Génesis 47:30 - Li Santil hu

³⁰ Nak tinca̱mk, tine̱risi Egipto ut tine̱cꞌam aran Canaán ut tine̱muk chixcꞌatk li naꞌajej li queꞌmukeꞌ cuiꞌ lin yucuaꞌ camenak joꞌ ajcuiꞌ lin yucuaꞌchin, chan laj Jacob. Ut laj José quixye re: —Us. Matcꞌoxlac. Tinba̱nu li cꞌaꞌru yo̱cat chixyebal cue, chan.

Q'eqchi Bible

³⁰ Naq tinq'ajq tinsutq'iiq rik'ineb' linna' linyuwa', chinaawisi arin Ejiipt ut toxinaamuq chaq sa' li xmuqleb'aaleb' a'an”. Kichaq'ok laj José: “Tinb'aanu jo' xaye we”, chan.

Génesis 47:30 ပူးပေါင်းရင်းမြစ်များ

Génesis 25:9

Laj Isaac ut laj Ismael queꞌxmuk lix yucuaꞌeb saꞌ li ochoch pec li cuan saꞌ li naꞌajej Macpela. Li mukleba̱l aꞌan cuan chixcꞌatk lix chꞌochꞌ laj Efrón li ralal laj Zohar laj hitita. Li naꞌajej aꞌan cuan chak jun pacꞌal li naꞌajej Mamre.

Génesis 23:19

Ut laj Abraham quixmuk li rixakil chi saꞌ li ochoch pec li cuan saꞌ li chꞌochꞌ Macpela. Macpela, aꞌan cuan jun pacꞌal li naꞌajej Mamre li nayeman ajcuiꞌ Hebrón re. Aꞌan cuan saꞌ xcue̱nt Canaán.

Nehemías 2:5

Ut quinye re li rey: —At rey, cui cꞌojcꞌo a̱chꞌo̱l cuiqꞌuin ut cui la̱at tixcꞌul a̱chꞌo̱l, ta̱ba̱nu raj li usilal cue. La̱in nacuaj raj xic Judá re nak tinyi̱b cuiꞌchic li tenamit li mukbileb cuiꞌ lin xeꞌto̱nil yucuaꞌ.—

Nehemías 2:3

La̱in quinchakꞌoc ut quinye re: —At rey, chicua̱nk taxak la̱ yuꞌam chi junelic. La̱in ra saꞌ inchꞌo̱l xban nak li tenamit li mukbileb cuiꞌ lin xeꞌto̱nil yucuaꞌ juqꞌuinbil ut cꞌatbileb lix puertil. Aꞌan aꞌin lix ya̱lal nak ra saꞌ inchꞌo̱l.—

1 Reyes 13:22

La̱at xatsukꞌi ut xatcuaꞌac xat-ucꞌac saꞌ li naꞌajej li quixye a̱cue nak incꞌaꞌ tatcuaꞌak tat-ucꞌak. Xban nak xaba̱nu aꞌan, tatcamsi̱k ut incꞌaꞌ tatmukekꞌ saꞌ li mukleba̱l li queꞌmukeꞌ cuiꞌ la̱ xeꞌto̱nil yucuaꞌ, chan.

2 Samuel 19:37

At rey, nintzꞌa̱ma cha̱cuu nak ta̱qꞌue inlese̱ns chi sukꞌi̱c saꞌ lin tenamit re nak aran tinca̱mk ut tinmukekꞌ chixcꞌatk lix mukleba̱leb lin naꞌ inyucuaꞌ. Cuan arin laj Quimam, li cualal. Aꞌan aj cꞌanjel cha̱cuu. Aꞌan ta̱xic cha̱cuix, at rey. Ta̱ba̱nu riqꞌuin aꞌan li cꞌaꞌru nacacꞌoxla nak us xba̱nunquil, chan.

Génesis 50:25

Laj José quixye ajcuiꞌ reheb: —Anakcuan la̱ex te̱ba̱nu junak li juramento cuiqꞌuin. Nak li Ka̱cuaꞌ Dios texrisi saꞌ li tenamit aꞌin, te̱ba̱nu usilal, te̱cꞌam lin bakel che̱rix nak texxic, chan laj José. Ut eb li ras laj José queꞌxcꞌul xchꞌo̱l li juramento li quixye reheb.

Génesis 15:15

Nak ac ti̱xakat chic chi us, la̱at tatca̱mk. Cꞌojcꞌo̱k a̱chꞌo̱l nak tatca̱mk. Ut toxe̱tau e̱rib a̱cuochbeneb la̱ xeꞌto̱nil yucuaꞌ li ac camenakeb.

Génesis 23:17

Laj Efrón quixkꞌaxtesi re laj Abraham li chꞌochꞌ Macpela xcꞌabaꞌ, li nacana jun pacꞌal Mamre. Quixkꞌaxtesi ajcuiꞌ li ochoch pec li cuan aran, joꞌ eb ajcuiꞌ chixjunil li cheꞌ li joꞌ qꞌuial cuan saꞌ li chꞌochꞌ.

Génesis 25:10

Laj Abraham quimukeꞌ saꞌ li naꞌajej li queꞌxmuk cuiꞌ lix Sara li rixakil. Aꞌan li chꞌochꞌ li quixlokꞌ junxil laj Abraham riqꞌuineb laj hititas.

Génesis 35:29

Nak ac ti̱x chic chi us, laj Isaac quicam ut coxtauheb lix xeꞌto̱nil yucuaꞌ. Laj Esaú ut laj Jacob queꞌxmuk lix yucuaꞌeb nak quicam.

Deuteronomio 31:16

Ut li Ka̱cuaꞌ quixye re laj Moisés: —La̱at tatxic chi hila̱nc a̱cuochbeneb la̱ xeꞌto̱nil yucuaꞌ. Chi se̱b li tenamit aꞌin teꞌxtiquib xlokꞌoninquileb li jalanil dios saꞌ li naꞌajej li teꞌxic cuiꞌ. Chanchanakeb chic li ixk li nequeꞌxcꞌayi ribeb. Tineꞌxtzꞌekta̱na ut teꞌxkꞌet li contrato li quinba̱nu riqꞌuineb.

2 Samuel 2:32

Laj Joab queꞌxxoc li camenak Asael ut queꞌxmuk aran Belén saꞌ li naꞌajej li quimukeꞌ cuiꞌ lix yucuaꞌ. Chirix chic aꞌan queꞌbe̱c chiru li kꞌojyi̱n. Yo̱ chi sake̱uc nak queꞌcuulac Hebrón.