Génesis 48:10 - Li Santil hu

¹⁰ Quichokoꞌ saꞌ li ru laj Israel xban lix ti̱xilal ut incꞌaꞌ chic sa na-iloc. Laj José quixjilosiheb li ralal chixcꞌatk lix yucuaꞌchin. Ut laj Jacob quixkꞌaluheb ut quirutzꞌeb ru.

Génesis 48:10 ပူးပေါင်းရင်းမြစ်များ

Génesis 27:27

Laj Jacob quijiloc chixcꞌatk ut quirutzꞌ ru lix yucuaꞌ. Laj Isaac quirutzꞌ xbo̱c li rakꞌ. Ut quirosobtesi laj Jacob ut quixye: —Lix bo̱c li rakꞌ li cualal, aꞌan joꞌ xbo̱c li qꞌuicheꞌ li quirosobtesi chak li Ka̱cuaꞌ Dios.

Génesis 27:1

Nak ac ti̱x chic chi us laj Isaac, quimoy li xnakꞌ ru ut incꞌaꞌ chic sa na-iloc. Saꞌ jun li cutan laj Isaac quixbok li xbe̱n ralal. Aꞌan laj Esaú. Quixye re: —At cualal.— Laj Esaú quichakꞌoc ut quixye re: —Cueꞌquin.—

Isaías 59:1

Incꞌaꞌ te̱cꞌoxla nak li Ka̱cuaꞌ ma̱cꞌaꞌ chic xcuanquil re texcol. Chi moco te̱cꞌoxla nak incꞌaꞌ ta̱rabi nak te̱tzꞌa̱ma e̱tenkꞌanquil.

Isaías 6:10

Ut quixye cuiꞌchic cue li Ka̱cuaꞌ: —A̱lobresi lix chꞌo̱leb li tenamit aꞌin re nak incꞌaꞌ teꞌxtau xya̱lal. Incꞌaꞌ saken cheꞌabi̱nk ut incꞌaꞌ saken cheꞌilok re nak incꞌaꞌ cheꞌilok riqꞌuin li ruheb ut incꞌaꞌ saken cheꞌabi̱nk riqꞌuin lix xiqꞌueb, chi moco lix chꞌo̱leb chixtau xya̱lal, chi moco teꞌsukꞌi̱k cuiqꞌuin re tebinqꞌuirtesi, chan.

1 Reyes 19:20

Saꞌ junpa̱t quixcanab lix bo̱yx laj Eliseo ut quia̱linac chirix laj Elías ut quixye re: —Inchakꞌrabihakeb cuan chak lin naꞌ inyucuaꞌ xbe̱n cua ut chirix aꞌan tinxic cha̱cuix, chan. Ut laj Elías quixye re: —Us biꞌ. Abanan, chicua̱nk taxak saꞌ a̱chꞌo̱l li cꞌaꞌru xinba̱nu a̱cue, chan.

1 Samuel 4:15

Laj Elí ac ti̱x chic chi us. Cuakxaklaju roꞌcꞌa̱l (98) chihab cuan re. Ut incꞌaꞌ chic na-iloc li ru.

1 Samuel 3:2

Laj Elí ac ti̱x chic ut ac yo̱ chi mutzꞌocꞌ li xnakꞌ ru. Saꞌ jun li kꞌojyi̱n yocyo saꞌ xcuarib.

Génesis 45:15

Ut quilajrutzꞌeb ru li ras chixju̱nkaleb ut quiya̱bac xban xsahil saꞌ xchꞌo̱l. Ut eb aꞌan queꞌa̱tinac chi ribileb rib.

Génesis 31:55

Joꞌ cuulajak chic nak quisake̱u, laj Labán quicuacli ut quirutzꞌ ruheb li ri, joꞌ eb ajcuiꞌ lix rabin. Quixtzꞌa̱ma chiru li Dios nak ta̱rosobtesiheb. Ut chirix aꞌan quisukꞌi saꞌ rochoch.

Génesis 48:8

Ut laj Israel quirileb li ralal laj José ut quixpatzꞌ re: —¿Aniheb aꞌin li cuanqueb arin? chan.

Génesis 48:11

Laj Jacob quixye re laj José: —La̱in cuan saꞌ inchꞌo̱l nak incꞌaꞌ chic tincuil a̱cuu. Abanan li Ka̱cuaꞌ Dios xba̱nu usilal cue. Xcuil a̱cuu la̱at ut xcuil ajcuiꞌ ruheb la̱ cualal, chan laj Jacob.

Deuteronomio 34:7

Cuakcꞌa̱l (120) chihab cuan re laj Moisés nak quicam. Toj saken na-iloc ut toj cau rib chi us.

Eclesiastés 12:3

Ta̱cuulak xkꞌehil nak chixjunileb sicsotkeb xbaneb xti̱xil, ut eb li cui̱nk li cauheb rib, cꞌutzcꞌu̱keb aj chic rixeb. Ut ma̱cꞌaꞌak chic ruch reheb xban nak ac ti̱xeb chic. Ut eb li nequeꞌiloc saꞌ ventana incꞌaꞌ chic teꞌru̱k teꞌilok xban nak ac xmoy li xnakꞌ ruheb.