Génesis 47:1 - Li Santil hu

¹ Laj José quicuulac riqꞌuin laj faraón ut quixye re: —Lin yucuaꞌ joꞌ eb ajcuiꞌ li cuas xeꞌel chak saꞌ li tenamit Canaán ut anakcuan ac xeꞌcꞌulun saꞌ li naꞌajej Gosén. Xeꞌxcꞌam chak chixjunileb lix queto̱mk chirix joꞌ eb ajcuiꞌ chixjunil li cꞌaꞌru cuan reheb, chan.

Q'eqchi Bible

¹ Kiwulak laj José rik'in laj Parahón ut kixye re: “Linyuwa', eb' li was, eb' li xkarneer, li xwakax ut chixjunil li k'aru reheb' xe'chalk chaq toj Kanahán ut anaqwan wankeb' sa' li na'ajej Gosen”.

Génesis 47:1 ပူးပေါင်းရင်းမြစ်များ

Génesis 46:31

Ut laj José quixye reheb li ras joꞌ eb ajcuiꞌ reheb li rechꞌalal, —La̱in xic cue chixyebal re laj faraón nak ac xeꞌcꞌulun lin yucuaꞌ cuiqꞌuin joꞌ eb li cuas ut joꞌ eb ajcuiꞌ li kechꞌalal li xeꞌcuan chak Canaán.

Génesis 45:10

Texinqꞌue chi cua̱nc saꞌ li tenamit Gosén re nak nachꞌak caꞌchꞌinak kaya̱nk cuochbenex. Te̱cꞌameb chak le̱ ralal e̱cꞌajol. Te̱cꞌameb chak le̱ queto̱mk joꞌ eb ajcuiꞌ chixjunil li cꞌaꞌak re ru cuan e̱re.

Génesis 46:28

Ut laj Jacob quixtakla laj Judá chi cꞌamoc be re teꞌxcꞌul laj José saꞌ li tenamit Gosén. Ut queꞌco̱eb.

Hebreos 2:11

La̱o nocosantobresi̱c xban li Ka̱cuaꞌ Jesucristo. La̱o ut li Jesucristo junaj ajcuiꞌ li kachoxahil Yucuaꞌ. Xban aꞌan li Jesucristo incꞌaꞌ naxuta̱na̱c chixyebal nak la̱o lix herma̱n.

Éxodo 9:26

Caꞌaj chic saꞌ li tenamit Gosén incꞌaꞌ quicuan li sakbach xban nak aran cuanqueb laj Israel.

Éxodo 8:22

Aban incꞌaꞌ tintakla li raxya̱t saꞌ li naꞌajej Gosén bar cuanqueb cuiꞌ lin tenamit. Aran incꞌaꞌ teꞌchꞌiꞌchꞌiꞌi̱nk li raxya̱t. Riqꞌuin aꞌan te̱nau nak la̱in li Ka̱cuaꞌ Dios ut cuan incuanquil saꞌ xbe̱n li ruchichꞌochꞌ.

Génesis 46:34

la̱ex texchakꞌok ut te̱ye re, “Chalen chak saꞌ kacaꞌchꞌinal, la̱o aj ilol queto̱mk. Aꞌan ajcuiꞌ li cꞌanjel li queꞌxba̱nu chak eb li kaxeꞌto̱nil yucuaꞌ.” Joꞌcaꞌin te̱ye re laj faraón re nak aꞌan tixye e̱re nak texcana̱k saꞌ li naꞌajej Gosén. Kꞌaxal us raj texcana̱k arin Gosén xban nak eb laj Egipto xicꞌ nequeꞌrileb li nequeꞌqꞌuiresin queto̱mk, chan laj José reheb li ras.

Génesis 45:16

Ut quicuulac resil saꞌ rochoch laj faraón nak queꞌcuulac eb li ras laj José riqꞌuin. Ut laj faraón, joꞌ eb ajcuiꞌ laj cꞌanjel chiru, queꞌsahoꞌ saꞌ xchꞌo̱l chirabinquil aꞌin.