Génesis 48:14 - Li Santil hu

¹⁴ Ut laj Israel quixjalpaki li rukꞌ re nak lix nim ukꞌ tixqꞌue saꞌ xjolom laj Efraín li i̱tzꞌinbej, ut lix tzꞌe ukꞌ tixqꞌue saꞌ xjolom laj Manasés li asbej.

Q'eqchi Bible

¹⁴ Laj Israel kixye' li xnim uq' ut kixk'e sa' xb'een xjolom laj Efraín, us ta a'an li iitz'inb'ej, ut kixtaqsi li xtz'e sa' xb'een xjolom laj Manasés: naraj naxye naq kixjalpaq'i li ruq' xb'aan naq laj Manasés a'an li xb'een alalb'ej.

Génesis 48:14 ပူးပေါင်းရင်းမြစ်များ

Génesis 41:51

Laj José quixqꞌue aj Manasés chok xcꞌabaꞌ li xbe̱n ralal. Ut quixye: —Li Dios xsachoc re saꞌ inchꞌo̱l chixjunil li raylal joꞌ ajcuiꞌ chixjunileb li cuanqueb saꞌ rochoch lin yucuaꞌ, chan.

1 Timoteo 5:22

Ma̱qꞌue junak chi cꞌamoc be saꞌ junpa̱t saꞌ xya̱nkeb laj pa̱banel. Xbe̱n cua ta̱cuil chanru lix yuꞌam xban nak cui la̱at ta̱xakab chi cꞌanjelac chi junpa̱t ut na-oc chi ma̱cobc, cuan ajcuiꞌ ma̱c saꞌ a̱be̱n la̱at. Chatcua̱nk ban chi ti̱c la̱ chꞌo̱l.

1 Timoteo 4:14

Chaqꞌue taxak a̱chꞌo̱l chi cꞌanjelac joꞌ quiqꞌueheꞌ a̱cue xban li Dios. Li cꞌanjel aꞌin qꞌuebil a̱cue nak eb li profeta queꞌa̱tinac cha̱cuix ut nak eb laj cꞌamol be saꞌ xya̱nkeb laj pa̱banel queꞌxqꞌue li rukꞌeb saꞌ a̱be̱n.

Hechos 13:3

Queꞌxba̱nu lix ayu̱n ut queꞌtijoc nak queꞌxqꞌue li rukꞌeb saꞌ xbe̱neb laj Saulo ut laj Bernabé. Tojoꞌnak queꞌxchakꞌrabiheb.

Hechos 6:6

Aꞌaneb aꞌin li queꞌxakaba̱c chi cꞌanjelac. Ut eb li apóstol queꞌxqꞌue li rukꞌ saꞌ xbe̱neb ut queꞌtijoc.

San Lucas 13:13

Ut quixqꞌue li rukꞌ saꞌ xbe̱n li ixk. Ut saꞌ ajcuiꞌ li ho̱nal aꞌan li ixk quixakli chi ti̱c ut qui-oc chixlokꞌoninquil li Dios.

San Lucas 4:40

Nak ac yo̱ chi ecuu̱c, chixjunileb li cuanqueb xyaj, aꞌ yal cꞌaꞌru xyajeleb, quilajeꞌxcꞌam chak riqꞌuin li Jesús. Ut aꞌan quixqꞌue li rukꞌ saꞌ xbe̱neb ut quixqꞌuirtesiheb.

San Mateo 19:15

Ut li Jesús quixqꞌue li rukꞌ saꞌ xbe̱neb ut quitijoc. Ut chirix aꞌan qui-el saꞌ li naꞌajej aꞌan.

San Mateo 19:13

Ut chirix chic aꞌan cuanqueb cocꞌal queꞌcꞌameꞌ chak riqꞌuin li Jesús re nak tixqꞌue li rukꞌ saꞌ xbe̱neb ut ta̱tijok. Ut eb lix tzolom queꞌxkꞌus li queꞌcꞌamoc chak reheb li cocꞌal.

San Mateo 16:18

Ut la̱in ninye a̱cue nak la̱at laj Pedro. Ut saꞌ xbe̱n li sako̱nac aꞌin la̱in tincabla lin iglesia ut laj tza ma̱cꞌaꞌak xcuanquil saꞌ xbe̱n.

