Génesis 49:3 - Li Santil hu

³ La̱at, Rubén, la̱at li tzꞌakal asbej saꞌ xya̱nkeb li cualal. Xban aꞌin la̱at li xcacuub lin metzꞌe̱u. La̱at raj laj cꞌamol be chiruheb la̱ cui̱tzꞌin. Nim raj ajcuiꞌ a̱cuanquilal chiruheb aꞌan.

Q'eqchi Bible

³ “At Rubén, xb'eenat li walal, laa'at linmetz'ew ut xb'een ru linwinqilal; laa'at li nim xloq'al ut nim xwankil.

Génesis 49:3 ပူးပေါင်းရင်းမြစ်များ

Salmos 78:51

Li Dios quixcanabeb chi camsi̱c li xbe̱n ralaleb laj Egipto, li ralal xcꞌajoleb laj Cam.

Deuteronomio 21:17

Tento nak tixqꞌue cuib sut xqꞌuial li cꞌaꞌak re ru re li xbe̱n alalbej usta aꞌan ma̱cuaꞌ li ralal li cuan riqꞌuin li rixakil li naxra. Tento nak tixqꞌue re li joꞌ qꞌuial xcꞌulub xcꞌulbal xban nak aꞌan li xbe̱n alalbej.

Salmos 105:36

Ut li Dios quixqꞌueheb chi ca̱mc li xbe̱n ralaleb laj Egipto. Quixqꞌueheb chi ca̱mc li kꞌaxal raro xbaneb.

Génesis 29:32

Lix Lea quicana chi yaj aj ixk. Quicuan jun lix cꞌulaꞌal. Lix Lea quixye: —Li Ka̱cuaꞌ Dios quixnau nak quirahoꞌ saꞌ inchꞌo̱l junxil. Anakcuan tinixra chic lin be̱lom, chan. Joꞌcan nak aj Rubén quixqꞌue chokꞌ xcꞌabaꞌ lix cꞌulaꞌal.

1 Crónicas 5:3

Aꞌaneb aꞌin li ralal laj Rubén, li xbe̱n ralal laj Israel: laj Hanoc, laj Falú, laj Hezrón ut laj Carmi.

1 Crónicas 5:1

Aꞌaneb aꞌin li ralal xcꞌajol laj Rubén, li xbe̱n ralal laj Israel: Xban nak laj Rubén quixchꞌic rib riqꞌuin li ixk li quicuan riqꞌuin lix yucuaꞌ, nak incꞌaꞌ quiqꞌueheꞌ re li tento raj tixcꞌul joꞌ xbe̱n alalbej, aꞌ chic li ralal laj José quicꞌuluc re li tento raj tixcꞌul laj Rubén. Incꞌaꞌ chic quiqꞌueheꞌ xcuanquil joꞌ xbe̱n alalbej.

1 Crónicas 2:1

Aꞌaneb aꞌin li ralal laj Israel: laj Rubén, laj Simeón, laj Leví, laj Judá, laj Isacar, laj Zabulón,

Números 1:20

Quitzꞌi̱ba̱c xcꞌabaꞌeb li ralal xcꞌajol laj Rubén li xbe̱n ralal laj Israel li ac xeꞌxba̱nu junmay chihab re teꞌoc chokꞌ soldado. Queꞌajla̱c aꞌ yal chanru xqꞌuialeb saꞌ li junju̱nk cabal.

Números 26:5

Aꞌaneb aꞌin li ralal xcꞌajol laj Rubén, li xbe̱n ralal laj Israel: eb li ralal xcꞌajol laj Enoc; eb li ralal xcꞌajol laj Falú;

Génesis 48:18

Laj José quixye re lix yucuaꞌ: —Incꞌaꞌ, at inyucuaꞌ, ma̱ba̱nu chi joꞌcan xban nak laj Manasés, aꞌan li asbej. Qꞌue ban la̱ nim ukꞌ saꞌ xbe̱n xjolom aꞌan, chan laj José.

Génesis 46:8

Arin tzꞌi̱banbil xcꞌabaꞌeb li ralal xcꞌajol laj Israel li queꞌco̱eb Egipto. Laj Rubén, aꞌan li xbe̱n ralal laj Jacob.

Apocalipsis 3:14

Ut li Cꞌajolbej quixye cuiꞌchic cue: —Tzꞌi̱ban riqꞌuin lix takl li Dios li na-iloc reheb li jun chꞌu̱tal chi aj pa̱banel li cuanqueb Laodicea ut ta̱ye re: Li ani naxcꞌabaꞌin “Amén”, li junelic ti̱c xchꞌo̱l chixyebal li ya̱l, li ac cuan chak nak quiyi̱ba̱c chak li ruchichꞌochꞌ ut chixjunil li cꞌaꞌak re ru cuan, naxye e̱re chi joꞌcaꞌin:

Deuteronomio 33:6

Laj Moisés quixye chirixeb li ralal xcꞌajol laj Rubén: Incꞌaꞌ teꞌsachekꞌ ruheb li ralal xcꞌajol laj Rubén. Cheꞌnabalokꞌ ban ut teꞌta̱mk.

Génesis 35:22

Nak ac cuanqueb chic saꞌ li naꞌajej aꞌan, laj Rubén quixchꞌic rib riqꞌuin lix Bilha li quicuan riqꞌuin lix yucuaꞌ joꞌ rixakil. Cꞌajoꞌ nak quijoskꞌoꞌ laj Israel nak quirabi cꞌaꞌru quixba̱nu li ralal. Cablaju eb li ralal laj Jacob queꞌcuan, li nayeman ajcuiꞌ aj Israel re.

Génesis 35:23

Aꞌaneb aꞌin li ralal li quicuan riqꞌuin lix Lea. Laj Rubén, aꞌan li asbej. Chirix chic aꞌan quicuan laj Simeón, laj Leví, laj Judá, laj Isacar ut laj Zabulón.

Deuteronomio 27:13

Ut aꞌineb li xte̱paleb laj Israel li teꞌxakli̱k saꞌ li tzu̱l Ebal chixyebal resil li xtzꞌekta̱nanquileb li tenamit: eb li ralal xcꞌajol laj Rubén, eb li ralal xcꞌajol laj Gad, eb li ralal xcꞌajol laj Aser, eb li ralal xcꞌajol laj Zabulón, eb li ralal xcꞌajol laj Dan ut eb li ralal xcꞌajol laj Neftalí.

Ezequiel 48:6

Ut saꞌ li nuba̱l re lix chꞌochꞌ laj Efraín tixcꞌul lix naꞌaj laj Rubén. Naticla saꞌ li este ut nacuulac toj chire li palau.