Génesis 48:15 - Li Santil hu

¹⁵ Ut laj Israel quirosobtesi laj José nak quixye re chi joꞌcaꞌin: —Li Ka̱cuaꞌ Dios li x-osobtesin chak reheb lin yucuaꞌ laj Abraham, joꞌ eb ajcuiꞌ laj Isaac, aꞌan ajcuiꞌ li Ka̱cuaꞌ Dios li yo̱ chi iloc chak cue chalen anakcuan;

Q'eqchi Bible

¹⁵ Toja' naq kirosob'tesi laj José chi jo'ka'in: “Li Yos li xe'wank wi' chi sum'aatin eb' linyuwa' laj Abrahán ut laj Isahak, li Yos li xb'eresink we chalen chaq sa' linyo'lajik toj anaqwan,

Génesis 48:15 ပူးပေါင်းရင်းမြစ်များ

Génesis 17:1

Nak ac bele̱laju roꞌcꞌa̱l (99) chihab cuan re laj Abram, li Ka̱cuaꞌ Dios quixcꞌutbesi rib chiru ut quixye re: —La̱in li Ka̱cuaꞌ Dios li kꞌaxal nim incuanquil. Chatcua̱nk saꞌ xya̱lal chicuu ut ti̱cak a̱chꞌo̱l.

Colosenses 2:6

La̱ex xepa̱b li Cristo ut aꞌan chic yal re saꞌ e̱be̱n. Joꞌcan nak junajakex taxak riqꞌuin li Cristo, ut texcua̱nk joꞌ naraj aꞌan.

Hebreos 11:21

Laj Jacob quixpa̱b nak tixcꞌul li quiyechiꞌi̱c re xban li Dios. Joꞌcan nak ac ca̱mc re, laj Jacob quirosobtesiheb li ralal laj José. Ut chirix aꞌan, laj Jacob quixxulub rib saꞌ xbe̱n lix xukꞌ ut quixlokꞌoni li Dios.

2 Corintios 1:12

Kꞌaxal nasahoꞌ kachꞌo̱l xban nak nakanau nak saꞌ ti̱quilal nococuan saꞌ ruchichꞌochꞌ. Ut chi anchal kachꞌo̱l xocuan saꞌ ti̱quilal nak xocuan e̱riqꞌuin la̱ex. Moco xban ta nak cuan kanaꞌleb kajunes la̱o nak cuanco saꞌ ti̱quilal. Li Dios ban natenkꞌan ke riqꞌuin lix nimal ruxta̱n.

1 Corintios 10:31

La̱in tinye e̱re lix ya̱lal. Chixjunil li cꞌaꞌru te̱tzaca ut chixjunil li cꞌaꞌru te̱ba̱nu, cheba̱nuhak re xqꞌuebal xlokꞌal li Ka̱cuaꞌ Dios.

San Lucas 1:6

Laj Zacarías ut li rixakil, aꞌan ti̱queb xchꞌo̱l chiru li Dios. Junelic nequeꞌxqꞌue xchꞌo̱leb chixba̱nunquil chi tzꞌakal lix chakꞌrabinquileb ut lix taklanquileb xban li Ka̱cuaꞌ Dios.

Jeremías 8:2

Nequeꞌtꞌanaxin teꞌcana̱k saꞌ chꞌochꞌ chiru li sakꞌe ut li po joꞌ ajcuiꞌ chiru li chahim li queꞌxra ut queꞌxlokꞌoniheb. Teꞌcanaba̱k lix bakeleb chiruheb li queꞌxsicꞌ cuiꞌ xnaꞌlebeb. Ut ma̱ ani ta̱xocok reheb, chi moco teꞌmukekꞌ. Chanchanakeb chic li cꞌot tzꞌektzꞌo saꞌ chꞌochꞌ.

Isaías 33:16

Li ani naxba̱nu li us, aꞌan ta̱colekꞌ. Ma̱cꞌaꞌ tixcꞌul. Chanchan nak cuan saꞌ jun naꞌajej najt xteram li nequeꞌxcol cuiꞌ ribeb li tenamit. Ut junelic ta̱cua̱nk xcua rucꞌa.

Isaías 30:21

Cui la̱ex te̱raj xba̱nunquil li incꞌaꞌ us, te̱rabi nak li Ka̱cuaꞌ ta̱a̱tinak chak che̱rix ut tixye e̱re: —Me̱ba̱nu li incꞌaꞌ us. Ba̱nuhomak ban li ti̱quilal, chaꞌak e̱re.

Eclesiastés 6:7

Li cui̱nk naxcamsi rib chi cꞌanjelac yal re tixtzaca. Abanan incꞌaꞌ nacꞌojla xchꞌo̱l riqꞌuin chixjunil li naxsicꞌ.

