Génesis 46:12 - Li Santil hu

¹² Ut aꞌaneb aꞌin lix cꞌabaꞌeb li ralal laj Judá: laj Er, laj Onán, laj Sela, laj Fares ut laj Zara. Laj Er ut laj Onán queꞌcam saꞌ li tenamit Canaán. Ut laj Fares quicuan cuib li ralal laj Hezrón ut laj Hamul xcꞌabaꞌeb.

Q'eqchi Bible

¹² Eb' li ralal laj Judá: laj Er, laj Onán, laj Selá, laj Perés ut laj Séraj (ab'anan laj Er ut laj Onán ak ke'kamk chaq Kanahán), ut eb' li ralal laj Parés: laj Jesrón ut laj Jamul.

Génesis 46:12 ပူးပေါင်းရင်းမြစ်များ

1 Crónicas 4:21

Eb li ralal laj Sela li ralal laj Judá, aꞌaneb aꞌin: laj Er lix yucuaꞌ laj Leca, laj Laada lix yucuaꞌ laj Maresa ut li ralal xcꞌajol li nequeꞌcꞌanjelac riqꞌuin li tꞌicr lino aran Bet-asbea,

Génesis 38:10

Xban nak incꞌaꞌ quicuulac chiru li Dios li cꞌaꞌru quixba̱nu laj Onán, li Dios quixrak ajcuiꞌ lix yuꞌam aꞌan.

Génesis 38:7

Laj Er kꞌaxal yibru xnaꞌleb chiru li Dios. Joꞌcan nak li Ka̱cuaꞌ Dios quixrak xcutan laj Er.

Génesis 29:35

Ut lix Lea quicuan jun chic xcꞌulaꞌal ut quixqꞌue aj Judá chokꞌ xcꞌabaꞌ. Quixye: —Anakcuan tinlokꞌoni li Ka̱cuaꞌ Dios riqꞌuin li usilal xba̱nu cue, chan. Chirix li ca̱hib chi cocꞌal aꞌin, toj ma̱jiꞌ chic quicuan xcocꞌal lix Lea.

Apocalipsis 5:5

Ut jun reheb li chunchu̱queb saꞌ li ca̱hib xcaꞌcꞌa̱l chi cꞌojariba̱l quixye cue: —Matya̱bac xban nak cuan jun ta̱ru̱k tixte li hu aꞌin. Cuan jun aj Judá chanchan li cakcoj. Aꞌan xcomoneb li ralal xcꞌajol li rey David. Aꞌan xcꞌulub risinquil li cuukub chi sello ut xcꞌulub xtebal li hu xban nak aꞌan quixcuy xnumsinquil li ra xi̱cꞌ, chan.

Hebreos 7:14

Laj Moisés, nak quia̱tinac chirixeb laj tij, ma̱ jun cua quixye nak saꞌ xya̱nkeb ta li ralal xcꞌajol laj Judá ta̱e̱lk chak junak aj tij. Ut li Jesucristo quiyoꞌla saꞌ xya̱nkeb li ralal xcꞌajol laj Judá.

Salmos 78:68

Quixsicꞌ ban ruheb li ralal xcꞌajol laj Judá. Ut saꞌ lix tenamiteb quixyi̱b lix templo saꞌ li tzu̱l Sión li raro xban.

1 Crónicas 5:2

Eb li ralal xcꞌajol laj Judá, aꞌaneb li queꞌniman xcuanquil saꞌ xya̱nkeb li rech tenamitil, ut saꞌ xya̱nkeb aꞌan quiyoꞌla li jun li ta̱takla̱nk saꞌ xbe̱neb aꞌan. Abanan laj José li quie̱chanin re li tento raj tixcꞌul li xbe̱n alalbej.

1 Crónicas 3:1

Aꞌaneb aꞌin li ralal laj David li queꞌyoꞌla aran Hebrón. Li xbe̱n, aꞌan laj Amnón. Lix naꞌ, aꞌan lix Ahinoam, Jezreel xtenamit. Li xcab, aꞌan laj Daniel. Lix naꞌ, aꞌan lix Abigail, Carmel xtenamit.

