Génesis 48:17 - Li Santil hu

¹⁷ Ut laj José quiril nak lix yucuaꞌ quixqꞌue lix nim ukꞌ saꞌ xjolom laj Efraín li i̱tzꞌinbej. Incꞌaꞌ quicuulac chiru. Laj José ticto quixjal li rukꞌ lix yucuaꞌ ut quixqꞌue lix nim ukꞌ saꞌ xbe̱n xjolom laj Manasés.

Q'eqchi Bible

¹⁷ Ab'an naq laj José kiril li xnim uq' li xyuwa' wank sa' xb'een xjolom laj Efraín, ink'a' kiwulak chiru ut kixchap li ruq' li xyuwa' re risinkil sa' xb'een xjolom laj Efraín, re chik xk'eeb'al sa' xb'een xjolom laj Manasés.

Génesis 48:17 ပူးပေါင်းရင်းမြစ်များ

Génesis 48:14

Ut laj Israel quixjalpaki li rukꞌ re nak lix nim ukꞌ tixqꞌue saꞌ xjolom laj Efraín li i̱tzꞌinbej, ut lix tzꞌe ukꞌ tixqꞌue saꞌ xjolom laj Manasés li asbej.

Romanos 9:11

Toj ma̱jiꞌ nequeꞌyoꞌla lix cocꞌal lix Rebeca nak quisiqꞌueꞌ ru li jun xban li Dios. Moco riqꞌuin ta lix yehom xba̱nuhom nak quisiqꞌueꞌ ru xban nak ma̱jiꞌ nequeꞌxba̱nu li us chi moco li incꞌaꞌ us. Riqꞌuin aꞌan nakanau nak li Dios incꞌaꞌ naxsicꞌ ru junak riqꞌuin lix yehom xba̱nuhom. Naxsicꞌ ban ru joꞌ naraj aꞌan.

Proverbios 24:18

xban nak li Ka̱cuaꞌ incꞌaꞌ nacuulac chiru nak te̱ba̱nu chi joꞌcan. Ma̱re anchal tixjal lix cꞌaꞌux li Dios ut ta̱risi li raylal saꞌ xbe̱neb.

1 Crónicas 21:7

Ut incꞌaꞌ ajcuiꞌ quicuulac chiru li Dios nak laj David quixtakla rajlanquileb laj Israel. Joꞌcan nak quixtakla raylal saꞌ xbe̱neb.

1 Reyes 16:25

Laj Omri quixba̱nu li ma̱usilal chiru li Ka̱cuaꞌ. Kꞌaxal cuiꞌchic yibru quixba̱nu chiru li queꞌxba̱nu eb li rey li quilajeꞌcuan.

1 Samuel 16:7

Ut li Dios quixye re: —Ma̱cuaꞌ li riloba̱l ta̱qꞌue retal, chi moco lix najtil rok. Aꞌan ma̱cuaꞌ li sicꞌbil ru inban. La̱in ma̱cuaꞌ riqꞌuin li riloba̱l ninsicꞌ ruheb joꞌ nequeꞌxba̱nu li cui̱nk. Li cui̱nk naril chanru na-iloc junak. Abanan la̱in nacuil chanru lix naꞌleb, chan li Dios.

Números 22:34

Laj Balaam quixye re lix ángel li Ka̱cuaꞌ: —La̱in xinma̱cob. La̱in incꞌaꞌ xinnau nak xakxo̱cat arin chixrambal inbe. Cui incꞌaꞌ nacacuaj nak tinxic, la̱in tinsukꞌi̱k saꞌ cuochoch, chan.

Números 11:1

Saꞌ jun li cutan eb laj Israel queꞌoc chixcuechꞌinquil rix li Ka̱cuaꞌ xban li chꞌaꞌajquilal li cuanqueb cuiꞌ. Li Ka̱cuaꞌ quirabi li cꞌaꞌru yo̱queb chixyebal. Cꞌajoꞌ nak quijoskꞌoꞌ saꞌ xbe̱neb. Quixtakla chak li xam ut eb li muheba̱leb li cuanqueb toj chire queꞌcꞌat.

Génesis 38:10

Xban nak incꞌaꞌ quicuulac chiru li Dios li cꞌaꞌru quixba̱nu laj Onán, li Dios quixrak ajcuiꞌ lix yuꞌam aꞌan.

Génesis 28:8

Xban nak laj Jacob quiyeheꞌ re nak incꞌaꞌ ta̱sumla̱k riqꞌuineb li ixk aj Canaán, laj Esaú quixtau ru nak lix yucuaꞌ incꞌaꞌ nacuulac chiru lix naꞌlebeb li ixk aj Canaán.

Génesis 48:18

Laj José quixye re lix yucuaꞌ: —Incꞌaꞌ, at inyucuaꞌ, ma̱ba̱nu chi joꞌcan xban nak laj Manasés, aꞌan li asbej. Qꞌue ban la̱ nim ukꞌ saꞌ xbe̱n xjolom aꞌan, chan laj José.

Josué 17:1

Ut queꞌbu̱lic chirix li naꞌajej li tixcꞌul laj Manasés li xbe̱n ralal laj José. Laj Maquir, aꞌan li xbe̱n ralal laj Manasés. Laj Maquir, aꞌan lix yucuaꞌ laj Galaad. Eb li ralal xcꞌajol laj Maquir cauheb rib chi pletic. Joꞌcan nak queꞌre̱chani li naꞌajej Galaad ut Basán.