Génesis 45:26 - Li Santil hu

²⁶ Ut queꞌxye re laj Jacob: —¡Cꞌoxla! Yoꞌyo laj José. Aꞌan li nataklan saꞌ xbe̱n chixjunil li tenamit Egipto, chanqueb. Ut quisach xchꞌo̱l laj Jacob nak quirabi resil li ralal. Laj Jacob incꞌaꞌ quixpa̱b li cꞌaꞌru quiyeheꞌ re xbaneb li ralal.

Q'eqchi Bible

²⁶ ut koxe'xye re: “Toj yo'yo laj José! A'an li nataqlank sa' xb'een chixjunil li tenamit Ejiipt”, chankeb'. Naq kirab'i resil li ralal, mem kikanaak laj Jakob, xb'aan naq ink'a' kixpaab' li k'aru kiyehe'k re xb'aaneb' li ralal.

Génesis 45:26 ပူးပေါင်းရင်းမြစ်များ

Génesis 44:28

Li jun quintakla chi takl ut incꞌaꞌ chic quisukꞌi chak. La̱in ninye nak junak joskꞌ aj xul xcamsin re. Incꞌaꞌ chic xcuil bayak ru.

Génesis 37:35

Ut chixjunileb li ralal xcꞌajol queꞌoc chixcꞌojobanquil xchꞌo̱l lix yucuaꞌeb. Abanan laj Jacob incꞌaꞌ quixcꞌojob xchꞌo̱l ut quixye: —La̱in incꞌaꞌ ta̱cꞌojla̱k inchꞌo̱l chalen nak tinca̱mk ut tintau li cualal li ac camenak, chan. Ut li yucuaꞌbej junelic naya̱bac chirix laj José.

San Lucas 24:41

Cꞌajoꞌ nak quisahoꞌ saꞌ xchꞌo̱leb. Abanan toj sachso̱queb xchꞌo̱l. Incꞌaꞌ queꞌxnau ma ya̱l li yo̱queb chirilbal malaj ut incꞌaꞌ. Ut li Jesús quixye reheb: —¿Ma cuan caꞌchꞌinak tzacae̱mk e̱riqꞌuin? chan reheb.

San Lucas 24:34

Yo̱queb chixyebal: —Relic chi ya̱l nak xcuacli cuiꞌchic chi yoꞌyo li Ka̱cuaꞌ xban nak xcꞌutbesi rib chiru laj Simón, chanqueb.

San Lucas 24:11

Abanan eb li junlaju chi apóstol incꞌaꞌ queꞌxpa̱b li cꞌaꞌru queꞌxye li ixk. Saꞌ xchꞌo̱leb aꞌan nak moco ya̱l ta li yo̱queb chixyebal.

Jonás 2:7

Quicuecꞌa nak osocꞌ cue. Catjulticoꞌ cue at Ka̱cuaꞌ. Nak quintijoc cha̱cuu, lin tij quicuulac toj saꞌ la̱ santil templo.

Salmos 126:1

Cꞌajoꞌ nak quisahoꞌ li kachꞌo̱l nak li Ka̱cuaꞌ coxqꞌue cuiꞌchic chi sukꞌi̱c Jerusalén. Chanchan matqꞌuec yo̱co.

Salmos 105:21

Ut li rey quixqꞌue xcuanquil laj José re nak aꞌan chic ta̱takla̱nk saꞌ li rochoch joꞌ ajcuiꞌ saꞌ xbe̱n chixjunil li cꞌaꞌru cuan re.

Li xHu LAJ JOB 29:24

Nak raheb saꞌ xchꞌo̱l la̱in quinqꞌueheb xsahil xchꞌo̱leb ut xban nak sa saꞌ inchꞌo̱l, quinqꞌueheb xcacuilal xchꞌo̱leb.

Li xHu LAJ JOB 9:16

Usta ta li Dios ta̱rabi li cꞌaꞌru nintzꞌa̱ma chiru, incꞌaꞌ ninpa̱b nak tixsume ta lin tij.

Génesis 42:38

Ut laj Jacob quixye re: —Ma̱ jaruj ta̱ru̱k ta̱xic li cualal che̱rix. Cꞌoxla, camenak li cualal jun ut caꞌaj chic laj Benjamín nacuan cuiqꞌuin. Ma̱re cꞌaꞌru tixcꞌul saꞌ be nak yo̱kex chi xic. Cui ma̱ anihak chic laj Benjamín cuiqꞌuin, la̱in naru nincam xban xrahil saꞌ inchꞌo̱l xban nak la̱in ti̱xin chic. La̱ex cuan e̱ma̱c cui nincam xban xrahil inchꞌo̱l, chan laj Jacob.

Génesis 42:36

Ut laj Jacob quixye reheb: —Anakcuan cꞌajoꞌ yo̱quex chak chixba̱nunquil cue. Ma̱ ani chic li cualal laj José. Ut anakcuan incꞌaꞌ chic xsukꞌi chak laj Simeón. Ut toj te̱raj cuiꞌchic xmakꞌbal laj Benjamín chicuu. ¿Cꞌaꞌut nak chixjunil natꞌaneꞌ saꞌ inbe̱n? chan laj Jacob reheb.

Génesis 37:31

Ut eb li asbej queꞌxcamsi jun li chꞌina chiba̱t ut saꞌ lix quiqꞌuel li chiba̱t li queꞌxcamsi queꞌxchꞌulaqui lix cha̱bil akꞌ laj José.

Génesis 45:25

Eb aꞌan queꞌel saꞌ li tenamit Egipto ut queꞌcuulac toj saꞌ li tenamit Canaán li cuan cuiꞌ chak laj Jacob lix yucuaꞌeb.

Génesis 42:29

Ut queꞌcuulac Canaán riqꞌuin lix yucuaꞌeb ut queꞌxserakꞌi re chixjunil li cꞌaꞌru queꞌxcꞌul.

Génesis 48:11

Laj Jacob quixye re laj José: —La̱in cuan saꞌ inchꞌo̱l nak incꞌaꞌ chic tincuil a̱cuu. Abanan li Ka̱cuaꞌ Dios xba̱nu usilal cue. Xcuil a̱cuu la̱at ut xcuil ajcuiꞌ ruheb la̱ cualal, chan laj Jacob.