Génesis 49:1 - Li Santil hu

¹ Ut laj Jacob quixbokeb li ralal ut quixye reheb: —Jilonkex chak che̱junilex. Chi joꞌcan la̱in tinchꞌolob che̱ru cꞌaꞌru ta̱cha̱lk saꞌ e̱be̱n chiruheb li chihab ta̱cha̱lk.

Q'eqchi Bible

¹ Laj Jakob kixb'oqeb' chaq li ralal ut kixye reheb': “Ch'utub'omaq eerib' ut tinye resil eere li k'aru teek'ul sa'eb' li kutan chaalel.

Génesis 49:1 ပူးပေါင်းရင်းမြစ်များ

Números 24:14

Anakcuan xic cue saꞌ lin tenamit. Abanan xbe̱n cua tinye a̱cue cꞌaꞌru teꞌxba̱nu e̱re eb laj Israel saꞌ eb li cutan chalen, chan laj Balaam.

Daniel 10:14

La̱in xinchal chixyebal a̱cue li cꞌaꞌru teꞌxcꞌul la̱ tenamit saꞌ eb li cutan li teꞌcha̱lk. Li visión aꞌin, aꞌan ta̱cꞌulma̱nk saꞌ eb li cutan li teꞌcha̱lk, chan cue.

Jeremías 23:20

Lix joskꞌil li Ka̱cuaꞌ incꞌaꞌ ta̱numekꞌ toj tixba̱nu li cꞌaꞌru quixcꞌoxla xba̱nunquil. Saꞌ eb li cutan ta̱cha̱lk te̱tau ru lix ya̱lal chi tzꞌakal.

Deuteronomio 4:30

Mokon chic nak ac xecꞌul chixjunil li raylal aꞌin, cui la̱ex texsukꞌi̱k riqꞌuin li Ka̱cuaꞌ le̱ Dios ut te̱ba̱nu li cꞌaꞌru naxye, aꞌan ta̱ruxta̱na e̱ru.

Apocalipsis 4:1

Ut chirix aꞌan quicuil jun chic li visión. Quicuil jun li oqueba̱l teto saꞌ choxa. Ut quicuabi cuiꞌchic li xya̱b li cux li quicuabi xbe̱n cua, chanchan xya̱b jun li trompeta nak yo̱ chi a̱tinac, ut quixye cue: —Taken chak arin ut tincꞌutbesi cha̱cuu li cꞌaꞌak re ru ta̱cꞌulma̱nk mokon, chan.

Isaías 2:2

Saꞌ rosoꞌjiqueb li cutan ta̱cuulak xkꞌehil nak ta̱cꞌulma̱nk chi joꞌcaꞌin: Li tzꞌakal rochoch li Ka̱cuaꞌ li cuan saꞌ li tzu̱l aꞌanak li kꞌaxal nim xcuanquil saꞌ xbe̱n chixjunileb ut aꞌan li ta̱jolomi̱nk reheb. Ut nabaleb li cua̱nkeb saꞌ ruchichꞌochꞌ teꞌcuulak aran.

Salmos 105:15

Quixye reheb: —Ma̱cꞌaꞌ te̱ba̱nu reheb laj Israel li sicꞌbileb ru inban. Chi moco te̱ba̱nu raylal reheb li nequeꞌcꞌanjelac chicuu chokꞌ profeta, chan.

Salmos 25:14

Li Ka̱cuaꞌ nacuan chi sum a̱tin riqꞌuineb li nequeꞌxxucua ru ut naxcꞌut chiruheb cꞌaꞌru lix ya̱lal li contrato li quixba̱nu riqꞌuineb.

Deuteronomio 31:12

Ta̱chꞌutub ruheb chixjunileb laj Israel, joꞌ cui̱nk, joꞌ ixk, joꞌ cocꞌal. Ut joꞌcan ajcuiꞌ li jalaneb xtenamit li cuanqueb saꞌ e̱ya̱nk. Ta̱chꞌutubeb chixjunileb re nak teꞌrabi ut teꞌxtzol rib chixba̱nunquil li naxye saꞌ li chakꞌrab aꞌin. Cheꞌxxucua ru li Ka̱cuaꞌ le̱ Dios ut teꞌxqꞌue xchꞌo̱l chixba̱nunquil li naxye li chakꞌrab.

Hebreos 1:2

Aban anakcuan ma̱cuaꞌeb chic li profeta nequeꞌyehoc re li ra̱tin li Dios. Aꞌ chic li Dios Cꞌajolbej. Saꞌ xcꞌabaꞌ aꞌan, li Dios quixyi̱b li ruchichꞌochꞌ ut chixjunil li cꞌaꞌak re ru cuan. Chixjunil li quixyi̱b quicana saꞌ rukꞌ li Dios Cꞌajolbej.

2 Timoteo 3:1

Nacuaj ajcuiꞌ nak ta̱nau nak kꞌaxal xiu xiu li cutan teꞌcha̱lk chiku nak ta̱nachꞌok chak rosoꞌjiqueb li cutan.

