Génesis 47:24 - Li Santil hu

²⁴ Nak te̱sicꞌ ru le̱ racui̱mk, te̱qꞌue li roꞌ jachal re laj faraón. Ut li ca̱hib jachal chic ta̱cana̱k chokꞌ e̱re. Aꞌan ta̱cꞌanjelak che̱ru chokꞌ re e̱riyaj nak tex-a̱uk saꞌ li chihab jun. Ut ta̱cꞌanjelak ajcuiꞌ chokꞌ xtzacae̱mk le̱ ralal e̱cꞌajol joꞌ ajcuiꞌ chixjunileb li cuanqueb saꞌ le̱ rochoch, chan laj José.

Q'eqchi Bible

²⁴ ut moqon, sa' xq'ehil li q'olok, teek'e li ro' jachal re laj Parahón ut li kaahib' raqal chik te'kanaaq cho'q eere, re teeraw sa' li ch'och' ut textzekanq laa'ex, leekok'al jo'wi' chixjunileb' li wankeb' sa' leejunkab'al”, chan Laj José.

Génesis 47:24 ပူးပေါင်းရင်းမြစ်များ

Génesis 41:34

Chaba̱nu chi joꞌcaꞌin, at faraón. Chasiqꞌueb li ani teꞌtakla̱nk reheb li junju̱nk chi tenamit. Ut chiru li cuukub chihab aꞌin nak ta̱cua̱nk nabal li acui̱mk, ta̱xocma̱nk lix oꞌotkil li acui̱mk rajlal chihab.

Salmos 112:5

Li cui̱nk cha̱bil xnaꞌleb naxba̱nu usilal reheb li ras ri̱tzꞌin. Naxqꞌue chi toꞌ li cꞌaꞌru cuan re. Ut naxnau xsicꞌbal xtumin saꞌ ti̱quilal.

Salmos 41:1

Us xak re li ani natokꞌoban ruheb li nebaꞌ li tenkꞌa̱c nequeꞌraj xban nak aꞌan ta̱tenkꞌa̱k xban li Ka̱cuaꞌ saꞌ xkꞌehil li raylal.

Levítico 27:32

Li junju̱nk saꞌ xlaje̱tkil li queto̱mk, usta cuacax usta carner, re li Ka̱cuaꞌ. Nak yo̱ rajlanquileb li xul, li junju̱nk saꞌ xlaje̱tkil re li Ka̱cuaꞌ.

Génesis 47:25

Eb aꞌan queꞌchakꞌoc ut queꞌxye re: —La̱o xocoleꞌ a̱ban. Chixcꞌul taxak a̱chꞌo̱l la̱at nak la̱o to-oc chokꞌ xmo̱s laj faraón, chanqueb.

Génesis 47:23

Tojoꞌnak laj José quixye reheb li tenamit: —Anakcuan la̱ex lokꞌbilex che̱junilex inban chokꞌ re laj faraón joꞌ eb ajcuiꞌ le̱ chꞌochꞌ. Cueꞌ le̱ riyaj ut ayukex chi a̱uc.

Génesis 14:20

Lokꞌoninbil taxak li Ka̱cuaꞌ Dios li kꞌaxal nim xcuanquil. Aꞌan xkꞌaxtesi saꞌ a̱cuukꞌ li xicꞌ nequeꞌiloc a̱cue, chan. Laj Abram quixsi re laj Melquisedec li junju̱nk saꞌ xlaje̱tkil re chixjunil li cꞌaꞌru quire̱chani chak.

Génesis 14:21

Lix reyeb laj Sodoma quixye re laj Abram: —Ba̱nu usilal, kꞌaxtesiheb cuiꞌchic saꞌ li tenamit aꞌin chixjunileb li cristian li xacoleb chak saꞌ li ple̱t. Ut li cꞌaꞌru cuan reheb ta̱cana̱k chokꞌ a̱cue, chan.

Génesis 28:22

Li pec aꞌin xinxakab anakcuan chokꞌ retalil nak li naꞌajej aꞌin, aꞌan re xlokꞌoninquil li Ka̱cuaꞌ Dios, chan. Ut laj Jacob quixye re li Dios, —La̱in tinmayeja cha̱cuu li junju̱nk saꞌ xlaje̱tkil re chixjunil li cꞌaꞌru ta̱qꞌue cue, chan.

Levítico 27:30

Li junju̱nk saꞌ xlaje̱tkil li ru li acui̱mk li na-el saꞌ li chꞌochꞌ, joꞌ ajcuiꞌ li junju̱nk saꞌ xlaje̱tkil li ru li cheꞌ re li Ka̱cuaꞌ. Ac chꞌolchꞌo nak aꞌan re li Ka̱cuaꞌ.

Números 18:21

Eb li ralal xcꞌajol laj Leví teꞌxcꞌul li junju̱nk saꞌ xlaje̱tkil li cꞌaꞌru cuan reheb laj Israel re xtojbal rix li cꞌanjel li teꞌxba̱nu saꞌ li tabernáculo.

Deuteronomio 14:22

Rajlal chihab tento nak te̱qꞌue re li Ka̱cuaꞌ li junju̱nk saꞌ xlaje̱tkil li ru le̱ racui̱mk.

Deuteronomio 26:12

Rajlal oxib chihab te̱qꞌue li junju̱nk saꞌ xlaje̱tkil li ru le̱ racui̱mk reheb laj levita ut li ma̱cꞌaꞌ xnaꞌ xyucuaꞌ ut reheb li jalaneb xtenamit li cuanqueb saꞌ e̱ya̱nk joꞌ eb ajcuiꞌ li xma̱lcaꞌan. Te̱qꞌue reheb re nak naru teꞌtzaca̱nk saꞌ le̱ tenamit ut ta̱cꞌojla̱k xchꞌo̱leb.