Génesis 45:5 - Li Santil hu

⁵ Anakcuan mirahoꞌ chic saꞌ e̱chꞌo̱l ut mexcꞌoxlac chic chirix nak la̱ex xexcꞌayin chak cue. Li Ka̱cuaꞌ Dios xtaklan chak cue arin re nak la̱ex texcolekꞌ inban.

Q'eqchi Bible

⁵ Ab'anan anaqwan miraho'k leech'ool chi moko chexjosq'o'q rik'in naq xineek'ayi chaq, xb'aan naq kolok yu'am xinxtaqla wi' chaq li Yos arin, cheru laa'ex.

Génesis 45:5 ပူးပေါင်းရင်းမြစ်များ

Génesis 50:20

Relic chi ya̱l nak la̱ex xeya̱ba li incꞌaꞌ us saꞌ inbe̱n. Abanan li Ka̱cuaꞌ Dios xjal ru chokꞌ usilal. Xban nak cuanquin arin la̱in, nabaleb toj yoꞌyo̱queb inban. Nabal li tenamit xeꞌcoleꞌ saꞌ incꞌabaꞌ la̱in nak xcuan li cueꞌej.

Li xHu LAJ JOB 1:21

Ut quixye: —Ma̱cꞌaꞌ cuan cue saꞌ li ruchichꞌochꞌ aꞌin nak quinyoꞌla ut ma̱cꞌaꞌ ajcuiꞌ tincꞌam chicuix nak tinca̱mk. Li Ka̱cuaꞌ xqꞌuehoc cue chixjunil li cꞌaꞌru cuan cue ut aꞌan x-isin re chicuu. Lokꞌoninbil taxak xcꞌabaꞌ li Ka̱cuaꞌ, chan.

San Lucas 23:34

Ut li Jesús quitijoc ut quixye: —At inYucuaꞌ, cuy taxak xma̱queb li tenamit aꞌin xban nak incꞌaꞌ nequeꞌxnau cꞌaꞌru yo̱queb chixba̱nunquil, chan. Ut eb li soldado queꞌbu̱lic chirix li rakꞌ re rilbal ani na ta̱e̱chani̱nk re.

Génesis 47:25

Eb aꞌan queꞌchakꞌoc ut queꞌxye re: —La̱o xocoleꞌ a̱ban. Chixcꞌul taxak a̱chꞌo̱l la̱at nak la̱o to-oc chokꞌ xmo̱s laj faraón, chanqueb.

2 Corintios 2:11

Takacuy xma̱c re nak laj tza incꞌaꞌ ta̱numta̱k saꞌ kabe̱n xban nak chikajunilo ac nakanau nak aꞌan cuan xnaꞌleb chi balakꞌic.

2 Corintios 2:7

Us cui te̱cuy xma̱c anakcuan ut te̱cꞌojob xchꞌo̱l xban nak naru nachꞌinan cuiꞌchic xchꞌo̱l.

2 Samuel 17:14

Laj Absalón ut chixjunileb li cuanqueb rochben queꞌxye: —Kꞌaxal us li naꞌleb li xqꞌue laj Husai chiru li xqꞌue laj Ahitofel, chanqueb. Queꞌxye nak us xban nak ac cuan saꞌ xchꞌo̱l li Dios nak ta̱poꞌekꞌ ru li naꞌleb li quixqꞌue laj Ahitofel ut nak laj Absalón tixcꞌul li raylal.

2 Samuel 12:12

La̱at xaba̱nu la̱ ma̱c chi mukmu. Abanan la̱in incꞌaꞌ tinba̱nu aꞌin chi mukmu. Chiruheb ban chixjunileb laj Israel tinba̱nu aꞌin,” chan li Ka̱cuaꞌ a̱cue, chan laj Natán.

1 Samuel 1:19

Joꞌ cuulajak chic queꞌcuacli toj ekꞌela ut co̱eb chixlokꞌoninquil li Dios. Ut chirix aꞌan queꞌsukꞌi saꞌ li rochocheb aran Ramá. Ut laj Elcana quicuan riqꞌuin lix Ana li rixakil ut quicana chi yaj aj ixk. Joꞌcaꞌin nak li Dios quixsume lix tij lix Ana.

Filemón 1:15

Cuan xya̱lal nak qui-el jarubak cutan a̱cuiqꞌuin. Ma̱re lix ya̱lal aꞌan nak quijala lix yuꞌam ut anakcuan ta̱cua̱nk a̱cuiqꞌuin chi junelic.

Génesis 37:28

Nak yo̱queb chi numecꞌ saꞌ li naꞌajej aꞌan eb laj madianita rochbeneb laj ismaelita, eb li ras laj José queꞌrisi saꞌ li jul ut queꞌxcꞌayi reheb laj ismaelita. Junmay ajcuiꞌ chi tumin plata queꞌxcꞌayi cuiꞌ laj José. Ut chirix aꞌan, queꞌxcꞌam toj Egipto.

Génesis 50:19

Ut laj José quixye reheb: —Mexxucuac. ¿Ma la̱in ta biꞌ li Ka̱cuaꞌ Dios chi rakoc a̱tin saꞌ e̱be̱n? chan.

Génesis 50:21

Anakcuan mexxucuac chic la̱ex. La̱in chic tin-ilok e̱re ut tinqꞌue ajcuiꞌ li cꞌaꞌru ta̱paltok e̱re, joꞌ ajcuiꞌ reheb le̱ cocꞌal, chan laj José. Ut laj José quixcꞌojobeb xchꞌo̱l li ras nak quia̱tinac riqꞌuineb saꞌ usilal.

Ester 4:14

Cui ti̱c ma̱cꞌaꞌ nacaba̱nu la̱at anakcuan, la̱in ninnau nak cuan jun li ta̱colok reheb laj judío. Aꞌut la̱at joꞌqueb ajcuiꞌ li ralal xcꞌajol la̱ yucuaꞌ texcamsi̱k. Ma̱re anchal re xtenkꞌanquileb la̱ tenamit nak xatqꞌueheꞌ chokꞌ reina, chan laj Mardoqueo.