Génesis 48:5 - Li Santil hu

⁵ Ut li cuib la̱ cualal li queꞌyoꞌla arin Egipto nak ma̱jiꞌ nincꞌulun arin a̱cuiqꞌuin, tzꞌakal cualaleb ajcuiꞌ nak nequeꞌcuil. Joꞌcan nak laj Efraín ut laj Manasés teꞌcua̱nk chokꞌ cue joꞌ nak cuanqueb laj Simeón ut laj Rubén.

Q'eqchi Bible

⁵ Weheb' xkab'ichaleb' laawalal li xe'yo'laak aawik'in sa' li tenamit Ejiipt naq toj maji' ninchalk aawik'in arin: weheb' laj Efraín ut laj Manasés, kama'eb' ajwi' laj Rubén ut laj Simehón.

Génesis 48:5 ပူးပေါင်းရင်းမြစ်များ

Josué 14:4

Cuib te̱p li ralal xcꞌajol laj José. Aꞌaneb li ralal xcꞌajol laj Manasés ut eb li ralal xcꞌajol laj Efraín. Ut incꞌaꞌ queꞌqꞌueheꞌ xchꞌochꞌeb li ralal xcꞌajol laj Leví. Caꞌaj cuiꞌ quiqꞌueheꞌ xnaꞌajeb bar naru teꞌcua̱nk saꞌ eb li tenamit ut quiqꞌueheꞌ ajcuiꞌ xnaꞌajeb re teꞌxqꞌuiresi xqueto̱mkeb.

Génesis 46:20

Laj Manasés ut laj Efraín xcꞌabaꞌeb li cuib chi ralal laj José, li queꞌcuan riqꞌuin lix Asenat aran Egipto. Lix Asenat, aꞌan xrabin laj Potifera, li quicꞌamoc be chi tijoc chiruheb laj On.

2 Corintios 6:18

Ut la̱inak chic le̱ Yucuaꞌ ut la̱exak chic li cualal incꞌajol, chan li Ka̱cuaꞌ li kꞌaxal nim xcuanquil. (Isa. 52:11)

Josué 13:7

Li chꞌochꞌ aꞌin ta̱jeqꞌui reheb li bele̱b xte̱paleb laj Israel ut li yijach lix te̱pal li ralal xcꞌajol laj Manasés.—

Efesios 1:5

Xban nak nocoxra, joꞌcan nak quixsicꞌ chak ku re nak la̱ako chic li ralal xcꞌajol saꞌ xcꞌabaꞌ li Jesucristo. Quixba̱nu chi joꞌcan xban nak joꞌcan quiraj.

Malaquías 3:17

Li nimajcual Dios quixye: —Saꞌ li cutan nak tinchꞌutub ruheb lin tenamit, kꞌaxal lokꞌakeb chicuu. Joꞌ jun yucuaꞌbej naril xtokꞌoba̱l ru li ralal li nacꞌanjelac chiru, joꞌcan ajcuiꞌ nak tincuil xtokꞌoba̱l ruheb lin tenamit la̱in.

Ezequiel 16:8

Mokon chic la̱in quinnumeꞌ cuancat cuiꞌ ut quinqꞌue retal nak xat-ixkiloꞌ ut ac xcuulac xkꞌehil nak ta̱cua̱nk a̱be̱lom. Joꞌcan nak catintzꞌap riqꞌuin lin tꞌicr xban nak tꞌustꞌu̱cat. Quinba̱nu li contrato nak quinsumla a̱cuiqꞌuin ut la̱at chic cue.

Isaías 43:1

Anakcuan ut joꞌcaꞌin naxye e̱re li nimajcual Dios, li quiyoꞌobtesin e̱re la̱ex aj Israel, li ralal xcꞌajolex laj Jacob: —Mexxucuac xban nak La̱in xincoloc e̱re ut la̱in xinqꞌuehoc e̱cꞌabaꞌ. La̱ex cuehex chic.

Números 1:10

Ut saꞌ xya̱nkeb lix te̱paleb li ralal xcꞌajol laj José, aꞌan laj Elisama li ralal laj Amiud li najolomin reheb lix te̱paleb li ralal xcꞌajol laj Efraín; ut laj Gamaliel li ralal laj Pedasur, aꞌan li najolomin reheb lix te̱paleb li ralal xcꞌajol laj Manasés.

Levítico 20:26

Santakex xban nak santin la̱in li Ka̱cuaꞌ li nimajcual Dios. La̱in xinsicꞌoc e̱ru saꞌ xya̱nkeb chixjunileb li xni̱nkal ru tenamit re nak la̱exak li cualal incꞌajol.

Hebreos 11:21

Laj Jacob quixpa̱b nak tixcꞌul li quiyechiꞌi̱c re xban li Dios. Joꞌcan nak ac ca̱mc re, laj Jacob quirosobtesiheb li ralal laj José. Ut chirix aꞌan, laj Jacob quixxulub rib saꞌ xbe̱n lix xukꞌ ut quixlokꞌoni li Dios.

Génesis 48:1

Mokon chic coxeꞌxye re laj José: —Anakcuan xniman xyajel la̱ yucuaꞌ, chanqueb re. Ut laj José quixcꞌameb chirix xcabichaleb li ralal, laj Manasés ut laj Efraín. Ut queꞌco̱eb chirilbal laj Jacob.

Génesis 48:6

Ut eb li jun chꞌol chic la̱ cualal li teꞌyoꞌla̱k, aꞌaneb a̱cue. Saꞌ xcꞌabaꞌeb li cuib li raseb teꞌtzꞌako̱nk riqꞌuin li cꞌaꞌru teꞌre̱chani eb aꞌan.

Ezequiel 47:13

Li nimajcual Dios quixye: —Aꞌaneb aꞌin lix nuba̱l li chꞌochꞌ li ta̱jeqꞌui̱k reheb li cablaju xte̱paleb li ralal xcꞌajol laj Israel. Cuib jachal li chꞌochꞌ li teꞌxcꞌul eb li ralal xcꞌajol laj José.

Salmos 77:16

At Dios, nak la̱at caye nak tixjach rib li palau, qui-abin cha̱cuu. Usta kꞌaxal cham li palau, abanan qui-abin cha̱cuu ut quixjach rib.