San Mateo 6:5

Ut nak textijok moco joꞌcakex ta eb laj caꞌ pacꞌal u. Eb aꞌan nequeꞌxxakab chak ribeb chi tijoc saꞌ eb li cab li nequeꞌxchꞌutub cuiꞌ ribeb laj judío ut nequeꞌxxakab rib chi tijoc saꞌ xa̱la be yal re nak teꞌilekꞌ. Relic chi ya̱l tinye e̱re nak eb aꞌan ac xeꞌxcꞌul lix kꞌajca̱munquileb nak queꞌqꞌueheꞌ xlokꞌal xbaneb li cui̱nk.

Salmos 118:16

Kꞌaxal nim xcuanquil li Ka̱cuaꞌ ut kꞌaxal lokꞌ. Aꞌan xqꞌuehoc kacacuil chi numta̱c saꞌ xbe̱neb li xicꞌ nequeꞌiloc ke.

Salmos 110:1

Li Dios quixye re li Ka̱cuaꞌ: —Tatcꞌojla̱k saꞌ innim ukꞌ toj retal tincanabeb rubel la̱ cuok li xicꞌ nequeꞌiloc a̱cue, chan.

Deuteronomio 34:9

Ut laj Josué li ralal laj Nun quiqꞌueheꞌ xnaꞌleb xban nak laj Moisés quixqꞌue li rukꞌ saꞌ xbe̱n retalil nak aꞌan chic ta̱cꞌamok be chiruheb laj Israel. Joꞌcan nak eb laj Israel queꞌabin chiru ut queꞌxba̱nu joꞌ quiyeheꞌ re laj Moisés xban li Ka̱cuaꞌ Dios.

Números 8:18

Joꞌcan nak la̱in quinsicꞌ ruheb laj levita chokꞌ re̱kajeb li xbe̱n ralaleb laj Israel.

Números 8:10

Nak acak xachꞌutubeb laj levita chicuu, eb laj Israel teꞌxqꞌue li rukꞌeb saꞌ xjolomeb laj levita.

Éxodo 15:6

At Ka̱cuaꞌ, kꞌaxal nim la̱ cuanquilal. Caqꞌue la̱ cuukꞌ saꞌ xbe̱neb li queꞌrahobtesin chak ke ut xeꞌosoꞌ.

Génesis 48:18

Laj José quixye re lix yucuaꞌ: —Incꞌaꞌ, at inyucuaꞌ, ma̱ba̱nu chi joꞌcan xban nak laj Manasés, aꞌan li asbej. Qꞌue ban la̱ nim ukꞌ saꞌ xbe̱n xjolom aꞌan, chan laj José.

Génesis 46:20

Laj Manasés ut laj Efraín xcꞌabaꞌeb li cuib chi ralal laj José, li queꞌcuan riqꞌuin lix Asenat aran Egipto. Lix Asenat, aꞌan xrabin laj Potifera, li quicꞌamoc be chi tijoc chiruheb laj On.

Génesis 41:52

Ut laj José quixqꞌue aj Efraín chokꞌ xcꞌabaꞌ li ralal jun chic. Ut quixye: —Li Ka̱cuaꞌ Dios xqꞌuehoc re li sahil echej cue saꞌ li tenamit aꞌin bar xincꞌul cuiꞌ li raylal, chan.

Génesis 48:13

Nak quixakli, laj José quixchap li cuib chi ralal. Quixchap laj Efraín riqꞌuin lix nim ukꞌ ut quixchap laj Manasés riqꞌuin lix tzꞌe. Ut nak quixjilosiheb riqꞌuin laj Israel, laj Manasés quicana saꞌ xnim ukꞌ laj Israel, ut laj Efraín quicana saꞌ lix tzꞌe.

Génesis 48:17

Ut laj José quiril nak lix yucuaꞌ quixqꞌue lix nim ukꞌ saꞌ xjolom laj Efraín li i̱tzꞌinbej. Incꞌaꞌ quicuulac chiru. Laj José ticto quixjal li rukꞌ lix yucuaꞌ ut quixqꞌue lix nim ukꞌ saꞌ xbe̱n xjolom laj Manasés.

Números 2:18

Eb li ralal xcꞌajol laj Efraín teꞌxyi̱b lix muheba̱leb saꞌ li oeste. Ut teꞌxxakab lix bandereb chokꞌ retalileb. Ut laj Elisama li ralal laj Amiud, aꞌan li ta̱cꞌamok be chiruheb.