1 Timoteo 4:1

Li Santil Musikꞌej naxcꞌut lix ya̱lal chi tzꞌakal nak saꞌ eb li cutan cha̱lel cuan li teꞌxcanab xpa̱banquil li tijleb li tzꞌakal ya̱l. Ut teꞌbalakꞌi̱k xban li tijleb li incꞌaꞌ ya̱l li nequeꞌxqꞌue li ma̱us aj musikꞌej.

Hechos 2:17

Saꞌ eb li cutan li telajeꞌcha̱lk, chan li Dios, la̱in tinqꞌue lin musikꞌ chi cua̱nc riqꞌuineb chixjunileb li tenamit. Eb le̱ ralal e̱cꞌajol teꞌyehok ra̱tin profeta. Ut tincꞌut lix ya̱lal chiruheb li ti̱xil cui̱nk saꞌ xmatqꞌueb ut tincꞌuteb li visión chiruheb li sa̱j cui̱nk.

San Lucas 2:26

Li Santil Musikꞌej quixcꞌutbesi chiru laj Simeón nak aꞌan incꞌaꞌ ta̱ca̱mk toj ta̱ril ru li Cristo li Colonel li quixyechiꞌi li Ka̱cuaꞌ Dios.

Miqueas 4:1

Ut saꞌ rosoꞌjiqueb li cutan li tzu̱l cuan cuiꞌ lix Templo li Ka̱cuaꞌ ta̱nima̱k xlokꞌal ut aꞌanak chic li kꞌaxal nim xcuanquil saꞌ xya̱nkeb chixjunileb li tzu̱l ut aran talajeꞌxic nabal li tenamit.

Amós 3:7

Li Ka̱cuaꞌ incꞌaꞌ tixqꞌue chak li raylal saꞌ xbe̱neb li tenamit chi incꞌaꞌ ta tixye xbe̱n cua reheb lix profeta re nak teꞌxye resil.

Daniel 10:1

Yo̱ rox chihab roquic laj Ciro chokꞌ xreyeb laj Persia nak quicꞌutbesi̱c jun chic li visión chiru laj Daniel li nayeman Beltsasar re. Li cꞌaꞌru quicꞌutbesi̱c chiru, aꞌan tzꞌakal ya̱l ut kꞌaxal ra rabinquil. Abanan laj Daniel quiqꞌueheꞌ xnaꞌleb xban li Dios chixtaubal ru lix ya̱lal li quicꞌutbesi̱c chiru saꞌ li visión.

Daniel 2:47

Ut quixye re laj Daniel: —Relic chi ya̱l nak la̱ Dios, aꞌan li tzꞌakal Dios ut aꞌan li kꞌaxal nim xcuanquil saꞌ xbe̱neb chixjunileb li yi̱banbil dios. Aꞌan li Ka̱cuaꞌ ut aꞌan li nim xcuanquil saꞌ xbe̱neb chixjunileb li rey. Aꞌan li nacꞌutbesin xya̱lal li incꞌaꞌ natauman ru. Ninnau nak ya̱l aꞌan xban nak la̱at xaye cue cꞌaꞌru xya̱lal lin matcꞌ, chan li rey.

Isaías 53:1

¿Ani ta biꞌ xpa̱ban re li xkaye resil? Ut, ¿ani ta biꞌ chi aj u quixcꞌutbesi lix cuanquil li Dios?

Isaías 39:6

Ta̱cuulak xkꞌehil nak chixjunil li cuan saꞌ la̱ cuochoch ta̱cꞌamekꞌ aran Babilonia. Chixjunil li cꞌaꞌak re ru li queꞌxxoc eb la̱ xeꞌto̱nil yucuaꞌ toj chalen anakcuan ta̱cꞌamekꞌ. Ma̱cꞌaꞌ chic ta̱cana̱k.

Isaías 22:14

Ut li Ka̱cuaꞌ li nimajcual Dios quia̱tinac cuiqꞌuin ut quixye cue: —Li ma̱c aꞌin li xeba̱nu la̱ex aj Jerusalén incꞌaꞌ tincuy toj retal nak texca̱mk. La̱in li nimajcual Dios xinyehoc re aꞌin, chan.

Hebreos 13:1

Me̱canab xra̱bal e̱rib che̱ribil e̱rib xban nak junajex saꞌ le̱ pa̱ba̱l.

Isaías 48:14

Chꞌutubomak e̱rib ut abihomak li cꞌaꞌru tinye. ¿Ani junak e̱re ta̱yehok re cꞌaꞌru ta̱cꞌulma̱nk mokon? La̱in xinsicꞌ ru jun li cui̱nk. Aꞌan ta̱ba̱nu̱nk re li cꞌaꞌru xincꞌoxla xba̱nunquil reheb laj Babilonia ut reheb laj Caldea.