Génesis 47:9 - Li Santil hu

⁹ Ut laj Jacob quichakꞌoc ut quixye re: —Jun ciento riqꞌuin laje̱b xcaꞌcꞌa̱l (130) chihab cuoquic chi be̱c la̱in yalak bar. Nabal li raylal xincꞌul saꞌ ruchichꞌochꞌ ut incꞌaꞌ qꞌui lin chihab joꞌ lix chihab eb lin xeꞌto̱nil yucuaꞌ nak queꞌcuan saꞌ ruchichꞌochꞌ, chan laj Jacob.

Q'eqchi Bible

⁹ Kichaq'ok laj Jakob ut kixye: “Lajeeb' xwuqk'aal (130) chihab' li wokik chi b'eek laa'in yalaq b'ar. Naab'al rahilal xink'ul sa' linyu'am ut ink'a' k'iheb' linchihab' jo' li xchihab'eb' linxe'toonil yuwa' naq ke'wank sa' ruuchich'och'”.

Génesis 47:9 ပူးပေါင်းရင်းမြစ်များ

Salmos 39:12

At Ka̱cuaꞌ, chacuabi taxak lin tij. Chacuabi taxak nak yo̱quin chi ya̱bac xban li raylal ut china̱tenkꞌa nak yo̱quin chixya̱banquil la̱ cꞌabaꞌ. Cha̱cuu la̱at, yal aj numelin arin joꞌqueb ajcuiꞌ lin xeꞌto̱nil yucuaꞌ yal aj numeleb ajcuiꞌ nak xeꞌcuan arin.

Génesis 35:28

Jun ciento riqꞌuin ca̱cꞌa̱l (180) chihab cuan re laj Isaac.

Salmos 39:5

Cha̱cuu la̱at caꞌchꞌin ajcuiꞌ lin yuꞌam arin saꞌ ruchichꞌochꞌ. Lin yuꞌam chanchan li ma̱cꞌaꞌ cha̱cuu. Jun jikꞌoc ajcuiꞌ. Moco nim ta cuan cuiꞌ lin yuꞌam.

Li xHu LAJ JOB 14:1

Eb li cristian li nequeꞌyoꞌla saꞌ ruchichꞌochꞌ incꞌaꞌ najt rok lix yuꞌameb ut nabal raylal nequeꞌxcꞌul.

Josué 24:29

Nak ac xcꞌulman chixjunil li cꞌaꞌak re ru aꞌin, quicam laj Josué, laj cꞌanjel chiru li Dios. Laj Josué aꞌan li ralal laj Nun. Oꞌcꞌa̱l chihab riqꞌuin laje̱b (110) chihab cuan re nak quicam.

Deuteronomio 34:7

Cuakcꞌa̱l (120) chihab cuan re laj Moisés nak quicam. Toj saken na-iloc ut toj cau rib chi us.

Éxodo 7:7

Ca̱cꞌa̱l (80) chihab cuan re laj Moisés ut oxib rocꞌa̱l (83) chihab cuan re laj Aarón nak queꞌa̱tinac riqꞌuin laj faraón.

Éxodo 6:4

La̱in quinba̱nu lin contrato riqꞌuineb ut quinyechiꞌi reheb li naꞌajej Canaán. Yal aj numeleb nak queꞌhilan aran.

Génesis 50:26

Laj José jun ciento riqꞌuin laje̱b (110) chihab cuan re nak quicam. Ut eb aꞌan queꞌxban li camenak José re nak incꞌaꞌ ta̱chuhokꞌ. Ut queꞌxqꞌue saꞌ xcaxonil aran Egipto.

1 Pedro 2:11

Ex inherma̱n, raro̱quex inban. La̱ex yal numelex arin saꞌ ruchichꞌochꞌ. La̱in nintzꞌa̱ma che̱ru nak me̱ba̱nu chic li ma̱usilal li queba̱nu chak junxil xban nak aꞌan caꞌaj cuiꞌ xpoꞌbal ru le̱ cꞌaꞌux naxba̱nu.

Santiago 4:14

Aban la̱ex incꞌaꞌ nequenau cꞌaꞌru te̱cꞌul cuulaj caꞌbej xban nak li kayuꞌam chanchan li chok. Junpa̱t ajcuiꞌ nacuan ut junpa̱t chic ac ma̱cꞌaꞌ chic.

Salmos 119:54

La̱ chakꞌrab naxqꞌue xsahil inchꞌo̱l ut ninbicha lix lokꞌal saꞌ li naꞌajej aꞌin li yal numecꞌ yo̱quin cuiꞌ.

Salmos 119:19

La̱in yal aj numelin arin saꞌ ruchichꞌochꞌ. Joꞌcan nak chacꞌut taxak lix ya̱lal la̱ cua̱tin chicuu.

Génesis 47:28

Cuuklaju chihab tzꞌakal quicuan laj Jacob saꞌ li tenamit Egipto. Jun ciento riqꞌuin cuukub roxcꞌa̱l (147) chihab quixba̱nu laj Jacob saꞌ ruchichꞌochꞌ.

Génesis 11:11

Ut toj queꞌcuan chic ralal ut xrabin. Chirix lix yoꞌlajic laj Arfaxad, laj Sem quicuan o̱b ciento (500) chihab chic.

Hebreos 13:14

Li ruchichꞌochꞌ aꞌin ma̱cuaꞌ tzꞌakal kanaꞌaj. Yo̱co ban chiroybeninquil jun chic li kanaꞌaj kꞌaxal cha̱bil. Aꞌan li choxa.

1 Crónicas 29:15

La̱o chanchano li jalaneb xtenamit cha̱cuu xban nak la̱o yal numelo joꞌ eb li kaxeꞌto̱nil yucuaꞌ. Li kayuꞌam arin saꞌ ruchichꞌochꞌ saꞌ junpa̱t ta̱osokꞌ.

Génesis 5:27

Laj Matusalén bele̱b ciento riqꞌuin bele̱b xca̱cꞌa̱l (969) chihab cuan re nak quicam.

2 Corintios 5:6

Joꞌcan nak junelic cau kachꞌo̱l riqꞌuin li Dios nak cuanco saꞌ ruchichꞌochꞌ. Nakanau nak joꞌ najtil cuanco saꞌ ruchichꞌochꞌ, moco cuanco ta chak riqꞌuin li Ka̱cuaꞌ Jesucristo saꞌ choxa.

Génesis 47:8

Laj faraón quixpatzꞌ re laj Jacob: —¿Jarub chihab cuan a̱cue la̱at, Jacob? chan re.

Salmos 39:13

Chacuuxta̱na taxak cuu ut chaqꞌue taxak caꞌchꞌinak chic xsahil inchꞌo̱l nak toj ma̱jiꞌ nincam.—