Eclesiastés 5:18

Riqꞌuin chixjunil aꞌin la̱in xinqꞌue retal nak li cꞌaꞌru us tixba̱nu li cui̱nk, aꞌan cuaꞌac ut ucꞌac ut xyalbal xsahil li quixcꞌanjela ru nak cuan arin saꞌ ruchichꞌochꞌ. Lix yuꞌam quiqꞌueheꞌ re xban li Dios. Tento ta̱cꞌanjelak xban nak ac tenebanbil saꞌ xbe̱n.

Eclesiastés 5:12

Li ani nacꞌanjelac, sa nacuar, usta natzacan chi us usta incꞌaꞌ. Abanan li biom incꞌaꞌ nacuar chixcꞌoxlanquil li cꞌaꞌru cuan re.

Salmos 37:3

Cauhak taxak e̱chꞌo̱l riqꞌuin li Ka̱cuaꞌ ut cheba̱nuhak li us. Chexcua̱nk saꞌ ti̱quilal saꞌ li naꞌajej cuanquex cuiꞌ.

Salmos 23:1

Li Ka̱cuaꞌ Dios, aꞌan li nacꞌacꞌalen cue; ma̱cꞌaꞌ ta̱paltok cue.

Salmos 16:8

La̱in junelic nincꞌoxla li Dios ut aꞌan cuan cuiqꞌuin. Ma̱cꞌaꞌ cꞌaꞌru ta̱isi̱nk cue riqꞌuin li Dios.

1 Reyes 3:6

Laj Salomón quixye re: —Junelic cacuuxta̱na ru laj David lin yucuaꞌ, laj cꞌanjel cha̱cuu xban nak junelic quixqꞌue xchꞌo̱l chi cua̱nc saꞌ xya̱lal cha̱cuu. Aꞌan ti̱c xchꞌo̱l ut quixba̱nu li us. Joꞌcan nak catenkꞌa ut caqꞌue li ralal chokꞌ rey chokꞌ re̱kaj aꞌan.

Deuteronomio 33:1

Laj Moisés, li sicꞌbil ru xban li Dios, quixtzꞌa̱ma li rosobtesinquileb laj Israel chiru li Dios nak toj ma̱jiꞌ nacam.

Génesis 49:28

Aꞌaneb aꞌin li cablaju xte̱paleb li ralal xcꞌajol laj Israel. Tzꞌi̱banbil arin li cꞌaꞌru queꞌyeheꞌ reheb xban lix yucuaꞌeb nak quixtzꞌa̱ma chiru li Ka̱cuaꞌ Dios li rosobtesinquil li junju̱nk. Jalan jala̱nk li rosobtesinquileb.

Génesis 49:24

Ut ta̱cuy chak xcolbal a̱cuib saꞌ rukꞌ eb aꞌan. Li Ka̱cuaꞌ Dios xqꞌuehoc xcacuilal a̱cuok a̱cuukꞌ. Bantiox re li Ka̱cuaꞌ Dios li naqꞌuehoc re lin metzꞌe̱u. Bantiox re li Ka̱cuaꞌ Dios li na-iloc ke joꞌ naxba̱nu junak laj ilol queto̱mk. Li Ka̱cuaꞌ Dios, aꞌan joꞌ jun sako̱nac ut ma̱ ani naru natꞌanoc re. Ut aꞌan naxqꞌue li kacuanquilal.

Génesis 48:16

Ut aꞌ taxak lix ángel li Dios li na-iloc cue junelic, aꞌan taxak chi-osobtesi̱nk reheb li al aꞌin. Ut cheꞌta̱mk taxak eb li ralal xcꞌajol saꞌ incꞌabaꞌ la̱in joꞌ ajcuiꞌ saꞌ xcꞌabaꞌeb lin xeꞌto̱nil yucuaꞌ laj Abraham ut laj Isaac. Ut chi joꞌcan ta̱nima̱nk ru jun nimla tenamit saꞌ ruchichꞌochꞌ xbaneb, chan.

Génesis 28:22

Li pec aꞌin xinxakab anakcuan chokꞌ retalil nak li naꞌajej aꞌin, aꞌan re xlokꞌoninquil li Ka̱cuaꞌ Dios, chan. Ut laj Jacob quixye re li Dios, —La̱in tinmayeja cha̱cuu li junju̱nk saꞌ xlaje̱tkil re chixjunil li cꞌaꞌru ta̱qꞌue cue, chan.

Génesis 28:20

Ut laj Jacob quixye: —Cui li Ka̱cuaꞌ Dios ta̱beresi̱nk cue ut ta̱ilok cue, ut cui aꞌan tixqꞌue cue lin tzacae̱mk joꞌ ajcuiꞌ li cuakꞌ, la̱in tinlokꞌoni aꞌan.

Génesis 28:3

Li Ka̱cuaꞌ Dios, li kꞌaxal nim xcuanquil, aꞌan taxak ta̱osobtesi̱nk a̱cue ut tixqꞌue chi qꞌuia̱nc la̱ cualal a̱cꞌajol. Riqꞌuineb aꞌan teꞌcua̱nk li ni̱nki tenamit.

