Génesis 47:22 - Li Santil hu

²² Caꞌaj cuiꞌ eb laj cꞌamol be re tijoc incꞌaꞌ queꞌxcꞌayi lix chꞌochꞌeb riqꞌuin laj José xban nak junelic nequeꞌqꞌueheꞌ xtzacae̱mk xban laj faraón. Joꞌcan nak incꞌaꞌ queꞌxcꞌayi lix chꞌochꞌ.

Q'eqchi Bible

²² Ka'ajwi' li xch'och'eb' laj tij ink'a' kireechani, xb'aan naq usilanb'ileb' laj tij xb'aan jun xchaq'rab' laj Parahón ut neke'tzekank jo' naxye li chaq'rab' a'an. Jo'kan naq ink'a' ke'xk'ayi li xch'och'eb'.

Génesis 47:22 ပူးပေါင်းရင်းမြစ်များ

Esdras 7:24

Ut ninye ajcuiꞌ a̱cue nak incꞌaꞌ ta̱patzꞌ xtojeb laj tij chi moco eb laj levita, chi moco eb laj bichanel, chi moco eb li nequeꞌcꞌacꞌalen saꞌ li oqueba̱l re li templo, chi moco riqꞌuineb li nequeꞌcꞌanjelac saꞌ li templo. Incꞌaꞌ ta̱patzꞌ xtojeb.

1 Timoteo 5:17

Oxlokꞌinbilakeb li nequeꞌcꞌamoc be chi cha̱bil saꞌ xya̱nkeb laj pa̱banel. Ut xcꞌulub ajcuiꞌ nak teꞌxcꞌul xkꞌajca̱munquil xban nak nequeꞌxqꞌue xchꞌo̱l chixchꞌolobanquil xya̱lal li ra̱tin li Dios ut chixtzolbaleb laj pa̱banel.

2 Ts 3:10

Ut nak toj cuanco chak e̱riqꞌuin, xkajultica lix ya̱lal aꞌin che̱ru: li ani incꞌaꞌ naraj trabajic, incꞌaꞌ ta̱qꞌuehekꞌ xcua.

Gálatas 6:6

Li ani yo̱ chixtzolbal li ra̱tin li Dios, tento ajcuiꞌ nak tixtenkꞌa li ani yo̱ chi tzoloc re.

1 Corintios 9:13

¿Ma incꞌaꞌ ta biꞌ nequenau nak eb laj judío li nequeꞌcꞌanjelac saꞌ rochoch li Dios, tento ajcuiꞌ nak nequeꞌtzꞌak li cꞌaꞌru namayeja̱c saꞌ rochoch li Dios? Aꞌan naraj naxye nak eb li nequeꞌcꞌanjelac saꞌ li artal nequeꞌtzꞌak ajcuiꞌ lix tibel li mayejanbil xul.

San Mateo 10:10

Chi moco te̱cꞌam xnaꞌaj li cꞌaꞌak re ru ta̱cꞌanjelak e̱re saꞌ be, chi moco te̱cꞌam xjalbal le̱ rakꞌ, chi moco xjalbal e̱xa̱b, chi moco e̱xukꞌ. Me̱cꞌam li cꞌaꞌak re ru aꞌin xban nak laj cꞌanjel, aꞌan tento nak ta̱qꞌuehekꞌ re lix tzacae̱mk.

Nehemías 13:10

Ut queꞌxye ajcuiꞌ cue nak eb laj levita incꞌaꞌ queꞌxcꞌul li cꞌaꞌru eb re li tento raj queꞌqꞌueheꞌ reheb re xnumsinquil li cutan junju̱nk. Joꞌcan nak eb laj levita ut eb laj bichanel li nequeꞌba̱nun re li cꞌanjel, queꞌel Jerusalén ut queꞌco̱eb chi xju̱nkaleb saꞌ lix cꞌaleba̱leb.

2 Samuel 8:18

Laj Benaía, li ralal laj Joiada, aꞌan li quitaklan saꞌ xbe̱neb laj cereteo ut eb laj peleteo. Eb li ralal laj David, aꞌaneb li ni̱nkeb xcuanquil saꞌ xya̱nkeb.

Deuteronomio 12:19

Cheba̱nuhak cue̱nt re nak incꞌaꞌ te̱canabeb laj levita chi ma̱cꞌaꞌ cuan reheb joꞌ najtil texcua̱nk saꞌ ruchichꞌochꞌ.

Génesis 41:50

Nak ma̱jiꞌ nacuulac xkꞌehil li cueꞌej, laj José quicuan cuib li ralal riqꞌuin lix Asenat, lix rabin laj Potifera laj cꞌamol be re tijoc saꞌ xya̱nkeb laj On.

Génesis 41:45

Ut laj faraón quixqꞌue jun chic xcꞌabaꞌ laj José. Aj Zafnat-panea chic quiyeman re. Laj faraón quixqꞌue lix Asenat chokꞌ rixakil laj José. Lix Asenat aꞌan lix rabin laj Potifera. Laj Potifera, aꞌan aj cꞌamol be re tijoc reheb laj On li nequeꞌlokꞌonin re li sakꞌe. Ut laj José qui-oc chirulaꞌaninquil li junju̱nk chi cocꞌ tenamit li cuanqueb aran saꞌ li nimla tenamit Egipto.

Génesis 14:18

Laj Melquisedec, aꞌan lix reyeb laj Salem ut nacꞌanjelac ajcuiꞌ chokꞌ aj tij chiru li nimajcual Dios. Laj Melquisedec quixcꞌul laj Abram ut quixqꞌueheb xcua rucꞌa.

Génesis 47:21

Chixjunileb li cuanqueb saꞌ cꞌaleba̱l queꞌchal saꞌ li nimla tenamit re teꞌcꞌanjelak.

Génesis 47:23

Tojoꞌnak laj José quixye reheb li tenamit: —Anakcuan la̱ex lokꞌbilex che̱junilex inban chokꞌ re laj faraón joꞌ eb ajcuiꞌ le̱ chꞌochꞌ. Cueꞌ le̱ riyaj ut ayukex chi a̱uc.

Génesis 47:26

Tojoꞌnak laj José quixqꞌue jun li chakꞌrab saꞌ li tenamit Egipto re nak laj faraón junelic tixcꞌul li roꞌ jachal li acui̱mk li ta̱e̱lk aran. Caꞌaj chic laj cꞌamol be re tijoc incꞌaꞌ queꞌxqꞌue li roꞌ jachal li racui̱mk xban nak eb lix chꞌochꞌ moco lokꞌbil ta xban laj faraón. Toj chalen anakcuan cuan li chakꞌrab aꞌan.