Génesis 47:29 - Li Santil hu

²⁹ Nak yo̱ chi cuulac xkꞌehil lix camic, laj Israel quixbok laj José riqꞌuin ut quixye re: —Anakcuan la̱in tincuaj ta̱ba̱nu junak usilal cue. Qꞌue la̱ cuukꞌ rubel cuaꞌ joꞌ cꞌaynakeb chixba̱nunquil li katenamit nak nequeꞌxba̱nu li juramento. Tintzꞌa̱ma cha̱cuu nak incꞌaꞌ tina̱muk arin Egipto.

Q'eqchi Bible

²⁹ Naq yo chi wulak xq'ehil li xkamik, laj Israel kixb'oq laj José li ralal ut kixye re: “Wi usilal xintaw chawu, k'e laawuq' rub'el li wa' ut ye sa' jurament naq taab'aanu li ok we chi xtz'aamankil. B'aanu usilal, minaamuq arin Ejiipt!

Génesis 47:29 ပူးပေါင်းရင်းမြစ်များ

Deuteronomio 31:14

Li Ka̱cuaꞌ quixye re laj Moisés: —Cuulac re xkꞌehil nak tatca̱mk. Ta̱bok chak laj Josué ut saꞌ cuibal texxic saꞌ li tabernáculo re nak tinxakab laj Josué saꞌ xcꞌanjel, chan. Ut laj Moisés ut laj Josué queꞌco̱eb saꞌ li tabernáculo ut queꞌxakli chiru li Ka̱cuaꞌ.

Génesis 24:49

—Anakcuan checuyak inma̱c nak tinpatzꞌ e̱re. ¿Ma te̱ba̱nu li usilal re lin patrón? ¿Ma te̱takla lix Rebeca chokꞌ rixakil li ralal lin patrón malaj ut incꞌaꞌ? Yehomak cue re nak tinnau ma tento nak tinxic saꞌ jalan naꞌajej chixsicꞌbal rixakil laj Isaac, chan.

Génesis 24:2

Cuan jun xmo̱s cui̱nk laj Abraham. Najter na-oc riqꞌuin. Aꞌan tzꞌakal na-iloc re chixjunil li cꞌaꞌru cuan re. Saꞌ jun li cutan laj Abraham quixye re: —Takaba̱nu jun li juramento saꞌ xcꞌabaꞌ li Ka̱cuaꞌ Dios. Qꞌue la̱ cuukꞌ rubel li cuaꞌ joꞌ cꞌaynako chixba̱nunquil nak nakaba̱nu li juramento.

1 Reyes 2:1

Nak ac ca̱mc re laj David, quixbok laj Salomón riqꞌuin ut quixchakꞌrabi riqꞌuin li a̱tin aꞌin:

Hebreos 11:22

Xban lix pa̱ba̱l laj José, nak ac ca̱mc re, quixjultica reheb laj Israel nak saꞌ jun cutan teꞌe̱lk saꞌ li tenamit Egipto. Ut quixye ajcuiꞌ reheb nak teꞌxcꞌam lix bakel nak teꞌe̱lk saꞌ li tenamit aꞌan.

Hebreos 9:27

Chixjunil li tenamit jun sut ajcuiꞌ teꞌca̱mk ut li Ka̱cuaꞌ Dios ta̱rakok a̱tin saꞌ xbe̱neb.

Salmos 89:48

Chikajunilo toca̱mk. Ma̱ ani naru ta̱colekꞌ chiru li ca̱mc. Toca̱mk ban chikajunilo.

Salmos 49:9

Incꞌaꞌ naru nakalokꞌ li kayuꞌam re nak yoꞌyo̱ko junelic saꞌ ruchichꞌochꞌ chi incꞌaꞌ ta toca̱mk.

Salmos 49:7

Usta nabal cꞌaꞌru reheb, abanan ma̱ ani naru nacoleꞌ riqꞌuin li cꞌaꞌru cuan re xban nak ma̱ ani naru naxlokꞌ lix yuꞌam riqꞌuin li Dios.

Salmos 6:5

Li ac camenakeb moco naru ta chic tateꞌxcꞌoxla, chi moco naru tateꞌxlokꞌoni saꞌ xnaꞌajeb li camenak.

Li xHu LAJ JOB 30:23

La̱in ninnau nak la̱at ta̱cuaj tinca̱mk. Ninnau nak la̱at ta̱cuaj nak tinxic saꞌ li naꞌajej li teꞌxic cuiꞌ chixjunileb li nequeꞌcam.

Li xHu LAJ JOB 14:14

Nak nacam li cui̱nk, ¿ma ta̱yoꞌla̱k cuiꞌchic? La̱in yo̱quin chiroybeninquil joꞌ najtil chic tincꞌul li raylal toj ta̱cuulak xkꞌehil nak tincolekꞌ chiru li raylal.

Li xHu LAJ JOB 7:1

Lix yuꞌam li cui̱nk arin saꞌ ruchichꞌochꞌ kꞌaxal chꞌaꞌaj joꞌ junak li cui̱nk naxnumsi cutan chi trabajic.

2 Samuel 14:14

Chikajunilo toca̱mk. Chanchano li haꞌ hoybil saꞌ chꞌochꞌ. Incꞌaꞌ chic naru xxocbal. Li Ka̱cuaꞌ Dios ma̱ ani narisi xyuꞌam. Naxsicꞌ ban xya̱lal chanru nak ta̱sukꞌi̱k cuiꞌchic riqꞌuin li najt cuan riqꞌuin.

