Génesis 49:24 - Li Santil hu

²⁴ Ut ta̱cuy chak xcolbal a̱cuib saꞌ rukꞌ eb aꞌan. Li Ka̱cuaꞌ Dios xqꞌuehoc xcacuilal a̱cuok a̱cuukꞌ. Bantiox re li Ka̱cuaꞌ Dios li naqꞌuehoc re lin metzꞌe̱u. Bantiox re li Ka̱cuaꞌ Dios li na-iloc ke joꞌ naxba̱nu junak laj ilol queto̱mk. Li Ka̱cuaꞌ Dios, aꞌan joꞌ jun sako̱nac ut ma̱ ani naru natꞌanoc re. Ut aꞌan naxqꞌue li kacuanquilal.

Q'eqchi Bible

²⁴ ab'an nakanaak chi q'axal kaw li xna' xsimaj laj José ut numtajenaq nim li xkawilal li ruq' sa' xk'ab'a' li xNimajwal Yos laj Jakob, sa' xk'ab'a' laj K'aak'alenel ut li xSaqoonak laj Israel;

Génesis 49:24 ပူးပေါင်းရင်းမြစ်များ

Salmos 132:2

Chijulticokꞌ taxak a̱cue li juramento li quixba̱nu a̱cuiqꞌuin la̱at li nimajcual Dios li quixlokꞌoni laj Jacob.

Isaías 28:16

Joꞌcan nak li Ka̱cuaꞌ Dios quixye chi joꞌcaꞌin: —Qꞌuehomak retal. La̱in xinsicꞌ ru jun li pec kꞌaxal lokꞌ ut xinqꞌue aran Sión chokꞌ xxuc li cab re nak cau ta̱cana̱k. Ut li ani tixcꞌojob xchꞌo̱l riqꞌuin incꞌaꞌ ta̱chꞌina̱nk xchꞌo̱l.

Salmos 132:5

Incꞌaꞌ tinhila̱nk toj tintau xnaꞌaj li Lokꞌlaj Ca̱x li nahilan cuiꞌ li nimajcual Dios. Tento ta̱cua̱nk xnaꞌaj li nimajcual Dios li quixlokꞌoni laj Jacob, chan.

Salmos 80:1

At Ka̱cuaꞌ, la̱at laj ilol reheb laj Israel. La̱at nacatcꞌamoc be chiruheb li ralal xcꞌajol laj José joꞌ jun cha̱bil pastor naxberesiheb lix carner. La̱at li nacathilan saꞌ xyiheb li querubines ut nacacꞌut la̱ lokꞌal.

Salmos 18:30

Chixjunil li cꞌaꞌru naxba̱nu li Dios, aꞌan cha̱bil ut tzꞌakal re ru. Ut li cꞌaꞌru naxyechiꞌi ke, nakanau chi tzꞌakal nak tixqꞌue ke. Li Dios naxtenkꞌaheb li ani cauheb xchꞌo̱l riqꞌuin.

Li xHu LAJ JOB 29:20

Junelic cha̱bil teꞌxye chicuix. Ut junelic cauhak cuib, chanquin saꞌ inchꞌo̱l.

2 Timoteo 4:17

Abanan li Ka̱cuaꞌ quitenkꞌan cue ut quixqꞌue xcacuilal inchꞌo̱l re xjulticanquil chi tzꞌakal resil li colba-ib re nak chixjunileb li ma̱cuaꞌeb aj judío teꞌrabi resil li evangelio. Joꞌcan nak quincoleꞌ saꞌ rukꞌ li cakcoj.

Efesios 2:20

La̱o aj pa̱banel chanchano li rochoch li Dios. Chanchano li pec li na-oc saꞌ xbe̱n li cimiento. Ut li cimiento, aꞌaneb li apóstol ut li profeta. Abanan li tzꞌakal xakxo cuiꞌ li cab, aꞌan li Jesucristo.

Isaías 1:24

Joꞌcan nak li Ka̱cuaꞌ li nimajcual Dios, li cau rib saꞌ xbe̱neb laj Israel, naxye chi joꞌcaꞌin: —La̱in tincuisi injoskꞌil saꞌ e̱be̱n la̱ex li xicꞌ nequex-iloc cue. Tinqꞌue re̱kaj e̱re li cꞌaꞌru nequeba̱nu cue.

Salmos 118:22

Li pec li quitzꞌekta̱na̱c xbaneb laj cablanel, aꞌan li pec li kꞌaxal cha̱bil li quiqꞌueheꞌ chokꞌ xxuc li cab.

