Génesis 48:11 - Li Santil hu

¹¹ Laj Jacob quixye re laj José: —La̱in cuan saꞌ inchꞌo̱l nak incꞌaꞌ chic tincuil a̱cuu. Abanan li Ka̱cuaꞌ Dios xba̱nu usilal cue. Xcuil a̱cuu la̱at ut xcuil ajcuiꞌ ruheb la̱ cualal, chan laj Jacob.

Q'eqchi Bible

¹¹ Toja' naq kixye re laj José: “Laa'in xink'oxla naq ink'a' chik twil aawu, ut anaqwan li Yos xk'e ajwi' chiwil eb' laawalal”.

Génesis 48:11 ပူးပေါင်းရင်းမြစ်များ

Efesios 3:20

Lokꞌoninbil taxak li Dios li kꞌaxal nim xcuanquil chixba̱nunquil nabal chiru li nakatzꞌa̱ma. Riqꞌuin xnimal xcuanquil nacꞌanjelac saꞌ li ka̱m ut kꞌaxal nim xcuanquil chixba̱nunquil nabal chiru li nakoybeni.

Génesis 45:26

Ut queꞌxye re laj Jacob: —¡Cꞌoxla! Yoꞌyo laj José. Aꞌan li nataklan saꞌ xbe̱n chixjunil li tenamit Egipto, chanqueb. Ut quisach xchꞌo̱l laj Jacob nak quirabi resil li ralal. Laj Jacob incꞌaꞌ quixpa̱b li cꞌaꞌru quiyeheꞌ re xbaneb li ralal.

Génesis 42:36

Ut laj Jacob quixye reheb: —Anakcuan cꞌajoꞌ yo̱quex chak chixba̱nunquil cue. Ma̱ ani chic li cualal laj José. Ut anakcuan incꞌaꞌ chic xsukꞌi chak laj Simeón. Ut toj te̱raj cuiꞌchic xmakꞌbal laj Benjamín chicuu. ¿Cꞌaꞌut nak chixjunil natꞌaneꞌ saꞌ inbe̱n? chan laj Jacob reheb.

Génesis 37:35

Ut chixjunileb li ralal xcꞌajol queꞌoc chixcꞌojobanquil xchꞌo̱l lix yucuaꞌeb. Abanan laj Jacob incꞌaꞌ quixcꞌojob xchꞌo̱l ut quixye: —La̱in incꞌaꞌ ta̱cꞌojla̱k inchꞌo̱l chalen nak tinca̱mk ut tintau li cualal li ac camenak, chan. Ut li yucuaꞌbej junelic naya̱bac chirix laj José.

Génesis 37:33

Laj Jacob ticto quixnau ru li rakꞌ aꞌan, ut quixye reheb: —Ay, aꞌin tzꞌakal rakꞌ li cualal nacuil. Ma̱re junak joskꞌ aj xul xtiꞌoc re ut x-osoꞌ chi junaj cua, chan laj Jacob.

Génesis 48:10

Quichokoꞌ saꞌ li ru laj Israel xban lix ti̱xilal ut incꞌaꞌ chic sa na-iloc. Laj José quixjilosiheb li ralal chixcꞌatk lix yucuaꞌchin. Ut laj Jacob quixkꞌaluheb ut quirutzꞌeb ru.

Génesis 48:12

Ut laj José quirisiheb lix cocꞌal chixbe̱n li ruch raꞌ lix yucuaꞌchin, ut quixcuikꞌib rib aꞌan chiru lix yucuaꞌ.

Salmos 128:6

Ut toj ta̱cuileb ta nak teꞌcua̱nk la̱ cui. Ut chicua̱nk taxak li tuktu̱quil usilal riqꞌuineb laj Israel.

Proverbios 17:6

Lix lokꞌaleb li ac ti̱xeb, aꞌaneb li ri. Ut lix lokꞌaleb li alalbej cꞌajolbej, aꞌaneb lix naꞌ xyucuaꞌeb.