2 Samuel 7:12

Nak ta̱cuulak xkꞌehil nak tatca̱mk, tatxic chi hila̱nc saꞌ xya̱nkeb la̱ xeꞌto̱nil yucuaꞌ. La̱in tinqꞌue chokꞌ a̱cue̱kaj jun reheb la̱ cualal. Ut tinxakab saꞌ xnaꞌaj lix cuanquilal.

Génesis 47:9

Ut laj Jacob quichakꞌoc ut quixye re: —Jun ciento riqꞌuin laje̱b xcaꞌcꞌa̱l (130) chihab cuoquic chi be̱c la̱in yalak bar. Nabal li raylal xincꞌul saꞌ ruchichꞌochꞌ ut incꞌaꞌ qꞌui lin chihab joꞌ lix chihab eb lin xeꞌto̱nil yucuaꞌ nak queꞌcuan saꞌ ruchichꞌochꞌ, chan laj Jacob.

Génesis 3:19

Cau tattrabajik ut riqꞌuin la̱ tikob tatcuaꞌak. Joꞌcaꞌin nak tatcua̱nk toj retal tatca̱mk ut tatsukꞌi̱k cuiꞌchic chꞌochꞌ. Pacꞌbil chꞌochꞌ oquenakat chak ut chꞌochꞌ ajcuiꞌ tatsukꞌi̱k nak tat-osokꞌ, chan li Dios re laj Adán.

Génesis 27:2

Laj Isaac quixye re: —La̱at nacanau nak ti̱xin chic. Ma̱re chi se̱b nincam.

Génesis 50:5

Ut te̱ye re chi joꞌcaꞌin: Junxil nak toj yoꞌyo lin yucuaꞌ, la̱in xinba̱nu li juramento riqꞌuin. Ut lin yucuaꞌ quixye cue, “Chi se̱b nincam,” chan cue. “Ta̱ba̱nu li usilal. Tina̱muk chak aran Canaán saꞌ li naꞌajej li ac becbil inban junxil saꞌ li ochoch pec li cuan Macpela,” chan cue lin yucuaꞌ nak toj yoꞌyo. Ut anakcuan tintzꞌa̱ma usilal che̱ru nak te̱ye re laj faraón nak tinixcanab chi xic aran chixmukbal inyucuaꞌ camenak. Caꞌaj cuiꞌ toxinmuk chak lin yucuaꞌ ut tinsukꞌi̱k cuiꞌchic arin, chan laj José reheb.

1 Samuel 26:10

Ut quixye ajcuiꞌ laj David: —Saꞌ xcꞌabaꞌ li yoꞌyo̱quil Dios la̱in ninye nak li Ka̱cuaꞌ ta̱qꞌuehok re chi ca̱mc. Nak ta̱cuulak xkꞌehil, laj Saúl ta̱ca̱mk. Ma̱re xban yajel malaj ut ta̱camsi̱k saꞌ ple̱t.

2 Samuel 2:32

Laj Joab queꞌxxoc li camenak Asael ut queꞌxmuk aran Belén saꞌ li naꞌajej li quimukeꞌ cuiꞌ lix yucuaꞌ. Chirix chic aꞌan queꞌbe̱c chiru li kꞌojyi̱n. Yo̱ chi sake̱uc nak queꞌcuulac Hebrón.

Génesis 48:21

Ut laj Israel quixye re laj José: —Anakcuan ca̱mc cue la̱in. Li Ka̱cuaꞌ Dios taxak chicua̱nk e̱riqꞌuin, ex cualal incꞌajol. Ut aꞌan taxak chisukꞌisi̱nk e̱re saꞌ lix tenamiteb li kaxeꞌto̱nil yucuaꞌ.

Génesis 50:12

Queꞌxba̱nu li ralal laj Jacob joꞌ li quixtzꞌa̱ma chiruheb.

Deuteronomio 31:16

Ut li Ka̱cuaꞌ quixye re laj Moisés: —La̱at tatxic chi hila̱nc a̱cuochbeneb la̱ xeꞌto̱nil yucuaꞌ. Chi se̱b li tenamit aꞌin teꞌxtiquib xlokꞌoninquileb li jalanil dios saꞌ li naꞌajej li teꞌxic cuiꞌ. Chanchanakeb chic li ixk li nequeꞌxcꞌayi ribeb. Tineꞌxtzꞌekta̱na ut teꞌxkꞌet li contrato li quinba̱nu riqꞌuineb.

Josué 2:14

Ut eb aꞌan queꞌxye: —Joꞌ nak xacol rix li kayuꞌam la̱o, joꞌcan ajcuiꞌ nak takacol rix le̱ yuꞌam la̱ex cui ma̱ ani aj e ta̱ye li cꞌaꞌru yo̱co chixba̱nunquil. Ut nak ac xkꞌaxtesi saꞌ kukꞌ li naꞌajej aꞌin li Ka̱cuaꞌ, la̱o takaba̱nu usilal e̱re ut saꞌ xya̱lal tocua̱nk e̱riqꞌuin, chanqueb.

Josué 23:14

La̱in cuulac re xkꞌehil lin camic. La̱in nacuaj nak te̱qꞌue retal chi anchal e̱chꞌo̱l ut chi anchal e̱ra̱m nak chixjunil li cha̱bil li quixyechiꞌi e̱re li Ka̱cuaꞌ, xqꞌue e̱re. Ut ma̱ jun li cꞌaꞌru quixyechiꞌi e̱re incꞌaꞌ ta xqꞌue.