Génesis 45:20 - Li Santil hu

²⁰ Mexcꞌoxlac chirix li cꞌaꞌak re ru li nacꞌanjelac che̱ru saꞌ le̱ rochoch, xban nak arin cuan nabal li cꞌaꞌak re ru li cha̱bil chokꞌ e̱re,” chan laj faraón re laj José.

Q'eqchi Bible

²⁰ ut mexk'oxlak chirix li k'aru eere teekanab' Kanahán, xb'aan naq arin li xchaab'ilal chixjunil Ejiipt taakanaaq cho'q eere»”.

Génesis 45:20 ပူးပေါင်းရင်းမြစ်များ

Isaías 1:19

Cui tixcꞌul e̱chꞌo̱l xba̱nunquil li cꞌaꞌru ninye e̱re, te̱tzaca li ru li acui̱mk li na-el saꞌ li chꞌochꞌ.

San Lucas 17:31

Saꞌ li cutan nak tincꞌulu̱nk, li ani cua̱nk chak saꞌ xbe̱n li rochoch ut li cꞌaꞌru re cua̱nk saꞌ li cab, micube chak chixxocbal. Joꞌcan ajcuiꞌ li cua̱nk chak saꞌ cꞌaleba̱l, incꞌaꞌ ta̱sukꞌi̱k saꞌ li rochoch.

Ezequiel 20:17

Usta ac xeꞌxba̱nu chixjunil aꞌan, abanan la̱in quincuyeb xma̱c. Quicuil xtokꞌoba̱l ruheb ut incꞌaꞌ quinsach ruheb saꞌ li chaki chꞌochꞌ.

Ezequiel 9:5

Ut quicuabi nak li Dios quixye reheb li cuakib chi cui̱nk: —Ayukex chirix li cui̱nk aꞌin nak ta̱numekꞌ saꞌ li tenamit ut camsihomakeb li cristian. Incꞌaꞌ te̱cuyeb xma̱c chi moco te̱ril xtokꞌoba̱leb ru.

Ezequiel 7:9

Incꞌaꞌ tincuy e̱ma̱c chi moco tincuil xtokꞌoba̱l e̱ru. Texinqꞌue ban chixtojbal rix le̱ ma̱c. Ut li ma̱usilal nequeba̱nu saꞌ e̱be̱n ajcuiꞌ la̱ex ta̱sukꞌi̱k. Ut la̱ex te̱nau nak la̱in li Ka̱cuaꞌ ut te̱nau ajcuiꞌ nak la̱in li tinqꞌuehok e̱re chixtojbal rix le̱ ma̱c.

Ezequiel 7:4

Ut incꞌaꞌ tincuy e̱ma̱c chi moco tincuil xtokꞌoba̱l e̱ru. Texinqꞌue chixtojbal rix li incꞌaꞌ us nequeba̱nu. Saꞌ e̱be̱n ajcuiꞌ la̱ex ta̱sukꞌi̱k li ma̱usilal nequeba̱nu, re nak te̱qꞌue retal nak la̱in li Ka̱cuaꞌ Dios.

Isaías 13:18

Riqꞌuin lix tzimaj telajeꞌxcamsiheb li cui̱nk li toj sa̱jeb. Incꞌaꞌ teꞌril xtokꞌoba̱l ruheb li cocꞌal chi moco teꞌril xtokꞌoba̱l ruheb li cꞌulaꞌal.

Esdras 9:12

La̱at caye nak incꞌaꞌ takasumubeb li karabin riqꞌuineb li ralal eb aꞌan chi moco li kalal teꞌsumla̱k riqꞌuineb lix rabin eb aꞌan. Ut caye ajcuiꞌ ke nak incꞌaꞌ tocua̱nk chi sum a̱tin riqꞌuineb chi moco takatenkꞌaheb re nak us teꞌe̱lk. Incꞌaꞌ takatenkꞌaheb re nak cauhako ut takatzaca li cha̱bil tzacae̱mk li ta̱e̱lk saꞌ li chꞌochꞌ ut re ajcuiꞌ nak li kalal kacꞌajol teꞌe̱chani̱nk re li naꞌajej aꞌin chi junaj cua.

1 Samuel 30:24

Ma̱ ani tixcꞌul xchꞌo̱l li cꞌaꞌru yo̱quex chixyebal. Juntakꞌe̱t takacꞌul chikajunilo, joꞌ li nequeꞌcana riqꞌuin li cꞌaꞌru cuan ke, joꞌ ajcuiꞌ li nequeꞌxic chi pletic. Juntakꞌe̱t takacꞌul chikajunilo, chan.

1 Samuel 25:13

Tojoꞌnak laj David quixye reheb: —Chapomak le̱ chꞌi̱chꞌ, chan. Ut chixjunileb queꞌxqꞌue xchꞌi̱chꞌeb saꞌ xcꞌa̱mal xsaꞌ. Ut laj David quixchap ajcuiꞌ lix chꞌi̱chꞌ ut quixcꞌam chirix ca̱hib ciento li soldados nak co̱ riqꞌuin laj Nabal. Cuib ciento queꞌcana aran chixcꞌacꞌalenquil li cꞌaꞌruheb re.

1 Samuel 10:22

Nak incꞌaꞌ queꞌxtau, queꞌxye re li Ka̱cuaꞌ: —¿Ma cuan saꞌ kaya̱nk li cui̱nk li xasicꞌ ru? chanqueb. Ut li Dios quixye reheb: —Laj Saúl cuan saꞌ e̱ya̱nk. Xmuk rib saꞌ xya̱nk li i̱k, chan.