Deuteronomio 32:4

Li Ka̱cuaꞌ, aꞌan li nacoloc ke joꞌ jun li sako̱nac li nequeꞌxcol cuiꞌ ribeb li tenamit. Li Ka̱cuaꞌ, aꞌan kꞌaxal cha̱bil ut ti̱c xchꞌo̱l. Naxba̱nu li ti̱quilal. Li Ka̱cuaꞌ kꞌaxal cha̱bil. Incꞌaꞌ naxba̱nu li incꞌaꞌ us. Junelic ban naxba̱nu li us ut li ti̱quilal.

Génesis 45:5

Anakcuan mirahoꞌ chic saꞌ e̱chꞌo̱l ut mexcꞌoxlac chic chirix nak la̱ex xexcꞌayin chak cue. Li Ka̱cuaꞌ Dios xtaklan chak cue arin re nak la̱ex texcolekꞌ inban.

Colosenses 1:11

Nakatzꞌa̱ma chiru li Dios re nak cua̱nk xcacuil e̱chꞌo̱l xban xnimal xcuanquil li Dios. Chisahokꞌ saꞌ e̱chꞌo̱l ut checuyak xnumsinquil li cꞌaꞌak re ru nachal saꞌ e̱be̱n ut incꞌaꞌ ta̱chꞌina̱nk e̱chꞌo̱l.

Romanos 14:4

La̱at incꞌaꞌ naru nacatrakoc a̱tin saꞌ xbe̱n lix mo̱s la̱ cuas a̱cui̱tzꞌin. Aꞌ lix patrón ta̱yehok re ma us malaj incꞌaꞌ us li yo̱ chixba̱nunquil. Joꞌcan nak li nimajcual Dios aꞌan nataklan re li junju̱nk ut aꞌan nayehoc reheb ma us malaj incꞌaꞌ us li yo̱queb chixba̱nunquil. Ut li Dios ta̱tenkꞌa̱nk reheb chixba̱nunquil li us.

Hechos 4:11

Li Jesús aꞌan chanchan li cha̱bil pec tzꞌekta̱nanbil xbaneb laj cablanel. La̱ex xetzꞌekta̱na li Jesús. Chanchanex laj cablanel li queꞌtzꞌekta̱nan re li cha̱bil pec li quiqꞌueheꞌ chokꞌ xxuc li cab mokon.

San Lucas 20:17

Li Jesús quirileb ut quixye reheb: —¿Cꞌaꞌru naraj naxye aꞌin li tzꞌi̱banbil saꞌ li Santil Hu, li queꞌxye li profeta chicuix? Li pec li queꞌxtzꞌekta̱na laj cablanel, aꞌan li kꞌaxal lokꞌ li quiqꞌueheꞌ chokꞌ xxuc li cab. (Sal. 118:22)

San Marcos 12:10

¿Ma incꞌaꞌ xeril saꞌ li Santil Hu li naxye chi joꞌcaꞌin? Li pec li queꞌxtzꞌekta̱na laj cablanel, aꞌan li kꞌaxal lokꞌ li quiqꞌueman chokꞌ xxuc li cab.

San Mateo 21:42

Li Jesús quixpatzꞌ reheb: —¿Ma incꞌaꞌ xeril saꞌ li Santil Hu li naxye chi joꞌcaꞌin? Li pec li queꞌxtzꞌekta̱na laj cablanel, aꞌan li kꞌaxal lokꞌ, li quiqꞌueman chokꞌ xxuc li cab. Li Ka̱cuaꞌ, aꞌan quixqꞌue xlokꞌal li pec. Ut aꞌan xsachba chꞌo̱lej chokꞌ ke la̱o. (Sal. 118:22-23)

Zacarías 10:12

La̱in tinqꞌue xcacuilal xchꞌo̱leb lin tenamit. Ut saꞌ incꞌabaꞌ la̱in teꞌcua̱nk saꞌ xya̱lal. La̱in li Ka̱cuaꞌ ninyehoc re aꞌin.

Zacarías 3:9

La̱in xinqꞌue jun li pec chiru laj Josué. Li pec aꞌan cuan cuukub pere̱l ru. La̱in tintzꞌi̱ba jun li retalil chiru. Ut chiru jun cutan tincuisi lix ma̱queb li cuanqueb saꞌ ruchichꞌochꞌ.

