Génesis 49:11 - Li Santil hu

¹¹ La̱at, Judá, kꞌaxal cuiꞌchic ta̱nabalokꞌ la̱ biomal la̱at, joꞌ ajcuiꞌ reheb la̱ cualal a̱cꞌajol. Xban aꞌan naru te̱bacꞌ le̱ bu̱r saꞌ junak xto̱nal li quiꞌil kꞌe̱n uvas xcꞌabaꞌ. Te̱bacꞌ ajcuiꞌ li ral le̱ bu̱r saꞌ lix to̱nal li uvas li kꞌaxal cha̱bil. Xban nak numtajenak le̱ biomal, naru te̱puchꞌ le̱ tꞌicr saꞌ li vino ut naru te̱puchꞌ le̱ rakꞌ saꞌ xyaꞌal li uvas.

Q'eqchi Bible

¹¹ A'an li nab'ak'ok re li xch'ina b'uur chiru xtoonal li uub', ut chiru li xtoonal naxjit' li ral li xb'uur; naxpuch' sa' b'iin li raq' ut sa' xkik'el li uub' naxpuch' li xlanb'al rib'.

Génesis 49:11 ပူးပေါင်းရင်းမြစ်များ

Apocalipsis 7:14

Ut la̱in quinchakꞌoc ut quinye re: —Ka̱cuaꞌ, la̱at nacatnaꞌoc re.— Ut aꞌan quixye cue: —Aꞌaneb aꞌin li xeꞌcuyuc chak xnumsinquil li nimla raylal xeꞌxcꞌul. Aꞌaneb li cuybil sachbil lix ma̱queb xban nak quihoyeꞌ xquiqꞌuel li Jun li chanchan carner nak quicam saꞌ xcꞌabaꞌeb.

Joel 3:18

Saꞌ eb li cutan aꞌan cha̱bilak chic li chꞌochꞌ. Ta̱e̱lk chi nabal li ru li racui̱mkeb laj Judá. Lix qꞌuial lix vino ut lix leche chanchanak chic lix qꞌuial li haꞌ li na-el saꞌ eb li tzu̱l. Ut nabal li haꞌ ta̱cua̱nk saꞌ eb li rok haꞌ saꞌ li naꞌajej Judá. Saꞌ lin santil templo ta̱e̱lk chak li yuꞌam haꞌ re tixtꞌakresi chixjunil li ru takꞌa Sitim.

Apocalipsis 19:18

Quimkex ut tiuhomakeb lix tibeleb li rey li cuanqueb saꞌ ruchichꞌochꞌ joꞌ ajcuiꞌ lix tibeleb li nequeꞌtaklan saꞌ xbe̱neb li soldado. Tiuhomakeb xtibeleb li cauheb rib joꞌqueb ajcuiꞌ li cacua̱y ut eb li cui̱nk li nequeꞌxic chirixeb. Tiuhomakeb xtibeleb chixjunileb, joꞌ li lokꞌbil chi cꞌanjelac joꞌ ajcuiꞌ li incꞌaꞌ lokꞌbil, joꞌ li cuanqueb xcuanquil ut joꞌ ajcuiꞌ li ma̱cꞌaꞌeb xcuanquil.—

Miqueas 4:4

Ut talajeꞌcꞌojlak chi xju̱nkaleb rubel xto̱nal li uva ut rubel lix cheꞌel li higo ut ma̱ ani chic ta̱seꞌbesi̱nk reheb xban nak joꞌcan quixye li Ka̱cuaꞌ li nimajcual Dios.

1 Reyes 4:25

Nak cuan chokꞌ rey laj Salomón chixjunileb li cuanqueb saꞌ eb li naꞌajej Israel ut Judá saheb saꞌ xchꞌo̱l chalen saꞌ li tenamit Dan toj saꞌ li tenamit Beerseba. Li junju̱nk cabal cuan li racui̱mkeb uvas ut higos.

1 Reyes 4:20

Eb laj Israel ut eb laj Judá kꞌaxal nabaleb joꞌ xqꞌuial li cocꞌ ru li samaib chire li palau. Nequeꞌcuaꞌac ut nequeꞌucꞌac chi sa saꞌ xchꞌo̱leb.

