Génesis 45:7 - Li Santil hu

⁷ Li Ka̱cuaꞌ Dios quinixtakla chak arin chi cꞌamoc be che̱ru re nak texcolekꞌ. Chi joꞌcaꞌin ta̱cua̱nk nabaleb li kalal kacꞌajol. Li Ka̱cuaꞌ Dios quinixtakla arin re nak eb laj Israel incꞌaꞌ teꞌosokꞌ saꞌ ruchichꞌochꞌ.

Q'eqchi Bible

⁷ Li Yos xtaqlank chaq we arin xb'enwa cheru laa'ex re naq ink'a' taa'oso'q leeriyajil sa' ruuchich'och', ut re ajwi' xkolb'al leeyu'am rik'in xnimal kolb'a ib'.

Génesis 45:7 ပူးပေါင်းရင်းမြစ်များ

Hechos 7:35

Laj Moisés, aꞌan li queꞌxtzꞌekta̱na laj Israel nak queꞌxye: “¿Ani xqꞌuehoc a̱cue chi takla̱nc ut chi rakoc a̱tin?” chanqueb. Aꞌan li quitakla̱c chixtenkꞌanquileb laj Israel ut chixcolbaleb. Quitakla̱c xban li Ka̱cuaꞌ nak li ángel quixcꞌutbesi rib chiru saꞌ li jun to̱n chi qꞌuix yo̱ xxamlel.

Salmos 44:4

At inDios, la̱at lin Rey. La̱at catcoloc ke la̱o, li ralal xcꞌajol laj Jacob.

Salmos 18:50

Li Ka̱cuaꞌ quixqꞌue li rey chi numta̱c saꞌ xbe̱neb li xicꞌ nequeꞌiloc re. Li Ka̱cuaꞌ naruxta̱na ru li rey David, li sicꞌbil ru xban. Junelic tixra aꞌan joꞌqueb ajcuiꞌ li ralal xcꞌajol.

Jueces 15:18

Cꞌajoꞌ nak ta̱chakik re laj Sansón nak quixye re li Ka̱cuaꞌ: —Xina̱tenkꞌa chi numta̱c saꞌ xbe̱neb laj filisteo. Ut anakcuan, ¿ma tina̱canab chi ca̱mc xban chaki el ut tineꞌxcꞌam eb laj filisteo, li incꞌaꞌ nacateꞌxpa̱b? chan.

1 Crónicas 11:14

Laj Eleazar rochbeneb lix soldado queꞌxxakab ribeb saꞌ xyi li acui̱mk ut queꞌpletic riqꞌuineb laj filisteo re teꞌxcol ribeb. Queꞌpletic toj retal queꞌnumta saꞌ xbe̱neb xban nak li Ka̱cuaꞌ quitenkꞌan reheb.

Génesis 45:5

Anakcuan mirahoꞌ chic saꞌ e̱chꞌo̱l ut mexcꞌoxlac chic chirix nak la̱ex xexcꞌayin chak cue. Li Ka̱cuaꞌ Dios xtaklan chak cue arin re nak la̱ex texcolekꞌ inban.

Génesis 50:20

Relic chi ya̱l nak la̱ex xeya̱ba li incꞌaꞌ us saꞌ inbe̱n. Abanan li Ka̱cuaꞌ Dios xjal ru chokꞌ usilal. Xban nak cuanquin arin la̱in, nabaleb toj yoꞌyo̱queb inban. Nabal li tenamit xeꞌcoleꞌ saꞌ incꞌabaꞌ la̱in nak xcuan li cueꞌej.

Génesis 47:12

Laj José quixqꞌue xtzacae̱mk lix yucuaꞌ joꞌ eb ajcuiꞌ li ras ut chixjunileb li rechꞌalal. Aꞌ yal chanru xqꞌuialeb lix cocꞌal, chixjunileb queꞌxcꞌul lix tzacae̱mk.