1 Crónicas 2:1

Aꞌaneb aꞌin li ralal laj Israel: laj Rubén, laj Simeón, laj Leví, laj Judá, laj Isacar, laj Zabulón,

Jueces 1:2

Quichakꞌoc li Ka̱cuaꞌ ut quixye reheb: —Aꞌaneb laj Judá li teꞌxic xbe̱n cua. La̱in tinkꞌaxtesi li naꞌajej saꞌ rukꞌeb aꞌan, chan.

Deuteronomio 33:7

Ut quixye chirixeb li ralal xcꞌajol laj Judá: At Ka̱cuaꞌ, chacuabiheb taxak nak nequeꞌxya̱ba la̱ cꞌabaꞌ eb li ralal xcꞌajol laj Judá. Chacꞌameb riqꞌuineb li rech tenamitil. Chatenkꞌaheb riqꞌuin la̱ cuanquil nak nequeꞌpletic riqꞌuineb li xicꞌ nequeꞌiloc reheb ut chacoleb chiruheb li xicꞌ nequeꞌiloc reheb.

Números 1:7

Laj Naasón li ralal laj Aminadab, aꞌan li najolomin reheb lix te̱paleb li ralal xcꞌajol laj Judá.

Génesis 38:4

Laj Judá quicuan cuiꞌchic jun li ralal riqꞌuin li ixk aꞌan ut quixqꞌue aj Onán chokꞌ xcꞌabaꞌ.

Génesis 46:11

Aꞌaneb aꞌin lix cꞌabaꞌeb li ralal laj Leví: laj Gersón, laj Coat, ut laj Merari.

Génesis 46:13

Aꞌaneb aꞌin lix cꞌabaꞌeb li ralal laj Isacar: laj Tola, laj Fúa, laj Job ut laj Simrón.

Li xHu LIX RUT 4:12

Aꞌ taxak li Ka̱cuaꞌ chiqꞌuehok nabalak e̱ralal e̱cꞌajol. Kꞌaxal taxak nabalakeb joꞌ li ralal xcꞌajol laj Fares, li ralal laj Judá li quicuan riqꞌuin lix Tamar, chanqueb re laj Booz.

1 Crónicas 9:4

Laj Utai, aꞌan li quicꞌamoc be chiruheb li ralal xcꞌajol laj Fares, li ralal laj Judá. Laj Utai, aꞌan li ralal laj Amiud. Laj Amiud, aꞌan li ralal laj Omri. Laj Omri, aꞌan li ralal laj Imri. Laj Imri, aꞌan li ralal laj Bani; ut laj Bani, aꞌan xcomoneb li ralal laj Fares, li ralal laj Judá.

Génesis 38:5

Laj Judá quicuan rox li ralal riqꞌuin li ixk aꞌan ut quixqꞌue aj Sela chokꞌ xcꞌabaꞌ. Laj Sela, aꞌan quiyoꞌla saꞌ li tenamit Quezib.

1 Crónicas 4:1

Eb li ralal laj Judá, aꞌaneb aꞌin: laj Fares, laj Hezrón, laj Carmi, laj Hur ut laj Sobal.

1 Crónicas 9:6

Laj Jeuel, aꞌan li quicꞌamoc be chiruheb li ralal xcꞌajol laj Zera, li ralal laj Judá. Cuakib ciento riqꞌuin laje̱b roxcꞌa̱l chixjunileb li ralal xcꞌajol laj Judá.

Nehemías 11:24

Laj Petaías, aꞌan li ralal laj Mesezabeel, xcomoneb li ralal xcꞌajol laj Zera li ralal laj Judá. Laj Petaías aꞌan li xakabanbil xban li rey chokꞌ ru̱chil chiruheb laj Israel riqꞌuin chixjunil li cꞌaꞌru nequeꞌxcꞌu̱b ru.