Génesis 48:21 - Li Santil hu

²¹ Ut laj Israel quixye re laj José: —Anakcuan ca̱mc cue la̱in. Li Ka̱cuaꞌ Dios taxak chicua̱nk e̱riqꞌuin, ex cualal incꞌajol. Ut aꞌan taxak chisukꞌisi̱nk e̱re saꞌ lix tenamiteb li kaxeꞌto̱nil yucuaꞌ.

Q'eqchi Bible

²¹ Toja' naq laj Israel kixye re laj José: “Kamk we laa'in; ab'anan li Qaawa' wanq eerik'in ut texxsutq'isi sa' li xna'ajeb' leexe'toonil yuwa'.

Génesis 48:21 ပူးပေါင်းရင်းမြစ်များ

Génesis 50:24

Saꞌ jun li cutan, laj José quixye reheb li ras: —La̱in chi se̱b nincam. Li Ka̱cuaꞌ Dios ta̱ilok e̱re chi junelic. Ut aꞌan ta̱isi̱nk e̱re saꞌ li tenamit aꞌin ut texcꞌam cuiꞌchic saꞌ li tenamit Canaán. Aꞌan li chꞌochꞌ li yechiꞌinbil chak najter xban li Ka̱cuaꞌ Dios reheb laj Abraham, laj Isaac ut laj Jacob, chan.

Génesis 46:4

Anakcuan la̱in tin-ochbeni̱nk a̱cue toj saꞌ li tenamit Egipto. Relic chi ya̱l la̱in texinsukꞌisi cuiꞌchic arin saꞌ li naꞌajej Canaán. Ut laj José, aꞌan li ta̱tzꞌapok re la̱ cuu nak tatca̱mk, chan li Dios re laj Israel.

Génesis 28:15

La̱in junelic cua̱nkin a̱cuiqꞌuin. Yalak bar tatxic, la̱in tin-ilok a̱cue. Nak la̱at cua̱nkat chak saꞌ jalan chic naꞌajej, la̱in tatincꞌam cuiꞌchic chak saꞌ li chꞌochꞌ aꞌin. Incꞌaꞌ tatintzꞌekta̱na. Tinqꞌue a̱cue chixjunil li cꞌaꞌru xinyechiꞌi a̱cue, chan li Ka̱cuaꞌ Dios re laj Jacob.

Génesis 26:3

Tatcana̱k saꞌ li naꞌajej aꞌin li cuancat cuiꞌ anakcuan. La̱in tinberesi̱nk a̱cue ut tatcuosobtesi. Chixjunil li chꞌochꞌ aꞌin tinqꞌue a̱cue la̱at ut reheb ajcuiꞌ la̱ cualal a̱cꞌajol re nak ta̱tzꞌaklok ru li contrato li quinba̱nu chak najter riqꞌuin la̱ yucuaꞌ, chan li Dios.

Hebreos 7:3

Incꞌaꞌ nanauman ani lix yucuaꞌ laj Melquisedec chi moco lix naꞌ chi moco lix xeꞌto̱nil yucuaꞌ. Incꞌaꞌ nanauman chirix lix yoꞌlajic chi moco lix camic. Laj Melquisedec, aꞌan retalil li Jesucristo ut aꞌan laj tij chi junelic.

2 Pedro 1:14

Li Ka̱cuaꞌ Jesucristo quixcꞌutbesi chicuu nak chi se̱b ta̱cuulak xkꞌehil lin camic.

Hebreos 7:8

Eb laj tij aj Israel queꞌxcꞌul ajcuiꞌ li junju̱nk saꞌ xlaje̱tkil. Aꞌaneb yal cui̱nkeb ut queꞌcam. Abanan laj Melquisedec moco quicam ta. Joꞌcan tzꞌi̱banbil saꞌ li Santil Hu.

2 Timoteo 4:6

Ut la̱in, saꞌ xcꞌabaꞌ li Ka̱cuaꞌ ta̱osokꞌ lin yuꞌam joꞌ jun li mayej chiru. Yo̱ chi cuulac xkꞌehil nak tincamsi̱k.

Hechos 13:36

Relic chi ya̱l laj David nak toj yoꞌyo̱k quicꞌanjelac chiru lix tenamit joꞌ quiraj li Dios. Quicam ut quimukeꞌ chixcꞌatk lix xeꞌto̱nil yucuaꞌ ut quikꞌa lix tibel.

San Lucas 2:29

—At Ka̱cuaꞌ, anakcuan xaba̱nu joꞌ xayechiꞌi cue. Anakcuan naru tinca̱mk chi cꞌojcꞌo inchꞌo̱l,

Salmos 18:46

Yoꞌyo li Ka̱cuaꞌ. Lokꞌoninbil taxak ru li Ka̱cuaꞌ. Aꞌan chanchan jun nimla sako̱nac bar nincol cuiꞌ cuib. Chinima̱k taxak xlokꞌal li Ka̱cuaꞌ laj Colol cue.