Isaías 60:16

Eb lix ni̱nkal tenamit teꞌxqꞌue le̱ cha̱bil tzacae̱mk ut eb li rey teꞌxcꞌam chak lix biomaleb ut teꞌxqꞌue e̱re. Riqꞌuin aꞌin te̱qꞌue retal nak la̱in li Ka̱cuaꞌ xincoloc e̱re. La̱in lix Dios laj Jacob. Nim incuanquil. La̱in xintenkꞌan e̱re.

Isaías 41:10

Joꞌcan nak mexxucuac xban nak la̱in cua̱nkin e̱riqꞌuin. Mexcꞌoxlac. La̱in le̱ Dios. La̱in ninqꞌuehoc e̱metzꞌe̱u ut la̱in nintenkꞌan e̱re. La̱in tin-ilok e̱re chi junelic riqꞌuin xnimal incuanquil ut riqꞌuin inti̱quilal.

Isaías 29:24

Ut eb li incꞌaꞌ nequeꞌxtau xya̱lal teꞌxtau chic ru ut eb li junes cuechꞌi̱nc nequeꞌxba̱nu teꞌxcꞌul lix kꞌusbaleb.

Salmos 89:1

At Ka̱cuaꞌ, junelic tinbicha̱nk re xqꞌuebal a̱lokꞌal xban nak la̱at nim la̱ cuuxta̱n. Junelic tinye nak la̱at kꞌaxal cha̱bilat kiqꞌuin.

Salmos 44:7

La̱at ban catcoloc ke chiruheb li xicꞌ nequeꞌiloc ke ut cacꞌuteb xxuta̱n.

Salmos 28:8

Li Ka̱cuaꞌ naxqꞌue xcacuil xchꞌo̱l lix tenamit ut aꞌan ajcuiꞌ nacoloc cue la̱in, li sicꞌbil cuu xban.

Salmos 27:14

Chexyoꞌoni̱nk riqꞌuin li Ka̱cuaꞌ. Michꞌinan e̱chꞌo̱l. Cauhak ban e̱chꞌo̱l riqꞌuin. Caꞌaj cuiꞌ riqꞌuin aꞌan chexyoꞌoni̱nk.

Salmos 23:1

Li Ka̱cuaꞌ Dios, aꞌan li nacꞌacꞌalen cue; ma̱cꞌaꞌ ta̱paltok cue.

Salmos 18:1

At Ka̱cuaꞌ, kꞌaxal nacatinra. La̱at nacatqꞌuehoc incacuilal.

Nehemías 6:9

Chixjunil li cꞌaꞌru xeꞌxba̱nu ke, aꞌan yal re kaseꞌbesinquil. Eb aꞌan xeꞌxcꞌoxla nak ta̱chꞌina̱nk kachꞌo̱l ut takacanab xba̱nunquil li cꞌanjel ut incꞌaꞌ takachoy xyi̱banquil li tzꞌac. Joꞌcan nak quintijoc ut quinye: —At kaDios, chaqꞌue taxak xcacuilal kachꞌo̱l re takachoy li cꞌanjel.—

Deuteronomio 34:9

Ut laj Josué li ralal laj Nun quiqꞌueheꞌ xnaꞌleb xban nak laj Moisés quixqꞌue li rukꞌ saꞌ xbe̱n retalil nak aꞌan chic ta̱cꞌamok be chiruheb laj Israel. Joꞌcan nak eb laj Israel queꞌabin chiru ut queꞌxba̱nu joꞌ quiyeheꞌ re laj Moisés xban li Ka̱cuaꞌ Dios.

Éxodo 3:6

Ut li Dios quixye ajcuiꞌ: —La̱in lix Dios la̱ xeꞌto̱nil yucuaꞌ. La̱in lix Dios laj Abraham, laj Isaac ut laj Jacob, chan. Laj Moisés quixucuac chirilbal li Dios ut quixmuk li ru.

Génesis 50:21

Anakcuan mexxucuac chic la̱ex. La̱in chic tin-ilok e̱re ut tinqꞌue ajcuiꞌ li cꞌaꞌru ta̱paltok e̱re, joꞌ ajcuiꞌ reheb le̱ cocꞌal, chan laj José. Ut laj José quixcꞌojobeb xchꞌo̱l li ras nak quia̱tinac riqꞌuineb saꞌ usilal.

Génesis 47:12

Laj José quixqꞌue xtzacae̱mk lix yucuaꞌ joꞌ eb ajcuiꞌ li ras ut chixjunileb li rechꞌalal. Aꞌ yal chanru xqꞌuialeb lix cocꞌal, chixjunileb queꞌxcꞌul lix tzacae̱mk.

