Génesis 49:27 - Li Santil hu

²⁷ Ut la̱at, Benjamín, tatinjuntakꞌe̱ta riqꞌuin li joskꞌ aj xoj xban nak la̱at joꞌ eb la̱ cualal a̱cꞌajol nabal li pletic te̱ba̱nu riqꞌuineb li xicꞌ teꞌilok e̱re. Ekꞌela texxic chi pletic ut ecuu te̱jeqꞌui li cꞌaꞌru te̱makꞌ chak chiruheb nak texpletik, chan laj Israel.

Q'eqchi Bible

²⁷ “Laj Benjamín a'an josq' aj xojb': eq'la naxtiw li naxchap, ut ewu naxjek'i li xtzak”.

Génesis 49:27 ပူးပေါင်းရင်းမြစ်များ

Ezequiel 22:27

Eb li nequeꞌtaklan saꞌ li tenamit chanchaneb chic laj xoj li yo̱queb chixtꞌupbal lix tibeb. Nequeꞌxcamsiheb li ras ri̱tzꞌin xban xsicꞌbal xbiomaleb.

Jueces 20:25

Ut joꞌcan cuiꞌchic queꞌxcꞌul. Eb li ralal xcꞌajol laj Benjamín queꞌel saꞌ li tenamit Gabaa ut queꞌxcamsiheb cuakxaklaju mil (18,000) chic li soldado li nequeꞌxnau pletic chi us.

Jueces 20:21

Ut eb li ralal xcꞌajol laj Benjamín queꞌel saꞌ li tenamit Gabaa ut queꞌxcamsiheb cuib xcaꞌcꞌa̱l mil (22,000) chi soldado aj Israel saꞌ li cutan aꞌan.

Génesis 46:21

Aꞌaneb aꞌin lix cꞌabaꞌeb li ralal laj Benjamín: laj Bela, laj Bequer, laj Asbel, laj Gera, laj Naamán, laj Ehi, laj Ros, laj Mupim, laj Hupim ut laj Ard.

Génesis 35:18

Ut nak ac ca̱mc re, lix Raquel quixye: —Aj Benoni te̱qꞌue chokꞌ xcꞌabaꞌ li cꞌulaꞌal aꞌin, chan ut quicam. Abanan li yucuaꞌbej quixqꞌue aj Benjamín chokꞌ xcꞌabaꞌ.

Filipenses 3:5

La̱in tzꞌakalin aj Israel. Cuakxakib cutan cuan cue nak xincꞌul li circuncisión. Lin naꞌ inyucuaꞌ aj hebreo xcomoneb xte̱pal laj Benjamín. La̱in ajcuiꞌ xcomoneb laj fariseo li nequeꞌxba̱nu chixjunil li tzꞌi̱banbil saꞌ li chakꞌrab li quiqꞌueheꞌ re laj Moisés.

Hechos 20:29

La̱in ninnau nak tine̱lk saꞌ e̱ya̱nk, chanchanakeb laj xoj nak teꞌcha̱lk li jalaneb xnaꞌleb chixpoꞌbal ru le̱ pa̱ba̱l. Eb aꞌan incꞌaꞌ teꞌril xtokꞌoba̱l e̱ru.

Hechos 9:1

Nak yo̱ chi cꞌulma̱nc aꞌin, laj Saulo toj yo̱ chixrahobtesinquileb li nequeꞌpa̱ban re li Ka̱cuaꞌ ut yo̱ chixyebal nak toj tixcamsiheb. Joꞌcan nak co̱ riqꞌuin li xyucuaꞌil aj tij.

Hechos 8:3

Aban laj Saulo yalyo xkꞌe chixrahobtesinquileb laj pa̱banel. Na-oc saꞌ eb li cab ut narisiheb saꞌ rochocheb ut naxcꞌameb saꞌ tzꞌalam, joꞌ cui̱nk joꞌ ixk.

San Mateo 10:16

Chenauhak nak la̱in tintakla̱nk e̱re saꞌ xya̱nkeb li xicꞌ nequeꞌiloc e̱re. Chanchanakex li carner saꞌ xya̱nkeb laj xoj. Se̱bak e̱chꞌo̱l joꞌcakex li cꞌantiꞌ ut ti̱cak e̱chꞌo̱l joꞌcakex li paloma.

San Mateo 7:15

Chenauhak xcolbal e̱rib chiruheb li profeta aj balakꞌ. Chanchan nak cha̱bileb joꞌ li carner nak nequeꞌcꞌutun. Abanan moco ya̱l ta. Chanchaneb li joskꞌ aj xoj nak nequeꞌchal chi balakꞌi̱nc.

