Génesis 46:5 - Li Santil hu

⁵ Ut laj Jacob qui-el saꞌ li naꞌajej Beerseba. Eb li ralal queꞌcꞌamoc re aꞌan saꞌ li carre̱t li taklanbileb chak xban laj faraón. Ut queꞌxcꞌam ajcuiꞌ li rixakil eb aꞌan joꞌ eb ajcuiꞌ lix cocꞌaleb.

Q'eqchi Bible

⁵ Toja' naq laj Jakob ki'elk Berseba ut eb' li ralal ke'xtaqsi li xyuwa'eb' rochb'eeneb' li xkok'al ut eb' li rixaqil sa'eb' li b'eleb'aal ch'iich' taqlanb'ileb' chaq xb'aan laj Parahón.

Génesis 46:5 ပူးပေါင်းရင်းမြစ်များ

Génesis 45:21

Ut eb li ralal laj Israel queꞌxba̱nu joꞌ quiyeheꞌ reheb. Laj José quixkꞌaxtesiheb li carre̱t reheb li ras joꞌ quiyeheꞌ re xban laj faraón. Ut quixqꞌueheb ajcuiꞌ nabal lix tzacae̱mk re nak teꞌcuaꞌak saꞌ be.

Génesis 45:19

Joꞌcaꞌin ta̱ba̱numa̱nk. Joꞌ yo̱quin chixyebal a̱cue, joꞌcan ajcuiꞌ ta̱ye reheb la̱ cuas. “Cꞌamomakeb li carre̱t li cuanqueb arin Egipto. Ut aꞌan ta̱cꞌanjelak che̱ru re xcꞌambal chak le̱ yucuaꞌ joꞌ eb ajcuiꞌ le̱ rixakil ut le̱ cocꞌal.

Génesis 45:27

Eb li ralal queꞌxserakꞌi re chixjunil li cꞌaꞌru quitakla̱c xyebal re xban laj José. Nak quirileb li carre̱t li quixtakla, tojoꞌnak quicꞌulun xchꞌo̱l laj Jacob.

Éxodo 10:26

Tento nak ta̱xic chixjunil li kaqueto̱mk. Ma̱ jun takacanab. Saꞌ xya̱nkeb aꞌan takasicꞌ ru li takamayeja chiru li kaDios. Nak tocuulak, aran takil bar cuan li ta̱cꞌanjelak chokꞌ kamayej, chan laj Moisés.

Éxodo 10:24

Ut laj faraón quixbok laj Moisés ut quixye re: —Ayukex. Lokꞌonihomak chak le̱ Dios. Cꞌamomak le̱ cocꞌal. Aban le̱ queto̱mk te̱canab arin, chan.

Hechos 7:15

Joꞌcaꞌin nak co̱eb aran Egipto laj Jacob li kaxeꞌto̱nil yucuaꞌ ut aran quicam joꞌqueb ajcuiꞌ li ralal.

Génesis 21:14

Joꞌ cuulajak chic nak toj ekꞌela, laj Abraham quixqꞌue xcua lix Agar. Ut quixqꞌue jun bo̱ls tzꞌu̱m lix haꞌ ut lix Agar quixjelo saꞌ xbe̱n xtel. Nak laj Abraham quixkꞌaxtesi laj Ismael saꞌ rukꞌ lix Agar, quixchakꞌrabiheb. Tojoꞌnak queꞌco̱eb ut queꞌxsuti rib saꞌ li chaki chꞌochꞌ Beerseba xcꞌabaꞌ.

1 Samuel 12:8

Nak queꞌco̱eb Egipto laj Jacob ut eb li ralal xcꞌajol, queꞌrahobtesi̱c. Eb le̱ xeꞌto̱nil yucuaꞌ queꞌxya̱ba xcꞌabaꞌ li Ka̱cuaꞌ. Ut aꞌan quixtaklaheb laj Moisés ut laj Aarón chixtenkꞌanquileb. Eb aꞌan queꞌcꞌamoc be chiruheb le̱ xeꞌto̱nil yucuaꞌ nak queꞌel chak Egipto ut aꞌaneb li queꞌcꞌamoc chak reheb chi cua̱nc saꞌ li naꞌajej aꞌin.