Génesis 47:11 - Li Santil hu

¹¹ Ut laj José quixqꞌue chi cua̱nc lix yucuaꞌ saꞌ li tenamit Egipto, joꞌeb ajcuiꞌ li ras. Ut quixsi reheb li chꞌochꞌ li kꞌaxal cha̱bil. Li naꞌajej aꞌan Gosén xcꞌabaꞌ. Ramesés ajcuiꞌ nayeman re li naꞌajej aꞌan. Laj José quixba̱nu joꞌ quiyeheꞌ re xban laj faraón.

Q'eqchi Bible

¹¹ Laj José kixpaab' li kiyehe'k re xb'aan laj Parahón: kixk'e xna'ajeb' li ras ut li xyuwa' sa' li ch'och' q'axal chaab'il re Ejiipt, sa' xteepal Ramsés.

Génesis 47:11 ပူးပေါင်းရင်းမြစ်များ

Éxodo 12:37

Ut chixjunileb laj Israel queꞌel saꞌ li tenamit Ramesés ut queꞌco̱eb saꞌ li tenamit Sucot. Cuakib ciento mil (600,000) chi cui̱nk queꞌco̱eb chi rok. Eb li ixk joꞌ ajcuiꞌ eb li cocꞌal ma̱cꞌaꞌeb saꞌ ajl.

Éxodo 1:11

Tojoꞌnak laj faraón li acuabej quixxakabeb laj taklanel saꞌ xya̱nkeb re nak eb aꞌan teꞌtakla̱nk reheb laj Israel chi trabajic chi cau. Eb laj Israel yo̱queb chixyi̱banquil li ni̱nki ochoch re laj faraón saꞌ li cuib chi tenamit Pitón ut Ramesés. Ut aran ta̱cꞌu̱lama̱nk lix biomal laj faraón.

Génesis 47:6

Chixjunil li tenamit Egipto cuan rubel a̱takl. Canabeb chi cua̱nc saꞌ li naꞌajej Gosén xban nak li chꞌochꞌ aꞌan cha̱bil. Ut cui cuanqueb saꞌ e̱ya̱nk li nequeꞌxba̱nu chi us li cꞌanjel, ta̱kꞌaxtesiheb inqueto̱mk reheb re nak eb aꞌan teꞌilok re, chan laj faraón.

San Juan 17:24

At inYucuaꞌ, nintzꞌa̱ma cha̱cuu nak chixjunileb li xakꞌaxtesiheb cue teꞌcua̱nk cuiqꞌuin saꞌ li naꞌajej li tincua̱nk cuiꞌ la̱in. Nacuaj nak teꞌril lin lokꞌal li caqꞌue chak cue nak toj ma̱jiꞌ quiyi̱ba̱c li ruchichꞌochꞌ xban nak niquina̱ra.

San Juan 17:2

La̱at xatqꞌuehoc incuanquil saꞌ xbe̱n chixjunil re nak tinqꞌue li junelic yuꞌam reheb li xakꞌaxtesiheb cue.

San Juan 14:23

Quichakꞌoc li Jesús ut quixye re: —La̱in tincꞌutbesi cuib chiruheb li nequeꞌrahoc cue ut nequeꞌxba̱nu li cꞌaꞌru ninye. Eb aꞌan teꞌrahekꞌ xban lin Yucuaꞌ. La̱in ut lin Yucuaꞌ toxic riqꞌuineb ut tocua̱nk riqꞌuineb.

San Juan 14:2

Saꞌ rochoch lin Yucuaꞌ nabal li naꞌajej cuan. Cui ta ma̱cꞌaꞌ li naꞌajej, ac xinye raj e̱re. La̱in xic cue chixcauresinquil e̱naꞌaj.

San Juan 10:28

La̱in tinqꞌueheb xyuꞌam chi junelic. Incꞌaꞌ teꞌosokꞌ ut ma̱ ani ta̱ru̱k ta̱makꞌok reheb chicuu.

San Juan 10:10

Laj e̱lkꞌ nachal chi elkꞌac ut chi camsi̱nc ut chi sachoc. La̱in xinchal re nak ta̱cua̱nk e̱yuꞌam chi tzꞌakal. Ta̱cua̱nk e̱yuꞌam chi junelic.

Génesis 46:34

la̱ex texchakꞌok ut te̱ye re, “Chalen chak saꞌ kacaꞌchꞌinal, la̱o aj ilol queto̱mk. Aꞌan ajcuiꞌ li cꞌanjel li queꞌxba̱nu chak eb li kaxeꞌto̱nil yucuaꞌ.” Joꞌcaꞌin te̱ye re laj faraón re nak aꞌan tixye e̱re nak texcana̱k saꞌ li naꞌajej Gosén. Kꞌaxal us raj texcana̱k arin Gosén xban nak eb laj Egipto xicꞌ nequeꞌrileb li nequeꞌqꞌuiresin queto̱mk, chan laj José reheb li ras.

Génesis 47:27

Ut eb laj Israel queꞌcana aran Egipto saꞌ li naꞌajej Gosén. Ut queꞌtam li cꞌaꞌru reheb aꞌan. Ut queꞌqꞌuian ajcuiꞌ eb li ralal xcꞌajol.

Números 33:3

Eb laj Israel queꞌel Ramesés saꞌ li oꞌlaju xbe li xbe̱n po. Ecue̱rak li ninkꞌe Pascua. Cauheb xchꞌo̱l nak queꞌel chiruheb chixjunileb laj Egipto.

Isaías 22:24

Abanan kꞌaxal a̱l li i̱k ta̱cana̱k saꞌ xbe̱n. Chixjunileb li rechꞌalal teꞌxsicꞌ xtenkꞌanquil riqꞌuin. Chanchanakeb chic li ucꞌal ut li secꞌ li nequeꞌtꞌuyuba̱c saꞌ eb li claux.