Génesis 45:6 - Li Santil hu

⁶ Ac xnumeꞌ cuib chihab li cueꞌej ut toj o̱b chihab chic ta̱cua̱nk. Ut incꞌaꞌ ta̱uxma̱nk li a̱uc, ut ma̱cꞌaꞌak ajcuiꞌ li acui̱mk.

Q'eqchi Bible

⁶ Ak xkab' chihab' anaqwan xtiklajik li we'ej sa' li na'ajej a'in ut toj oob' chihab' chik ink'a' taa'uxq awk chi moko q'olok.

Génesis 45:6 ပူးပေါင်းရင်းမြစ်များ

Génesis 47:23

Tojoꞌnak laj José quixye reheb li tenamit: —Anakcuan la̱ex lokꞌbilex che̱junilex inban chokꞌ re laj faraón joꞌ eb ajcuiꞌ le̱ chꞌochꞌ. Cueꞌ le̱ riyaj ut ayukex chi a̱uc.

Génesis 41:56

Nak laj José quiril nak kꞌaxal numtajenak li cueꞌej yalak bar, quixtakla xtebaleb li cꞌu̱leba̱l re li trigo. Ut queꞌxcꞌayi li trigo riqꞌuineb laj Egipto xban nak kꞌaxal numtajenak lix tzꞌocajiqueb.

Génesis 41:54

Ut quiticla li cuukub chihab chi cueꞌej joꞌ quixye laj José junxilaj. Ut quicuan li cueꞌej saꞌ chixjunileb li tenamit li cuanqueb chi xjun sutam li tenamit Egipto. Caꞌaj cuiꞌ aran Egipto cꞌu̱lanbil li tzacae̱mk.

Isaías 30:24

Ut kꞌaxal cha̱bilak ajcuiꞌ lix tzacae̱mkeb le̱ bo̱yx ut le̱ bu̱r li teꞌbecok re li chꞌochꞌ.

1 Samuel 8:12

Cuanqueb li tixxakab chi takla̱nc saꞌ xbe̱neb jun mil chi soldado. Cuanqueb ajcuiꞌ li tixqꞌue chi takla̱nc saꞌ xbe̱neb laje̱b roxcꞌa̱l. Ut cuanqueb li tixqꞌue chixtrabajinquil lix chꞌochꞌ ut chixkꞌolbal li ru li racui̱mk. Cuanqueb li tixqꞌue chixyi̱banquil li chꞌi̱chꞌ re pletic. Ut cuanqueb ajcuiꞌ li tixqꞌue chixyi̱banquil lix carruaje re pletic.

Deuteronomio 21:4

Teꞌxcꞌam li cuacax saꞌ junak li ru takꞌa li ma̱ jun sut quibequeꞌ li chꞌochꞌ chi moco qui-ux a̱uc aran. Saꞌ li naꞌajej aꞌan teꞌxtok xcux li cuacax.

Éxodo 34:21

Cuakib cutan textrabajik. Saꞌ xcuuk li cutan texhila̱nk. Usta xkꞌehil li a̱uc, usta xkꞌehil li kꞌoloc joꞌcaꞌin te̱ba̱nu.

Génesis 47:18

Nak quirakeꞌ li chihab aꞌan, queꞌcuulac cuiꞌchic riqꞌuin laj José ut queꞌxye re: —La̱o incꞌaꞌ takamuk cha̱cuu nak quilaj li katumin joꞌ eb ajcuiꞌ li cuacax. Chixjunil li cꞌaꞌru ke la̱o, ac xkakꞌaxtesi re laj faraón. Caꞌaj chic la̱o cuanco ut li kachꞌochꞌ.

Génesis 37:2

Ut joꞌcaꞌin nak queꞌcuan chak li ralal xcꞌajol laj Jacob. Laj José cuan cuuklaju chihab re, ut aꞌan natenkꞌan reheb li ras chi iloc reheb li queto̱mk. Eb li ras li nequeꞌochbenin re laj José, aꞌan eb li ralal laj Jacob riqꞌuineb lix Bilha ut lix Zilpa. Nak laj José quiril nak incꞌaꞌ us nequeꞌxba̱nu li ras, najitoc chiru lix yucuaꞌ.

Génesis 41:46

Nak quirakeꞌ chi a̱tinac laj faraón, laj José qui-el chixsutinquil li tenamit Egipto re nak tixnau ru chixjunileb li tenamit. Laje̱b xcaꞌcꞌa̱l chihab (30) cuan re laj José nak qui-oc chi cꞌanjelac chiru laj faraón.

Génesis 41:53

Quinumeꞌ li cuukub chihab nak quicuan nabal li tzacae̱mk saꞌ li tenamit Egipto.

Génesis 41:35

Ut saꞌ a̱cꞌabaꞌ la̱at, ta̱xocma̱nk chixjunil li acui̱mk aꞌin, at faraón. Ut aꞌan xocxo̱k a̱ban chiru li cuukub chihab aꞌin saꞌ li junju̱nk chi tenamit re nak ta̱cua̱nk xtzacae̱mk li cristian.