞌxic chi rokeb. Quixtok li rokeb chixjunileb lix cacua̱yeb. Abanan incꞌaꞌ quixtok rokeb li cacua̱y li joꞌ qꞌuial li teꞌcꞌanjelak re xquelonquil li jun ciento chi carruaje.