Josué 23:14

La̱in cuulac re xkꞌehil lin camic. La̱in nacuaj nak te̱qꞌue retal chi anchal e̱chꞌo̱l ut chi anchal e̱ra̱m nak chixjunil li cha̱bil li quixyechiꞌi e̱re li Ka̱cuaꞌ, xqꞌue e̱re. Ut ma̱ jun li cꞌaꞌru quixyechiꞌi e̱re incꞌaꞌ ta xqꞌue.

Josué 3:7

Li Ka̱cuaꞌ Dios quixye re laj Josué: —Chalen anakcuan tinqꞌue a̱cuanquil re nak eb laj Israel teꞌxqꞌue a̱lokꞌal ut teꞌxnau nak la̱in cuanquin a̱cuiqꞌuin joꞌ nak quincuan riqꞌuin laj Moisés.

Josué 1:9

La̱in li yo̱quin chi takla̱nc a̱cue. Yal a̱kꞌe ut cacuubresi a̱chꞌo̱l. Matxucuac chi moco ta̱chꞌina̱nk a̱chꞌo̱l xban nak la̱in li Ka̱cuaꞌ la̱ Dios cua̱nkin a̱cuiqꞌuin yalak bar tatxic, chan li Dios.

Josué 1:5

Ma̱ ani ta̱ru̱k ta̱numta̱k saꞌ a̱be̱n joꞌ najtil yoꞌyo̱kat xban nak la̱in cua̱nkin a̱cuiqꞌuin cha̱tenkꞌanquil joꞌ nak quintenkꞌa laj Moisés. Incꞌaꞌ tatincanab a̱junes. Cua̱nkin ban a̱cuiqꞌuin junelic.

Deuteronomio 31:8

Li Ka̱cuaꞌ ta̱cua̱nk a̱cuiqꞌuin. Aꞌan ta̱cꞌamok be cha̱cuu. Incꞌaꞌ tatxcanab a̱junes chi moco tatxtzꞌekta̱na. Joꞌcan nak matxucuac chi moco ta̱chꞌina̱nk a̱chꞌo̱l, chan laj Moisés.

Génesis 37:1

Laj Jacob quicuan aran Canaán saꞌ li naꞌajej li quicuan cuiꞌ lix yucuaꞌ.

Génesis 15:14

Li Dios quixye: —La̱in tinrakok a̱tin saꞌ xbe̱neb li yo̱keb chi rahobtesi̱nc re la̱ cualal a̱cꞌajol. Mokon chic nak la̱ cualal a̱cꞌajol teꞌe̱lk chak aran, teꞌxcꞌam chak lix biomaleb chirixeb.

Génesis 12:5

Laj Abram quixcꞌam chirix lix Sarai li rixakil. Ut quixcꞌam ajcuiꞌ chirix laj Lot, li ralal li ri̱tzꞌin. Ut quixcꞌam ajcuiꞌ chixjunil li cꞌaꞌru cuan re li queꞌtam nak queꞌcuan saꞌ li tenamit Harán. Quixcꞌameb ajcuiꞌ lix mo̱s chirix. Ut queꞌoc chi xic saꞌ li tenamit Canaán ut yal jun nak coxeꞌxtau.

Deuteronomio 30:3

Nak texsukꞌi̱k riqꞌuin li Ka̱cuaꞌ le̱ Dios texrosobtesi cuiꞌchic ut ta̱ril xtokꞌoba̱l e̱ru. Ut texrisi saꞌ eb li jalan tenamit li quixjeqꞌui cuiꞌ e̱ru.

Génesis 15:16

Li xca̱ xte̱pal la̱ cualal a̱cꞌajol teꞌsukꞌi̱k chak saꞌ li naꞌajej aꞌin. Abanan toj ta̱numta̱k li ma̱usilal teꞌxba̱nu laj amorreo, tojoꞌnak tinmakꞌ li naꞌajej aꞌin chiruheb, chan li Dios re laj Abram.

Génesis 47:29

Nak yo̱ chi cuulac xkꞌehil lix camic, laj Israel quixbok laj José riqꞌuin ut quixye re: —Anakcuan la̱in tincuaj ta̱ba̱nu junak usilal cue. Qꞌue la̱ cuukꞌ rubel cuaꞌ joꞌ cꞌaynakeb chixba̱nunquil li katenamit nak nequeꞌxba̱nu li juramento. Tintzꞌa̱ma cha̱cuu nak incꞌaꞌ tina̱muk arin Egipto.

Génesis 50:6

Nak laj faraón quirabi resil nak ta̱raj xic laj José, quixye: —Us. Ayu. Muk chak la̱ yucuaꞌ joꞌ xtzꞌa̱ma cha̱cuu, chan laj faraón.