Sofonías 3:3

Eb laj cꞌamol be saꞌ li tenamit chanchaneb li joskꞌ aj cakcoj li teꞌtzꞌoca̱k. Ut eb li nequeꞌrakoc a̱tin saꞌ xbe̱neb li tenamit, chanchaneb laj xoj li nequeꞌbe̱c chi kꞌek chixsicꞌbal li cꞌaꞌru teꞌxtiu ut nak nequeꞌxtau, nequeꞌxchoy chi junaj cua. Chi moco li bak nequeꞌxcanab bayak re cuulaj.

Ezequiel 22:25

Eb li nequeꞌcꞌamoc be chanchaneb li cakcoj li yo̱queb chixjapbal re saꞌ xbe̱n lix tib. Nequeꞌxcamsiheb li rech tenamitil ut nequeꞌxmakꞌ chiruheb li cꞌaꞌru reheb. Nabaleb li xma̱lcaꞌan xban nak queꞌcamsi̱c lix be̱lomeb.

Jeremías 5:6

Joꞌcan nak eb laj Jerusalén teꞌxcꞌul li raylal xbaneb li xicꞌ nequeꞌiloc reheb. Li cakcoj li cuanqueb saꞌ qꞌuicheꞌ teꞌcha̱lk chixcamsinquileb. Laj xoj li cuanqueb saꞌ li chaki chꞌochꞌ teꞌxpedasiheb. Li hix tixbeni rib saꞌ lix tenamiteb. Cui nequeꞌel saꞌ be teꞌchapekꞌ ut teꞌpedasi̱k xbaneb li hix. Joꞌcan teꞌxcꞌul xban nak xnumta lix ma̱queb. Qꞌuila sut xeꞌxtzꞌekta̱na li Ka̱cuaꞌ.

Deuteronomio 33:12

Laj Moisés quixye chirixeb li ralal xcꞌajol laj Benjamín: Cheꞌcua̱nk chi cꞌojcꞌo xchꞌo̱leb li ralal xcꞌajol laj Benjamín li raro̱queb xban li Ka̱cuaꞌ. Li Ka̱cuaꞌ, aꞌan junelic nacoloc reheb ut nacuan riqꞌuineb ut na-iloc reheb.

Números 23:24

Eb laj Israel kꞌaxal cauhak ribeb. Incꞌaꞌ teꞌhila̱nk toj teꞌnumta̱k saꞌ xbe̱neb li xicꞌ nequeꞌiloc reheb joꞌ li cakcoj li incꞌaꞌ nahilan toj nak ac xchap lix tib ut xtiu ut xrucꞌ lix quiqꞌuel, chan laj Balaam.

Génesis 49:26

Kꞌaxal nim li usilal li yo̱quin chixtzꞌa̱manquil chiru li Ka̱cuaꞌ Dios chokꞌ a̱cue la̱at. Moco joꞌ ta li queꞌxtzꞌa̱ma chak chokꞌ cue lin yucuaꞌ camenak. Numtajenak cuiꞌchic xqꞌuial li yo̱quin chixtzꞌa̱manquil chokꞌ a̱cue. Joꞌ nak li tzu̱l incꞌaꞌ nequeꞌosoꞌ, joꞌcan ajcuiꞌ nak incꞌaꞌ ta̱osokꞌ la̱ cuosobtesinquil li yo̱quin chixtzꞌa̱manquil chokꞌ a̱cue. La̱at, José, chixjunil li usilal aꞌin ta̱cana̱k saꞌ a̱be̱n. La̱at li quisiqꞌueꞌ a̱cuu saꞌ xya̱nkeb la̱ cuas.

Génesis 49:28

Aꞌaneb aꞌin li cablaju xte̱paleb li ralal xcꞌajol laj Israel. Tzꞌi̱banbil arin li cꞌaꞌru queꞌyeheꞌ reheb xban lix yucuaꞌeb nak quixtzꞌa̱ma chiru li Ka̱cuaꞌ Dios li rosobtesinquil li junju̱nk. Jalan jala̱nk li rosobtesinquileb.

Números 1:36

Queꞌtzꞌi̱ba̱c xcꞌabaꞌeb li ralal xcꞌajol laj Benjamín li ac xeꞌxba̱nu junmay chihab re teꞌoc chokꞌ soldado. Queꞌajla̱c aꞌ yal chanru xqꞌuialeb saꞌ li junju̱nk cabal.

Números 34:21

laj Elidad li ralal laj Quislón, saꞌ xte̱paleb li ralal xcꞌajol laj Benjamín;