Génesis 45:11

Toj o̱b chihab chic ta̱cua̱nk li cueꞌej. Nak ac cuanquex chic arin, talajinqꞌue e̱tzacae̱mk. Ma̱ ani e̱re ta̱ca̱mk xban cueꞌej.” Chixjunil aꞌin te̱ye re lin yucuaꞌ.

Génesis 45:7

Li Ka̱cuaꞌ Dios quinixtakla chak arin chi cꞌamoc be che̱ru re nak texcolekꞌ. Chi joꞌcaꞌin ta̱cua̱nk nabaleb li kalal kacꞌajol. Li Ka̱cuaꞌ Dios quinixtakla arin re nak eb laj Israel incꞌaꞌ teꞌosokꞌ saꞌ ruchichꞌochꞌ.

Génesis 48:15

Ut laj Israel quirosobtesi laj José nak quixye re chi joꞌcaꞌin: —Li Ka̱cuaꞌ Dios li x-osobtesin chak reheb lin yucuaꞌ laj Abraham, joꞌ eb ajcuiꞌ laj Isaac, aꞌan ajcuiꞌ li Ka̱cuaꞌ Dios li yo̱ chi iloc chak cue chalen anakcuan;

Génesis 49:23

Eb li xicꞌ nequeꞌiloc a̱cue, tateꞌxcuti riqꞌuin lix tzimaj. Kꞌesnal cheꞌ tateꞌxcut cuiꞌ. Ut cꞌajoꞌ li raylal ta̱cꞌul saꞌ rukꞌ eb li xicꞌ nequeꞌiloc a̱cue.

Deuteronomio 33:27

Li Ka̱cuaꞌ li cuan chi junelic, aꞌan li nacoloc e̱re. Aꞌan natenkꞌan e̱re riqꞌuin lix cuanquil li incꞌaꞌ na-osoꞌ. Aꞌan li ta̱isi̱nk reheb li xicꞌ nequeꞌiloc e̱re saꞌ li naꞌajej li tixqꞌue e̱re. Aꞌan li quixye e̱re nak te̱sach ruheb.

2 Samuel 5:2

Chalen nak toj cua̱nk laj Saúl chokꞌ karey, la̱at catcꞌamoc be chiruheb li soldados aj Israel saꞌ eb li ple̱t. Ut li Ka̱cuaꞌ quixye nak la̱at tat-ilok reheb lix tenamit ut la̱atak lix reyeb, chanqueb.

Salmos 73:23

Usta la̱in incꞌaꞌ xintau ru, abanan junelic cuanquin a̱cuiqꞌuin ut la̱at xina̱tenkꞌa. Chanchan nak xina̱chap chiru lin nim ukꞌ re nak incꞌaꞌ tintꞌanekꞌ.

Salmos 132:1

At nimajcual Dios, chijulticokꞌ taxak a̱cue li rey David. Ut cua̱nk taxak saꞌ a̱chꞌo̱l chixjunil li raylal li quixcꞌul.

Isaías 49:26

La̱in tinqꞌueheb chixcamsinquil ribeb chi ribileb rib li queꞌrahobtesin a̱cue. Chanchan nak teꞌcala̱k xban li camsi̱nc xeꞌxba̱nu. Ut chixjunileb li tenamit teꞌxnau nak la̱in li Ka̱cuaꞌ, li nacoloc a̱cue. Teꞌxnau nak la̱in lix Dios laj Jacob ut cau cuib.—

Josué 17:18

La̱ex te̱re̱chani chixjunil li naꞌajej li tzu̱l ru ut te̱cꞌale. Ta̱cꞌanjelak che̱ru li qꞌuicheꞌ. Te̱risiheb laj cananeo saꞌ li naꞌajej aꞌan. Usta cuanqueb xcarruaje re pletic ut usta kꞌaxal cauheb rib, la̱ex tex-e̱chani̱nk re, chan.

Jueces 1:22

Eb li ralal xcꞌajol laj José queꞌco̱eb chi pletic riqꞌuineb li cuanqueb Bet-el. Ut li Ka̱cuaꞌ cuan riqꞌuineb.

2 Reyes 13:16

Li profeta Eliseo quixye re li rey nak tixqꞌue li rukꞌ saꞌ xbe̱n li tzimaj. Ut li rey quixqꞌue li rukꞌ saꞌ xbe̱n li tzimaj. Ut laj Eliseo quixqꞌue li rukꞌ saꞌ xbe̱n li rukꞌ li rey.