Josué 7:11

Eb laj Israel xeꞌma̱cob ut xeꞌxkꞌet li contrato li xinba̱nu riqꞌuineb nak xinye reheb nak incꞌaꞌ teꞌxxoc li cꞌaꞌak re ru ac kꞌaxtesinbil re ta̱sachekꞌ. Eb aꞌan xeꞌrelkꞌa li cꞌaꞌru incꞌaꞌ raj xeꞌxchꞌeꞌ ut xeꞌticꞌtiꞌic. Ut li cꞌaꞌru xeꞌxxoc, xeꞌxqꞌue saꞌ xya̱nk li cꞌaꞌruheb re.

Deuteronomio 19:21

Incꞌaꞌ te̱ril xtokꞌoba̱l ruheb li nequeꞌxba̱nu li ma̱usilal. Cui junak tixcamsi ras ri̱tzꞌin, ta̱camsi̱k ajcuiꞌ aꞌan. Cui junak ta̱risi xnakꞌ ru li ras ri̱tzꞌin, ta̱isi̱k ajcuiꞌ xnakꞌ ru aꞌan; cui junak ta̱risi ruch re li ras ri̱tzꞌin, ta̱isi̱k ajcuiꞌ ruch re aꞌan; cui junak ta̱risi li rukꞌ li ras ri̱tzꞌin, ta̱isi̱k ajcuiꞌ li rukꞌ aꞌan; cui junak ta̱risi li rok li ras ri̱tzꞌin, ta̱isi̱k ajcuiꞌ li rok aꞌan.

Deuteronomio 19:13

Incꞌaꞌ te̱ril xtokꞌoba̱l ru li ani nama̱cob riqꞌuin xcamsinquil ras ri̱tzꞌin. Tento nak te̱risi li ma̱c saꞌ le̱ naꞌaj re nak us tex-e̱lk.

Deuteronomio 7:16

Tento nak te̱sach ruheb chixjunileb li tenamit li tixkꞌaxtesi saꞌ e̱rukꞌ li Ka̱cuaꞌ le̱ Dios. Incꞌaꞌ te̱ruxta̱na ruheb chi moco te̱ril xtokꞌoba̱l ruheb. Ut me̱lokꞌoniheb lix yi̱banbil dios re nak incꞌaꞌ ta̱sachekꞌ e̱ru.

Éxodo 22:7

Cui ani tixqꞌue tumin malaj li cꞌaꞌak chic re ru terto xtzꞌak chi xoquecꞌ riqꞌuin junak li ras ri̱tzꞌin ut li ani ta̱xocok re ta̱elkꞌa̱k chiru saꞌ li rochoch, cui teꞌxtau laj e̱lkꞌ, tento tixtoj cuib sut xqꞌuial chiru li ac xrelkꞌa.

Génesis 45:18

Cꞌamomak chak le̱ yucuaꞌ ut te̱cꞌam ajcuiꞌ chak chixjunil le̱ jun cablal li cuan aran. Tinqꞌue ajcuiꞌ e̱re chixjunil li cꞌaꞌak re ru li cha̱bil li cuan arin saꞌ li tenamit Egipto. Ut ta̱cua̱nk ajcuiꞌ chi tzꞌakal le̱ cha̱bil tzacae̱mk arin.

San Mateo 24:17

Li ani cua̱nk chak saꞌ xbe̱n li rochoch nak ta̱cꞌulma̱nk aꞌan, chi cubec chak ut ti̱c ta̱e̱lelik ut incꞌaꞌ chic ta̱oc saꞌ rochoch chirisinquil li cꞌaꞌru cuan re.

Génesis 20:15

Laj Abimelec quixye re laj Abraham: —Il li naꞌajej aꞌan. Chixjunil li chꞌochꞌ aꞌan cue la̱in. Ta̱sicꞌ li bar cuan ta̱cuulak cha̱cuu ut aran tatcua̱nk, chan.

Génesis 45:19

Joꞌcaꞌin ta̱ba̱numa̱nk. Joꞌ yo̱quin chixyebal a̱cue, joꞌcan ajcuiꞌ ta̱ye reheb la̱ cuas. “Cꞌamomakeb li carre̱t li cuanqueb arin Egipto. Ut aꞌan ta̱cꞌanjelak che̱ru re xcꞌambal chak le̱ yucuaꞌ joꞌ eb ajcuiꞌ le̱ rixakil ut le̱ cocꞌal.

Génesis 45:21

Ut eb li ralal laj Israel queꞌxba̱nu joꞌ quiyeheꞌ reheb. Laj José quixkꞌaxtesiheb li carre̱t reheb li ras joꞌ quiyeheꞌ re xban laj faraón. Ut quixqꞌueheb ajcuiꞌ nabal lix tzacae̱mk re nak teꞌcuaꞌak saꞌ be.

Génesis 47:6

Chixjunil li tenamit Egipto cuan rubel a̱takl. Canabeb chi cua̱nc saꞌ li naꞌajej Gosén xban nak li chꞌochꞌ aꞌan cha̱bil. Ut cui cuanqueb saꞌ e̱ya̱nk li nequeꞌxba̱nu chi us li cꞌanjel, ta̱kꞌaxtesiheb inqueto̱mk reheb re nak eb aꞌan teꞌilok re, chan laj faraón.