2 Reyes 18:32

toj retal nak texincꞌam chi cua̱nc saꞌ junak chic naꞌajej kꞌaxal cha̱bil joꞌ le̱ naꞌaj. Aran na-el nabal li uvas ut na-el nabal li trigo. Cua̱nk e̱vino ut cua̱nk e̱caxlan cua. Cua̱nk nabal li olivos ut li aceite joꞌ ajcuiꞌ li xyaꞌal cab. Cui te̱ba̱nu li cꞌaꞌru ninye la̱in, sa chic texcua̱nk ut incꞌaꞌ texca̱mk. Me̱pa̱b li cꞌaꞌru naxye laj Ezequías xban nak yo̱ che̱balakꞌinquil nak naxye e̱re nak li Ka̱cuaꞌ ta̱colok e̱re.

Apocalipsis 14:20

Ut queꞌxyatzꞌ li ru li uvas saꞌ li yatzꞌleba̱l li cuan chirix li tenamit. Ut nabal li xyaꞌal. Chanchan nimaꞌ nak qui-el saꞌ li yatzꞌleb. Quicuulac toj saꞌ reheb li cacua̱y ut quibe̱c rok lix yaꞌal ut oxib ciento kilómetro rok quicuulac. (Lix yaꞌal li ru li uvas aꞌan retalil xquiqꞌueleb li cristian li teꞌcamsi̱k nak ta̱rakekꞌ a̱tin saꞌ xbe̱neb).

Génesis 49:12

La̱at, Judá, lix nakꞌ e̱ru chanchan rilbal xcakil li vino. Ut li ruch e̱re sak sak chanchan xsakil li leche. Aꞌin ninye a̱cue xban nak sa textzaca̱nk riqꞌuin li cꞌaꞌak re ru li ta̱e̱lk saꞌ le̱ chꞌochꞌ.

Deuteronomio 8:7

Li Ka̱cuaꞌ le̱ Dios yo̱ che̱cꞌambal saꞌ jun li cha̱bil naꞌajej. Aran cuan nabal li rok haꞌ, li yuꞌam haꞌ, ut li nimaꞌ, joꞌ eb ajcuiꞌ li haꞌ li nequeꞌel chak saꞌ eb li tzu̱l.

Deuteronomio 8:8

Saꞌ li chꞌochꞌ aꞌan na-el chi us li acui̱mk. Na-el li trigo, li cebada, li uvas, li higos ut li granadas. Ut na-el ajcuiꞌ li olivo. Ut cuan chi nabal li aceite ut li xyaꞌal cab.

Deuteronomio 32:14

Quixqꞌue le̱ cuacax re ta̱cua̱nk le̱ leche ut le̱ queso. Quixqꞌue le̱ cha̱bil carner ut chiba̱t li cuanqueb Basán re nak ta̱cua̱nk le̱ tib. Ut quixqꞌue ajcuiꞌ li cha̱bil trigo. Ut querucꞌ li xyaꞌal li uvas li chanchan quicꞌ xban xcakal.

Amós 9:13

Li Ka̱cuaꞌ naxye chi joꞌcaꞌin: —Ta̱cuulak xkꞌehil nak li acui̱mk tixqꞌue chi nabal li ru. Ma̱jiꞌak ajcuiꞌ nequeꞌrakeꞌ chi kꞌoloc nak teꞌoc cuiꞌchic chi a̱uc. Ut toj ma̱jiꞌak ajcuiꞌ nequeꞌrakeꞌ chixyatzꞌbal li ru li uvas nak teꞌoc cuiꞌchic chi a̱uc. Ut li uvas li cuanqueb yalak bar saꞌ eb li tzu̱l teꞌu̱chi̱nk chi us ut nabal li xyaꞌal ta̱e̱lk.

Apocalipsis 7:7

Cablaju mil (12,000) li quiqꞌueheꞌ retalileb saꞌ xpe̱quemeb saꞌ xya̱nkeb li ralal xcꞌajol laj Simeón: ut saꞌ xya̱nkeb li ralal xcꞌajol laj Leví, cablaju mil li quiqꞌueheꞌ retalileb saꞌ xpe̱quemeb. Ut saꞌ xya̱nkeb li ralal xcꞌajol laj Isacar, cablaju mil li quiqꞌueheꞌ retalileb saꞌ xpe̱quemeb.