Génesis 27:4

Ut ta̱yi̱b caꞌchꞌinak lin tzacae̱mk li nacuulac chicuu. Nak ac xincuaꞌac, la̱in tatcuosobtesi nak toj yoꞌyo̱quin, chan laj Isaac re laj Esaú.

Génesis 24:20

Quixcukꞌ li haꞌ saꞌ li nequeꞌucꞌac cuiꞌ li camello ut co̱ cuiꞌchic xcꞌambal chak rucꞌaheb chixjunileb li camellos.

Génesis 6:9

Laj Noé aꞌan jun cui̱nk ti̱c xchꞌo̱l. Tzꞌakal re ru lix yuꞌam nak cuan saꞌ xya̱nkeb li ras ri̱tzꞌin ut ti̱c lix yuꞌam chiru li Dios. Aꞌan aꞌin retalil li ralal xcꞌajol laj Noé.

1 Ts 2:12

Xkaqꞌue xcacuilal e̱chꞌo̱l ut xkatzꞌa̱ma ajcuiꞌ che̱ru nak texcua̱nk saꞌ xya̱lal joꞌ xcꞌulubeb li ralal xcꞌajol li Dios li quisicꞌoc e̱ru re nak textzꞌako̱nk ajcuiꞌ la̱ex riqꞌuin lix nimajcual cuanquilal ut lix lokꞌal.

Éxodo 3:16

Li Dios quixye cuiꞌchic re laj Moisés: —Ayu ut ta̱chꞌutubeb li cui̱nk li nequeꞌcꞌamoc be saꞌ xya̱nkeb laj Israel. Ut ta̱ye reheb, “Li nimajcual Dios li queꞌxlokꞌoni laj Abraham, laj Isaac ut laj Jacob, aꞌan xcꞌutbesi rib chicuu. Joꞌcaꞌin quixye cue: Xexcuil ut ninnau chixjunil li cꞌaꞌru yo̱quex chixcꞌulbal arin Egipto.

Éxodo 4:5

Ut li Dios quixye re: —Ba̱nu chi joꞌcan chiruheb laj Israel re nak eb aꞌan teꞌxpa̱b nak la̱in lix Dios lix xeꞌto̱nil yucuaꞌeb laj Abraham, laj Isaac ut laj Jacob. La̱in xincꞌutbesi cuib cha̱cuu.—

1 Crónicas 5:1

Aꞌaneb aꞌin li ralal xcꞌajol laj Rubén, li xbe̱n ralal laj Israel: Xban nak laj Rubén quixchꞌic rib riqꞌuin li ixk li quicuan riqꞌuin lix yucuaꞌ, nak incꞌaꞌ quiqꞌueheꞌ re li tento raj tixcꞌul joꞌ xbe̱n alalbej, aꞌ chic li ralal laj José quicꞌuluc re li tento raj tixcꞌul laj Rubén. Incꞌaꞌ chic quiqꞌueheꞌ xcuanquil joꞌ xbe̱n alalbej.

Génesis 24:40

Ut aꞌan quixye cue, “Matcꞌoxlac. Li Ka̱cuaꞌ Dios li na-iloc cue, aꞌan tixtakla chak junak lix ángel cha̱cuochbeninquil. Li ángel aꞌan tatxtenkꞌa re nak us tat-e̱lk saꞌ la̱ viaje nak tatxic aran. Ta̱sicꞌ junak rixakil li cualal saꞌ xya̱nkeb lin comon,” chan cue.

Génesis 27:27

Laj Jacob quijiloc chixcꞌatk ut quirutzꞌ ru lix yucuaꞌ. Laj Isaac quirutzꞌ xbo̱c li rakꞌ. Ut quirosobtesi laj Jacob ut quixye: —Lix bo̱c li rakꞌ li cualal, aꞌan joꞌ xbo̱c li qꞌuicheꞌ li quirosobtesi chak li Ka̱cuaꞌ Dios.

Génesis 35:3

Ut yoꞌkeb saꞌ junpa̱t saꞌ li naꞌajej Bet-el. Aran tinyi̱b jun li artal re xlokꞌoninquil li tzꞌakal Dios, li Dios li quitenkꞌan chak cue nak cuanquin saꞌ raylal. Aꞌan qui-ochbenin chak cue nak quilajinnumeꞌ chak yalak bar, chan.

Génesis 49:22

Ut la̱at, José, tatinjuntakꞌe̱ta riqꞌuin jun to̱n li cheꞌ li nacuan chire li haꞌ. Ut li rukꞌ nequelajeꞌxchapi rib saꞌ xbe̱n li tzꞌac li cuan chire li haꞌ. Ut aꞌan cꞌajoꞌ nak nau̱chin.