Génesis 48:12 - Li Santil hu

¹² Ut laj José quirisiheb lix cocꞌal chixbe̱n li ruch raꞌ lix yucuaꞌchin, ut quixcuikꞌib rib aꞌan chiru lix yucuaꞌ.

Q'eqchi Bible

¹² Laj José kirisiheb' li kok'al chiru ra' li xyuwa' ut kixhupub' rib' chiru.

Génesis 48:12 ပူးပေါင်းရင်းမြစ်များ

Génesis 42:6

Laj José, aꞌan li nataklan saꞌ li tenamit Egipto ut saꞌ rukꞌ aꞌan quicana xcꞌayinquil li trigo. Eb li ras laj José queꞌcuulac riqꞌuin ut queꞌxxulub rib saꞌ chꞌochꞌ chiru.

Efesios 6:1

Joꞌcan ajcuiꞌ la̱ex, alalbej. Chex-abi̱nk chiru le̱ naꞌ e̱yucuaꞌ saꞌ xcꞌabaꞌ li Ka̱cuaꞌ xban nak aꞌan kꞌaxal us xba̱nunquil.

Proverbios 31:28

Li be̱lomej naxqꞌue xlokꞌal li rixakil. Joꞌcan eb ajcuiꞌ li ralal xcꞌajol nequeꞌxqꞌue ajcuiꞌ xlokꞌal.

2 Reyes 4:37

Li naꞌbej quixcut rib chi rok laj Eliseo. Chirix aꞌan quixcꞌam lix chꞌina yum ut qui-el aran.

1 Reyes 2:19

Joꞌcan nak lix Betsabé co̱ chi a̱tinac riqꞌuin li rey Salomón saꞌ xcꞌabaꞌ laj Adonías. Li rey quixakli chixcꞌulbal lix naꞌ ut quixxulub rib chiru. Chirix aꞌan quicꞌojla cuiꞌchic saꞌ lix cꞌojariba̱l ut quixtakla xcꞌambal jun tem re nak lix naꞌ ta̱chunla̱k. Ut lix naꞌ quichunla saꞌ lix nim ukꞌ.

Levítico 19:32

Che-oxlokꞌi li che̱quel cristian ut cheqꞌue xlokꞌal li ti̱xeb. Chexucua cuu la̱in li Ka̱cuaꞌ le̱ Dios.

Levítico 19:3

Chexucua̱k ru le̱ naꞌ e̱yucuaꞌ. Ut te̱oxlokꞌi li hiloba̱l cutan. La̱in li Ka̱cuaꞌ le̱ Dios xinyehoc re aꞌin.

Éxodo 34:8

Saꞌ junpa̱t quixxulub lix jolom laj Moisés ut quixlokꞌoni li Dios.

Éxodo 20:12

Che-oxlokꞌi le̱ naꞌ e̱yucuaꞌ re nak ta̱najtokꞌ ru le̱ yuꞌam saꞌ li chꞌochꞌ li yo̱ chixqꞌuebal e̱re li Ka̱cuaꞌ le̱ Dios.

Génesis 33:3

Laj Jacob quicꞌamoc be chiru chixjunileb. Nak yo̱ chi xic chixcꞌulbal li ras, yo̱ chixcuikꞌibanquil rib chiru toj retal quicuulac riqꞌuin. Cuukub sut quixcuikꞌib rib nak yo̱ chi xic.

Génesis 23:7

Laj Abraham quicuacli ut quixcꞌutzub rib chiruheb laj hititas.

Génesis 19:1

Nak ac oc re li kꞌojyi̱n, queꞌcuulac li cuib chi cui̱nk aran Sodoma. Aꞌaneb lix ángel li Dios. Laj Lot chunchu saꞌ li oqueba̱l re li tenamit saꞌ li naꞌajej li nequeꞌxchꞌutub cuiꞌ ribeb li cristian. Nak quirileb li cui̱nk, quicuacli laj Lot chixcꞌulbaleb, quixcuikꞌib rib ut quixxulub lix jolom saꞌ chꞌochꞌ.

Génesis 18:2

Laj Abraham quiril nak xaka̱mileb oxibeb li cui̱nk chiru. Saꞌ junpa̱t qui-el chixcꞌulbaleb. Quixcuikꞌib rib ut quixxulub lix jolom saꞌ chꞌochꞌ, ut quixye:

Génesis 48:11

Laj Jacob quixye re laj José: —La̱in cuan saꞌ inchꞌo̱l nak incꞌaꞌ chic tincuil a̱cuu. Abanan li Ka̱cuaꞌ Dios xba̱nu usilal cue. Xcuil a̱cuu la̱at ut xcuil ajcuiꞌ ruheb la̱ cualal, chan laj Jacob.

Génesis 48:13

Nak quixakli, laj José quixchap li cuib chi ralal. Quixchap laj Efraín riqꞌuin lix nim ukꞌ ut quixchap laj Manasés riqꞌuin lix tzꞌe. Ut nak quixjilosiheb riqꞌuin laj Israel, laj Manasés quicana saꞌ xnim ukꞌ laj Israel, ut laj Efraín quicana saꞌ lix tzꞌe.